قوعام • 15 ءساۋىر، 2019

باتىر انا باسپانالى بولدى

799 رەت كورسەتىلدى

وزگە وڭىرلەردى قايدام تۇركىستان وبلىسىندا مەكتەپ بىتىرگەن تۇلەكتەر اراعا جىلدار سالىپ كەزدەسۋ وتكىزەتىن ءداستۇر قالىپتاسقان. سول كەزدەسۋلەردە تۇلەكتەر وزدەرى ءبىلىم العان مەكتەپكە كومەك كورسەتىپ، بۇگىنگى وقۋشىلارعا ۇلگى بولارلىق ءىس-شارالار وتكىزەدى. شاردارا اۋدانى قوسسەيىت اۋىلىنداعى «سىرداريا» جالپى ورتا مەكتەبىنىڭ 20 جىلدىق تۇلەكتەرى ەرەكشەلەۋ دە يگى ءىس جاساپ، 9 بالاسى بار سىنىپتاسىنا باسپانا سالىپ بەردى.

«ءبىز ءوزىمىز ءبىلىم العان مەكتەبىمىزگە ينتەراكتيۆتى تاقتا مەن پروەكتور، كومپيۋتەر سىيعا تارتتىق. اۋىل اكىمدىگىمەن، مەكتەپ باسشىلىعىمەن، سىنىپتاستارمەن اقىلداسا كەلە وزىمىزبەن بىرگە وقىعان، بۇگىندە الەۋمەتتىك قولداۋدى قاجەت ەتەتىن اناستاسياعا كومەك بەرۋدى ۇيعاردىق. ءتۇرلى سالالاردا ەڭبەك ەتىپ جۇرگەن سىنىپتاس دوستارىمىزبەن وسى ءىستى جاساپ، 9 بالاسى بار سىنىپتاسىمىزدى قۋانتقىمىز كەلدى»، - دەيدى بىزگە سىنىپتاستارى اتىنان حابارلاسقان ازامات. 

كوپبالالى وتباسىنىڭ وتاعاسى اندرەي اۋىل تۇرعىندارىنىڭ تۇرمىستىق تەحنيكالارىن جوندەۋمەن اينالىسادى ەكەن. ال كوپبالالى انا اناستاسيا مەن ەرەسەك پەرزەنتتەرى شارۋا قوجالىقتارىندا جالدامالى جۇمىس ىستەيدى. ياعني تۇراقتى جۇمىس بولماعان سوڭ باسپانا الۋعا دا شامالارى كەلمەي، پاتەر جالداپ تۇرعان. مەكتەپ تۇلەكتەرى اۋىل شەتىنەن جەر الىپ ءۇي قۇرىلىسىن وزدەرى جۇرگىزگەن، اۋىل اكىمدىگىمەن بىرلەسە ەلەكتر جارىعى مەن اۋىز سۋدى قوسىپ بەرگەن.

ايتا كەتەلىك، شاردارا اۋدانى اكىمىنىڭ ورىنباسارى باۋىرجان شومپيەۆ قايىرىمدى ءىس جاساعان مەكتەپ تۇلەكتەرىن اۋدان اكىمىنىڭ اتىنان العىس حاتپەن ماراپاتتاپ، باتىر انا شاڭىراعىنا كورىمدىك رەتىندە كىلەم سىيلاپتى.

سوڭعى جاڭالىقتار

مۇحتار مەن قايىم

قازاقستان • كەشە

ەلدە قىلمىس ازايعان

قوعام • كەشە

اقاڭ جانە قازاق راديوcى

احمەت بايتۇرسىن ۇلى • كەشە

رۋحتى جىردىڭ يەسى

ادەبيەت • كەشە

ۇقساس جاڭالىقتار