ىرىكتەۋ كەزەڭى شىعارماشىلىق اكادەمياسىنا كەلگەن قاتىسۋشىلاردى تىركەۋدەن باستالدى. اتا-انالارى, مۋزىكالىق تالىمگەرلەرى مەن دوستارىنىڭ قولداۋىمەن اسىعا كەلگەن بالالارعا كاستينگتىڭ ەرەجەلەرى مەن فورماتى ءتۇسىندىرىلدى. مۋزىكالىق پروديۋسەر فاريدا نيازوۆا بالالاردىڭ داۋىستارىن جاتتىقتىرعاننان كەيىن ءادىل قازىلار القاسى مەن ونىڭ قۇرامىنداعى تانىمال قازاقستاندىق ورىنداۋشى داستان ورازبەكوۆ جاس ورەڭدەردىڭ ونەرلەرىن تاماشالادى. بالالار دايىنداعان ءۇش اندەرىن ايتىپ, ءوز ۆوكالدى قابىلەتتەرى مەن ارتىستىك شەبەرلىكتەرىمەن تاڭعالدىردى. ىرىكتەۋ كەزەڭىندە قازاق, ورىس, اعىلشىن, جانە باسقا دا تىلدەردەگى اندەر ورىندالدى.
جان تەبىرەنتەتىن داۋىسى مەن جارقىن جۇزىمەن سۇيسىندىرە العان 10 جاسار سۇلەيمەنوۆا قازىلار القاسىنىڭ شەشىمىمەن اقتىق كەزەڭگە جولداما الدى. انەل 25 مەن 27 قازان ارالىعىندا رەسپۋبليكا سارايىنىڭ ساحناسىندا وتەتىن اقتىق كەزەڭىندە اقتوبە وبلىسىنىڭ اتىنان ونەر كورسەتپەك.
ايتا كەتسەك, بىرەگەي جوبادا 8 بەن 12 جاس ارالىعىندا 17 بالا قاتىسادى.
مادەنيەت جانە سپورت مينيسترلىگى جانە قازاقستان رەسپۋبليكاسىنىڭ ءبىرىنشى پرەزيدەنتى-ەلباسى قورىنىڭ قولداۋىمەن ءاليا نازارباەۆانىڭ قوعامدىق قورى ۇيىمداستىراتىن بايقاۋدىڭ ىرىكتەۋ كەزەڭى 29 ناۋرىزدان 22 مامىرعا دەيىن وتەدى.
