«تەمىر جول ستانتسياسىنىڭ ۇزدىك باستىعى» قۇرمەتتى اتاعىنا كومپانيانىڭ 30 قىزمەتكەرى لايىق دەپ تانىلدى. ولاردىڭ اراسىندا اقمولا جول بولىمشەسى اتباسار ستانتسياسىنىڭ باستىعى سەرىك قاينيدەنوۆ, قوستاناي جول بولىمشەسى مايلين ستانتسياسىنىڭ باستىعى سەرىك ءشۇيىنوۆ, بالقاش ستانتسياسى امانجول وماروۆ, زىريانوۆسك ستانتسياسى جاراس مۇحمەد ۇلى, سەمەي جول بولىمشەسى شاعان ستانتسياسىنىڭ باستىعى ايدوس توقتاروۆ, قىزىلوردا جول بولىمشەسى بەلكول ستانتسياسىنىڭ باستىعى ماقسات ءجۇسىپ جانە وزگەلەرى.
ماراپاتتالعانداردىڭ اراسىندا ايەلدەر – كراسنوارمەيكا ستانتسياسىنىڭ باستىعى جاننا سۇلەيمەنوۆا مەن تيشينسكايا ستانتسياسىنىڭ باستىعى ولەسيا نيكولاەۆا دا بار. ولار وزدەرىنىڭ وڭاي ەمەس مىندەتتەرىن مۇلتىكسىز ورىنداپ كەلەدى جانە كاسىبيلىك جاعىنان كەيبىرەۋلەرگە ۇلگى دە.
ولەسيا نيكولاەۆا لاۋازىمدىق ساتىنىڭ بارلىق دەڭگەيىنەن ءوتتى. ءوزىنىڭ شويىن جولداعى جۇمىسىن ول تيشينسكايا ۆوكزالىندا جۇكتەر مەن قولجۇكتەرىن قابىلداپ وتكىزۋشى, تاۋار كاسسيرى جانە اعا تاۋار كاسسيرى قىزمەتىنەن باستادى. تەمىر جولدا جۇمىس ىستەپ كەلە جاتقانىنا 10 جىل بولىپتى.
جاننا سۇلەيمەنوۆا ءوزىنىڭ جۇمىس جولىن ستانتسيا بويىنشا كەزەكشىلىكتەن باستادى. ستانتسيانى ءتورتىنشى جىل باسقارىپ كەلەدى.
ستانتسيا باستىعى جىلى شەڭبەرىندە «قتج – جۇك تاسىمالى» اق جاريالاعان سالالىق بايقاۋ 800 استام قاتىسۋشى اراسىندا جۇرگىزىلدى.
«بايقاۋ قاۋىپسىزدىك مادەنيەتىن دامىتۋ, ەڭبەك پەن تەحنولوگيالىق ءتارتىپتى نىعايتۋ, ستانتسيا باسشىلارىنىڭ كاسىبيلىگى مەن جاۋاپكەرشىلىگىن, ستاتۋسىن ارتتىرۋ ماقساتىندا وتكىزىلىپ وتىر», دەپ اتاپ كورسەتتى «قتج-جۇك تاسىمالى» اق باس ينجەنەرى يۆان كوستىريا.
«تەمىر جول ستانتسياسىنىڭ ۇزدىك باستىعى» اتاعى قارجىلىق جانە كادرلىق جۇمىستى, وندىرىستىك-شارۋاشىلىقتىڭ جوعارى ناتيجەلىگىنە قول جەتكىزگەنى, تاسىمالداناتىن جۇكتەردىڭ ساقتالۋىنا, ەڭبەكتى قورعاۋ جانە قوزعالىس قاۋىپسىزدىگىن قامتاماسىز ەتكەنى ءۇشىن بەرىلەدى.
