اقش قازاقستاننىڭ جەتەكشى سەرىكتەستەرىنىڭ ءبىرى. الماتى قالاسىندا جىلۋ كوممۋنيكاتسيا, قارجى, ساۋدا جانە باسقا سالالاردا امەريكاندىق كاپيتالمەن 172 كاسىپورىن جۇمىس ىستەيدى. الماتى مەن اقش اراسىنداعى تاۋار اينالىمى وتكەن جىلدىڭ 11 ايى ىشىندە بۇرناعى جىلدىڭ وسى كەزەڭىمەن سالىستىرعاندا 11%-عا وسكەن نەمەسە 470 ميلليوننان استام اقش دوللارىن قۇراعان.
«كەيدە مەن ءوزىمدى الماتىلىق رەتىندە سەزىنەمىن, ويتكەنى وسىندا 1996 جىلدان ءۇش جىل قاتارىنان تۇردىم. ول ۋاقىت مەن جانە وتباسىم ءۇشىن عاجاپ كەزەڭدەر بولدى, بالالارىم وسى قالادا ءوستى. قازىرگى كەزدە الماتى قالاسى بۇرىنعىدان دا نۇرلانىپ كەتىپتى, ديناميكا سەزىلەدى, اۋقىمدى جوبالار جۇزەگە اسۋدا. مەنى ادامدار كوڭىلدى قىدىرىپ جۇرگەن جاياۋ جۇرگىنشىلەردىڭ پانفيلوۆ كوشەسى قاتتى قىزىقتىردى. جۇرگىنشى ايماقتارىنىڭ, بالالار الاڭدارىنىڭ سانى ارتىپتى, بۇل كوڭىل قۋانتادى. قالانى ادامدار يگىلىگىنە اينالدىرۋ ءۇشىن اتقارىلىپ جاتقان وڭ ىستەر كورىنىپ تۇر. ءبىز قالاعا ستراتەگيالىق ءمان بەرەمىز جانە باس كونسۋلدىق ءۇشىن جاڭا نىسان سالۋدى جوسپارلاۋدامىز, بۇل ۇزاق مەرزىمدى ارىپتەستىك بايلانىستى دامىتۋعا وڭ ىقپال ەتەدى. مەنىڭشە ينۆەستورلاردى جانە قازاقستاندا ەڭبەك ەتۋگە نيەت ءبىلدىرۋشى ءتۇرلى امەريكاندىق كومپانيالاردى قىزىقتىرادى دەپ ويلايمىن», - دەدى اقش ەلشىسى ۋيليام موزەر.
كەزدەسۋ كەزىندە ۋيليام موزەر الماتىنىڭ اقش-تىڭ باس كونسۋلدىعى ورنالاسقان ورتا ازياداعى جالعىز قالا ەكەنىن اتاپ ءوتتى.
