كەزەكتەن تىس پرەزيدەنتتىك سايلاۋ تۋرالى شەشىم قابىلداۋ, مەملەكەت باسشىسى ايتقانداي, وتە ماڭىزدى ءارى اسا قاجەت قادام. مۇنداي كەزدەردە ەلدىڭ بىرلىگىنە سىزات تۇسپەۋى كەرەك. قازىر قازاق ەلىنە بۇكىل الەمنىڭ نازارى اۋىپ تۇرعان شاق. پرەزيدەنتتىڭ وكىلەتتىلىگى 19 ناۋرىزدا توقتاتىلىپ, قاسىم-جومارت توقاەۆ پرەزيدەنت رەتىندە تاعايىندالعان بولاتىن. ەندى بۇكىلحالىقتىق سايلاۋ ارقىلى زاڭدى مەملەكەت باسشىسى سايلانادى, سوندىقتان ونى سوزباي بيىل 9 ماۋسىمعا قويعانىن ءبىز ءبىراۋىزدان قولدايمىز. كونستيتۋتتسيا بويىنشا سايلاۋدىڭ وتەتىنى ەكى اي بۇرىن جاريالانۋى ءتيىس. ۇندەۋدە ايتىلعان تاعى ءبىر ماسەلە, سىرتتان كوز الارتىپ وتىرعانداردىڭ جانە ىشىمىزدە دە ءتۇرلى پيعىلدى توپتاردىڭ بار ەكەندىگى. دەگەنمەن ەلىمىز ءوزىنىڭ بىرلىگىن كورسەتىپ, وسى سايلاۋدىڭ تازا وتۋىنە اتسالىسادى دەگەن ويدامىن.
باۋىرجان جاقىپ,
اقىن, قازاقستان جازۋشىلار وداعى
باسقارما توراعاسىنىڭ ورىنباسارى
