كونفەرەنتسياعا جاس ماگيسترانتتار, ستۋدەنتتەر مەن وقۋشىلار قاتىستى. عىلىمي شاراعا وبلىس اكىمى بولات باقاۋوۆ قاتىستى, ۋنيۆەرسيتەت رەكتورى, گاۋحار احمەتوۆا جيىنعا قاتىسۋشىلارعا ساتتىلىك تىلەدى.
ۋنيۆەرسيتەت عىلىمي ورتالىعىنىڭ حابارىنشا, كونفەرەنتسياعا اقتوبە, الماتى نۇر-سۇلتان, قاراعاندى, قوستاناي, كوكشەتاۋ, ورال, تاراز جانە رەسەيدىڭ قالالارىنان 1500-دەن استام ماقالا كەلىپ تۇسكەن.
عىلىمي ماتەريالدار بويىنشا جيناقتىڭ 22 تومى باسىپ شىعارىلدى.
ۋنيۆەرسيتەت وتكىزىپ كەلە جاتقان «ساتباەۆ وقۋلارىندا» 20 جىلدىڭ ارالىعىندا 35 مىڭعا جۋىق جاس عالىم مەن دارىندى وقۋشىلار قاتىستى.
2001 جىلدان بەرى 222 تومعا جيناقتالعان 19 مىڭنان استام ماقالا جارىق كوردى. ءار كونفەرەنتسيانىڭ كۇن تارتىبىندە كاسىبي نەگىزدەلگەن جاۋاپتاردى تالاپ ەتەتىن جاڭا ماسەلەلەر قاراستىرىلدى.
شارا بارىسىندا اكادەميا پرەزيدەنتى, تەحنيكا عىلىمدارىنىڭ دوكتورى نۇرلان رىسپانوۆتىڭ قاتىسۋىمەن وقۋ ورىندا «تاۋ-كەن عىلىمدارى ۇلتتىق اكادەمياسىنىڭ» فيليالى سالتاناتتى تۇردە اشىلدى.
نۇرلان رىسپانوۆتىڭ ايتۋىنشا, عالىمداردىڭ ماقساتى - مەتاللۋرگيالىق كاسىپورىندارعا زاۋىتتاردى باسەكەگە قابىلەتتى بولۋعا جانە ءونىمنىڭ وزىندىك قۇنىن ازايتۋعا كومكتەسەتىن يننوۆاتسيالىق تاپسىرمالاردى ازىرلەۋ.
سوندىقتان, جەرگىلىكتى عالىمدار ەندى وسى بولىمشە ارقىلى جۇمىس جاساي الادى. وتاندىق يننوۆاتسيالاردى قۇرۋعا تەك عىلىم كومەكتەسەدى.
ال ورتاق ماقسات - ۇلتتىق يننوۆاتسيالىق جوبالاردى جاساۋ.
پاۆلودار
