تۇركىستان وبلىسى اكىمدىگىنىڭ تاپسىرىسىمەن «وڭتۇستىكفيلم» كمم-ءسى مەن «ساق» كينوستۋدياسى تۇسىرگەن فيلمدە الەمگە ايگىلى عۇلاما ءال-ءفارابيدىڭ بالالىق شاعى, ءبىلىم جولىنداعى العاشقى قادامى, جاڭاشىلدىققا دەگەن ۇمتىلىسى سيپاتتالادى. ءبىلىمىن ەل يگىلىگىنە جۇمساعان عۇلامانىڭ ءوز ەلىنە دەگەن سۇيىسپەنشىلىگى, وتانعا قىزمەت ەتۋدەگى قايراتكەرلىگى سۋرەتتەلگەن. تاريحي دەرەكتەرگە قاراعاندا, ءال-فارابي قازىرگى وتىرار اۋدانى اۋماعىنداعى وقسىز قالاشىعىندا دۇنيەگە كەلگەن. سوندىقتان ءفيلمنىڭ اتى دا «وقسىز وقيعاسى» دەپ قويىلعان. 3D فورماتتا ازىرلەنگەن 25 مينۋتتىق ءفيلمنىڭ رەجيسسەرى نۋريددين پاتتەەۆ جاس ۇرپاقتى وتانسۇيگىشتىككە باۋلىپ, ۇلى تۇلعالارعا, تاريحقا دەگەن قۇرمەتتى وياتۋ ماقساتىنداعى فيلمدەردى ءتۇسىرۋ جۇمىستارى جالعاساتىنىن ايتتى. ال «تۇركىستان» انيماتسيالىق ءفيلمى مەن «تولە بي» اتتى 10 سەريالى كينوحيكايا جاقىندا كورەرمەنگە جول تارتادى.
جالپى «ساق» كينوستۋدياسى وتكەن جىلى وبلىس اكىمدىگىنىڭ تىكەلەي قولداۋىمەن «كۇش اتاسى – قاجىمۇقان», «وتىراردى قورعاۋ», «كيەلى قازىعۇرت» انيماتسيالىق فيلمدەرىن جانە «كونە جەتىگەننىڭ سىرى» اتتى 10 سەريالى تەلەحيكايا مەن « ۇلى جىبەك جولى بويىنداعى كونە قالالار» دەرەكتى ءفيلمىن, «ورداباسى – بىرلىكتىڭ تۋى» فيلمدەرىن جۇرتشىلىققا ۇسىنعان بولاتىن.
تۇركىستان وبلىسى
