ماسەلەن, قالاداعى كافە-بارلاردىڭ 7 اكىمشىسىنە قوعامدىق ورىندارىندا كاليان بۇيىمدارىن پايدالانۋعا رۇقسات بەرگەندەرى ءۇشىن قر اقبتك-ءنىڭ 441-بابى 3-بولىگىمەن اكىمشىلىك شاراعا تارتىلدى, ياعني 25025 تەڭگە ايىپپۇل سالىندى.
قوعامدىق ورىنداردا كاليان بۇيىمدارىن پايدالانعان ءۇشىن 21 تۇلعا قر اقبتك-ءنىڭ 441-بابى 1-بولىگىمەن اكىمشىلىك جاۋاپكەرشىلىككە تارتىلدى.
جاسوسپىرىمدەردى ويىن-ساۋىق ورتالىقتارىندا زاڭدى وكىلدەرىسىز جۇرگەندەرىن انىقتاۋ جۇمىستارى بارىسىندا كومپيۋتەرلىك كلۋبتا تۇنگى مەزگىلدە كامەلەتكە تولماعان جاسوسپىرىمدەردىڭ جۇرگەندەرى انىقتالىپ, كلۋبتىڭ اكىمشىسىنە قر اقبتك-ءنىڭ 132-بابىنىڭ 1-بولىگىنە اكىمشىلىك قۇجاتتار جيناقتالىپ, سوتقا جولداندى. سونداي-اق, جاسوسپىرىمدەردى ويىن-ساۋىق ورتالىقتارىندا تۇنگى مەزگىلدە جۇرۋگە جول بەرگەندىگى ءۇشىن 2 اتا-انا قر اقبتك-ءنىڭ 442-بابى 1-بولىگىنە ساي اكىمشىلىك جاۋاپكەرشىلىككە تارتىلدى.
اقتاۋ قالاسى 27 شاعىن اۋداندا ورنالاسقان دۇكەننىڭ ساتۋشىسى تۇنگى مەزگىلدە الكوگولدىك بۇيىمدارىن ساتقانى ءۇشىن قر اقبتك-ءنىڭ 200-بابى 3-بولىگىمەن اكىمشىلىك جاۋاپكەرشىلىككە تارتىلىپ, جيناقتالعان قۇجاتتار سوتقا جولداندى.
ماڭعىستاۋ وبلىستىق پوليتسيا دەپارتامەنتى ءباسپاسوز قىزمەتىنىڭ حابارالۋىنشا, جوعارىدا كورسەتىلگەن پروفيلاكتيكالىق شارالار بۇدان ءارى اپتا سايىن وتكىزىلەتىن بولادى.
ماڭعىستاۋ وبلىسى
