«بۇگىندە مەملەكەتتىك ساياساتتىڭ نەگىزگى باسىمدىعى حالىقتىڭ لايىقتى تۇرمىس دەڭگەيىن قامتاماسىز ەتۋ. رەسپۋبليكالىق بيۋدجەتتەن الەۋمەتتىك سالاعا بارلىق شىعىنداردىڭ 45% باعىتتالدى. ءتۇرلى باعدارلامالار اياسىندا اۋقىمدى الەۋمەتتىك ينۆەستيتسيالار ىسكە اسىرىلۋدا. ەڭ باستىسى, الەۋمەتتىك ساياسات تەڭدەستىرىلگەن جانە الەۋمەتتىك اسىراۋدا بولۋعا يتەرمەلەمەۋى كەرەك», دەدى گ.ابدىقالىقوۆا كەزدەسۋدە.
تۇركىستان وبلىسىندا 86 مىڭنان استام كوپ بالالى وتباسى بار. بۇل رەسپۋبليكالىق كورسەتكىشتىڭ 25,4 پايىزىن قۇرايدى. ولاردىڭ 19 مىڭى از قامتىلعان كوپ بالالى وتباسىلاردىڭ قاتارىندا. 4832 وتباسى باسپانا كەزەگىندە تۇر. بۇل ورايدا تۇركىستان وبلىسىنىڭ اكىمى ومىرزاق شوكەەۆ بيىل كوپ بالالى 2957 وتباسى باسپانامەن قامتاماسىز ەتىلەتىنىن اتاپ ءوتتى. ول ءۇشىن رەسپۋبليكالىق بيۋدجەتتەن 3,5 ملرد تەڭگە, ال وبلىستىق قازىنادان 7,3 ملرد تەڭگە قارالىپ وتىر. «وبلىستا ارنايى شتاب قۇرىلىپ, ءاربىر وتباسىنا الەۋمەتتىك كارتا جاسالدى. ءۇيلەردى ارالاۋ جۇمىستارىنىڭ ءناتيجەسىندە 67,7 مىڭ كوپ بالالى وتباسى الەۋمەتتىك كارتاعا ەنگىزىلدى», دەدى وبلىس اكىمى.
حالىقپەن كەزدەسۋ اياقتالعاننان كەيىن گ.ابدىقالىقوۆا از قامتىلعان ازاماتتارعا الەۋمەتتىك قولداۋ كورسەتۋ, مەملەكەتتىك شارالاردى ءتۇسىندىرۋ بويىنشا جەكە قابىلداۋ وتكىزدى. كۇلتوبە قالاشىعىنداعى عىلىمي-رەستاۆراتسيالىق جۇمىستارمەن تانىستى. مەملەكەتتىك ورگانداردىڭ, ۆەدومستۆوعا باعىنىستى مەكەمەلەردىڭ جانە يۋنەسكو-نىڭ حالىقارالىق ساراپشىلارىنىڭ وكىلدەرىمەن كەزدەسۋدە قازاقستاننىڭ تاريحي مۇراسى – ق.ا.ياساۋي كەسەنەسىن ساقتاۋ ماسەلەلەرى تالقىلاندى. كەڭەس قورىتىندىسى بويىنشا ناقتى تاپسىرمالار بەرىلدى. ال ەڭبەك جانە حالىقتى الەۋمەتتىك قورعاۋ ءمينيسترى ب.ساپارباەۆ حالىقتى جۇمىسپەن قامتۋ ورتالىعىنىڭ قىزمەتىن تەكسەرىپ, جاڭا فورماتتا اتاۋلى الەۋمەتتىك كومەك كورسەتۋ پروتسەسىمەن تانىستى. بۇگىنگى تاڭدا وبلىستا ااك الۋشىلار سانى 207 مىڭنان 283 مىڭ ادامعا دەيىن ارتقان, وسى ماقساتتارعا قارجى قاجەتتىلىگى 14 ملرد-تان 45 ملرد تەڭگەگە دەيىن ءوستى. سونداي-اق جۇمىس توبى «كەنتاۋ ترانسفورماتور زاۋىتى» اق بازاسىندا اۋداندار, قالالار اكىمدەرىمەن, ونەركاسىپتىك كاسىپورىنداردىڭ باسشىلارىمەن, بيزنەس-قۇرىلىمدار, كاسىپوداق ۇيىمدارى باسشىلارىمەن كەڭەس وتكىزدى. گ.ابدىقالىقوۆا ونەركاسىپتىك كاسىپورىنداردىڭ, بيزنەس-قۇرىلىمداردىڭ باسشىلارىن وزدەرىنىڭ تابىسى تومەن قىزمەتكەرلەرىن قولداۋعا, تۇرعىن ءۇي ساتىپ الۋعا كومەكتەسۋگە, ولاردى جوندەۋگە قاراجات بولۋگە, باسپانا نەسيەلەرى بويىنشا باستاپقى جارنالاردى تولەپ بەرۋگە شاقىردى. مۇقتاج جاندارعا قول ۇشىن بەرىپ جۇرگەن كاسىپكەرلەر دە بارشىلىق. بۇگىندە ءوڭىر كاسىپكەرلەرى 11 كوپ بالالى وتباسىن تۇرعىن ۇيمەن قامتاماسىز ەتكەن. مىسالى, قازىعۇرت اۋدانىنىڭ كاسىپكەرى س.ەرتاەۆ كوپ بالالى ەرجانوۆتار وتباسىنا ءۇي ساتىپ الىپ بەردى جانە تۇركيادا ناۋقاس بالانىڭ وتباسىنا وپەراتسيا جاساۋعا 4 ملن تەڭگە ءبولدى.
دەنساۋلىق ساقتاۋ, ءبىلىم بەرۋ سالاسىنىڭ قىزمەتكەرلەرىمەن بىرقاتار كەزدەسۋلەر وتكىزىپ, ازاماتتاردى قابىلداعان جۇمىس توبىنىڭ مۇشەلەرى, سونداي-اق الەۋمەتتىك نىساندارمەن, ءتۇركىستاندا قىزۋ قارقىن العان قۇرىلىس جۇمىستارىمەن تانىستى.
اتاپ ايتار بولساق, تارازدىق كوپ بالالى انا ۇلدانا قوزيەۆا جۇبايى ەكەۋى 6 بالا تاربيەلەپ وتىر. ۇلكەن ۇلدارى 2003 جىلى تۋعان, جامبىل پوليتەحنيكالىق كوللەدجىنىڭ 1-كۋرس ستۋدەنتى. ال ءۇش بالاسى مەكتەپ وقۋشىلارى دەسەك, ەكەۋى بالاباقشا ءتاربيەلەنۋشىلەرى. «التىن القا» يەگەرى ۇلدانا بەرىكقىزى بالا ءتاربيەسىمەن ۇيدە بولسا, جۇبايى – كۇزەتشى. جالاقىسى – 43 مىڭ تەڭگە.
بۇل وتباسىنىڭ بالالارى مەكتەپتە ىستىق تاماقپەن جانە قىسقى كيىممەن قامتىلعان. بۇعان دەيىن وتباسىنىڭ ايلىق جيىنتىق تابىسى 75 919 تەڭگەنى قۇراسا,
1 ساۋىردەن باستاپ ول 231 481 تەڭگەنى قۇراماق. وعان مەملەكەتتىك اتاۋلى الەۋمەتتىك كومەك جۇيەسىندەگى وڭ وزگەرىستەر سەبەپ بولىپ وتىر.
سونداي-اق گۇلشارا ناۋشاقىزى تارازدىق كوپ بالالى انا اينۇر ناۋاتوۆانىڭ جانە كومەككە مۇقتاج زۋحرا كاريموۆانىڭ شاڭىراقتارىندا بولىپ, جاعدايلارىمەن تانىستى. گ.ابدىقالىقوۆا مۇقتاج جاندارعا قانداي كومەك قاجەت ەكەنىن ءبىلىپ, تىلەك-نيەتتەرى نازارعا الىناتىنىن جەتكىزدى.
ايتا كەتەيىك, جامبىل وبلىسىندا 1 ساۋىردەن باستاپ اتاۋلى الەۋمەتتىك كومەكتى 29 650 وتباسى الۋدا. جان باسىنا شاققانداعى تابىسى كەدەيلىك شەگىنەن تومەن 29 650 وتباسىنىڭ الەۋمەتتىك كارتاسى ءتۇزىلىپ, وندا بارلىعى 150 400 ادام قامتىلعان.
پرەمەر-مينيستر ورىنباسارىنىڭ ايماقتاعى ساپارى حالىققا قىزمەت كورسەتۋ ورتالىعىندا جالعاستى. ورتالىق جۇمىسىمەن جان-جاقتى تانىسقان گۇلشارا ناۋشاقىزى الەۋمەتتىك ءالسىز توپ وكىلدەرىن جۇمىسپەن قامتۋ دەڭگەيىن نازاردا ۇستاۋدى تاپسىردى.
حالىققا قىزمەت كورسەتۋ ورتالىعى 2006 جىلعى 11 قاراشادا پايدالانۋعا بەرىلگەن. جالپى اۋماعى 805,9 شارشى مەتردى قۇرايدى. بارلىق قاجەتتى تەحنيكالىق قۇرال-جابدىقپەن قامتاماسىز ەتىلگەن ورتالىق 2018 جىلى 91 100 ادامعا قىزمەت كورسەتكەن. ال ۇستىمىزدەگى جىلدىڭ ءى توقسانىندا 20 700 ادام ورتالىق ارقىلى مەملەكەتتىك كورسەتىلەتىن قىزمەتكە جۇگىنگەن. ورتالىقتا 89 قىزمەتكەر جۇمىس ىستەسە, بارلىعى 621 قىزمەت ءتۇرى كورسەتىلەدى.
كەلەسى كەزەكتە ۆيتسە-پرەمەر تاراز قالالىق حالىقتى جۇمىسپەن قامتۋ ورتالىعىنا باردى. ورتالىق عيماراتىنىڭ جالپى اۋماعى 1 246,7 شارشى مەتردى قۇرايدى. مۇندا ءوتكەن جىلى
پرەمەر-ءمينيستردىڭ ورىنباسارى گ.ابدىقالىقوۆانىڭ ايماققا جۇمىس ساپارى ەرتەڭ جالعاسادى.
عالىمجان ەلشىباي, حاميت ەسامان,
