جالپى اۋدان اۋماعىنداعى 61 مىڭ گەكتارعا جۋىق ەگىستىك جەردىڭ 58 مىڭ گەكتار القابىندا سور شايۋ جۇمىستارى جۇرگىزىلگەن. قازىرگى تاڭدا17 401 گەكتارالقاپ تىرمالانىپ,7 681 گەكتارالقاپ چيزەلدەنىپتى. سونىمەن قاتار, ەرتە ەگىلگەن كوكونىس كولەمى 342 گەكتارعا, ءداندى داقىلدار 127 گەكتارعا, باقشا 4 311,5 گەكتارعا, ءجۇزىم 5 گەكتارعا جەتكەن. كوكتەمگى دالا جۇمىستارىنىڭ باستالۋىنا بايلانىستى وتكەن وبلىستىق سەمينار-كەڭەستە اۋدان اكىمى ب.اسانوۆ ءار كۇندى ءتيىمدى پايدالانىپ, مامىردىڭ ورتاسىنا دەيىن شارۋالار ماقتا ءشيتىن تولىق ەگىپ ءبىتۋى ءتيىس ەكەنىن اتاپ ءوتتى.
ماقتالى ولكەنىڭ نەگىزگى داقىلى ماقتانى ەگۋ ءۇشىن 760 توننا تۇقىمدىق شيت دايىندالعان. مامانداردىڭ كەڭەسىنە سايكەس, ماقتا داقىلىنىڭ ءتيىمدى ەگۋ مەرزىمى رەتىندە 20 ءساۋىر مەن 25 مامىر ارالىعى بەلگىلەنىپ وتىر. اۋدان اكىمىنىڭ ايتۋىنشا, كوكتەمگى دالا جۇمىستارى ءۇشىن 954 اۋىل شارۋاشىلىعى تراكتورلارى, 415 چيزەل, 3 876 تىرما, 212 تۇقىم سەپكىش تەحنيكالارى ساقاداي - ساي تۇر. شارۋالار سوڭعى 3 ايدىڭ وزىندە 139,3 ملن تەڭگەگە ليزينگكە جانە ءوز قارجىلارىنا 15 دانا جاڭا تەحنيكا العان. سونداي-اق دالا جۇمىستارىن جۇرگىزۋگە 4160 توننا جانار - جاعارماي ءبولىنىپ, «Sapali Munai» جشس-ءى ارقىلى 2 925 توننا, «Alem Munai inves» جشس-ءى ارقىلى 1 235 توننا تاراتىلۋدا.
