وتكەن جىلى تۋريزم سالاسى بويىنشا جالپى قۇنى 491 ملن. تەڭگەنى قۇرايتىن 4 نىسان ىسكە قوسىلعان. جاڭادان 80 جۇمىس ورنى اشىلعان. بيىل جالپى قۇنى 280 ملن. تەڭگە بولاتىن 5 نىسان ىسكە قوسىلىپ, 110 جاڭا جۇمىس ورنى اشىلماق. تۇركىستان وبلىسى وڭىرلىك كوممۋنيكاتسيالار قىزمەتىندە وتكەن بريفينگتە سارىاعاش اۋدانىنىڭ اكىمى قايرات ابدۋاليەۆ بيىل اۋىل شارۋاشىلىعىنداعى وندىرىلگەن ءونىم كولەمىن 59 ملرد. تەڭگەگە جەتكىزۋ مەجەلەنىپ وتىرعانىن مالىمدەدى. 88,8 شاقىرىم بولاتىن 12 نىساندى جوندەۋدەن وتكىزىپ, قايتا اينالىمعا قوسىلاتىن سۋارمالى جەر كولەمى 924 گەكتارعا جەتكىزىلمەك. سونداي-اق 56 الەۋمەتتىك نىساننىڭ قۇرىلىسىن جۇرگىزۋ جوسپارلانۋدا. «يندۋستريالدى يننوۆاتسيالىق دامۋ» باعدارلاماسى شەڭبەرىندە جالپى قۇنى 450 ملن تەڭگەنى قۇرايتىن 1 ينۆەستيتسيالىق جوبا كاسىپكەرلىك قولداۋ كارتاسىنا ەنگىزىلدى. جوبانى ىسكە 2019 جىلى اسىرۋ جوسپارلانۋدا. سونداي-اق, قۇنى 220 ملن. تەڭگە بولاتىن "ماكارون ونىمدەرىن ءوندىرۋ تسەحىن قۇرۋ" جوباسى بيىل ىسكە اسىرىلادى. جاڭادان 25 ادام جۇمىسپەن قامتىلادى», – دەدى اۋدان اكىمى. سونىمەن قاتار, اۋدانعا بيىل 23 ملرد. تەڭگەنىڭ ينۆەستيتسياسىن تارتۋ مەجەلەنۋدە.
