بىرىككەن ۇلتتار ۇيىمىنىڭ ساۋدا جانە دامۋ جونىندەگى كونفەرەنتسياسىندا (يۋنكتاد) قر سىرتقى ىستەر ءمينيسترىنىڭ ورىنباسارى ەرمەك كوشەرباەۆ يۋنكتاد-تىڭ ينۆەستيتسيالار جانە كاسىپكەرلىك دەپارتامەنتىنىڭ ديرەكتورى دجەيمس دجانمەن كەزدەستى. ءمينيستردىڭ ورىنباسارى ە. كوشەرباەۆ كەلىسوزدەر بارىسىندا قازاقستان رەسپۋبليكاسىنىڭ سىرتقى ىستەر مينيسترلىگىنە ينۆەستيتسيا تارتۋ جانە ەكسپورتتى ىنتالاندىرۋ بويىنشا فۋنكتسيالارى بەرىلگەندىگىن حابارلاپ, ينۆەستيتسيالار ماسەلەلەرى بويىنشا يۋنكتاد-پەن ىنتىماقتاستىقتى ودان ءارى نىعايتۋعا قىزىعۋشىلىق تانىتتى.
تاراپتار ينۆەستورلار ءۇشىن «ءبىر تەرەزە» جۇيەسىن جەتىلدىرۋ بويىنشا ىنتىماقتاستىقتى جالعاستىرۋ, يۋنكتاد-عا قازاقستان رەسپۋبليكاسىنىڭ ينۆەستيتسيالىق كەلىسىمدەرىن جەتىلدىرۋ بويىنشا جۇمىستاردى ودان ءارى جالعاستىرۋعا جاردەمدەسۋ, سونداي-اق مەملەكەتتىك ورگانداردىڭ وكىلدەرى ءۇشىن ينۆەستيتسيالاردى جىلجىتۋ جانە حالىقارالىق ينۆەستيتسيالىق كەلىسىمدەردى كەلىسۋ بويىنشا بىرلەسكەن وقۋ سەمينارلارىن وتكىزۋ تۋرالى ۋاعدالاستى.
ءمينيستردىڭ ورىنباسارى يۋنكتاد-تىڭ وكىلدەرىن ا.ج. 12 مامىردا نۇر-سۋلتان قالاسىندا وتەتىن «جاڭا ەكونوميكا جانە قازاقستاننىڭ ينۆەستيتسيالىق الەۋەتىن ارتتىرۋ» جاھاندىق ينۆەستيتسيالار بويىنشا ءۇشىنشى جىل سايىنعى «دوڭگەلەك ۇستەلگە» قاتىسۋعا شاقىردى.
