مەملەكەت تىزگىنىن ۇستايتىن باسشى ەڭ الدىمەن حالىققا ادال قىزمەت ەتەتىن بولسا, ەلدەگى دەموكراتيالىق ۇردىستەردى تەرەڭدەتە تۇسسە, تۇڭعىش پرەزيدەنتىمىز نۇرسۇلتان نازارباەۆتىڭ يگى باستامالارىن جۇيەلى تۇردە جالعاستىرىپ اكەتسە دەگەن قالامگەرلەر ەڭ باستىسى انا تىلىمىزبەن سالت-ءداستۇرىمىزدى, ادەبيەتىمىز بەن مادەنيەتىمىزدى, تاۋەلسىزدىگىمىزدى ساقتاپ قالۋ باستى مۇرات ەكەنىن تىلگە تيەك ەتتى.
«قازاقستان وسى جىلدار ىشىندە ەكونوميكا, ساياسات مادەنيەت سەكىلدى سان سالادا ۇلكەن جەتىستىكتەرگە جەتكەن بولسا, ونى ءارى قاراي دامىتۋ, بەلگىلەنگەن مەجەلەرگە جەتكىزۋ دە الدا تۇرعان اۋقىمدى مىندەت. بۇكىلحالىقتىق زاڭدى سايلاۋ وتكىزۋدىڭ, زاڭدى پرەزيدەنت سايلاپ الۋدىڭ ءدال وسى جەردە تاريحي ءمانى بار. وسى سايلاۋ ەلىمىزدەگى دەموكراتيانىڭ قانداي دەڭگەيدە ەكەنىن جالپاق الەمگە تانىتۋى كەرەك. بۇل جاعدايلارعا ادەبيەتىمىزدىڭ اينالاسىندا جۇرگەن ازاماتتارىمىز ات ءۇستى قاراي المايدى. ولاردا وزىندىك ءۇنىن قوسىپ, اتسالىسۋى ءتيىس», – دەگەن جازۋشىلار وداعىنىڭ توراعاسى ۇلىقبەك ەسداۋلەت, قالامگەرلەردى ۇلت رۋحانياتىنىڭ قايماعى رەتىندە بۇل ماسەلەدەن تىس قالماۋعا شاقىردى. تاڭداۋلى كەزەڭ الدىنداعى تاريحي ءساتتى وي تالقىسىنا سالعان باسقوسۋدا مارال ىسقاقباي, دۋلات يسابەكوۆ, قابدەش ءجۇمادىلوۆ, بەكسۇلتان نۇرجەكەەۆ, نۇرداۋلەت اقىش, ءامينا قۇرمانعاليقىزى, ليۋبوۆ شاشكوۆا, سايلاۋباي تولىباەۆ, باۋىرجان جاقىپ, مەرەكە قۇلكەنوۆ, مارالتاي رايىمبەك, اقبەرەن ەلگەزەك سىندى اقىن-جازۋشىلار مەن تاعى باسقا دا قابىرعالى قالامگەرلەر ءسوز الىپ, ءوز پىكىرلەرىن ورتاعا سالدى.
– ءبىز سياقتى جازۋشىلار قاۋىمىنىڭ كوزقاراسىمەن الساق قانداي ادامنىڭ پرەزيدەنت بولعانى دۇرىس. ەل باسقاراتىن جان زيالى, مادەنيەتتى بولسا, ۇلتىنىڭ سالت-ءداستۇرىن, ءتىلىن, مەملەكەتىن سىيلاسا, ءوز مۇددەسىنەن حالىقتىڭ مۇددەسىن جوعارى قوياتىن بولسا, شىن مانىندە ءبىلىمدى ادام بولسا مىنە ناعىز ەل تۇتقاسىن ۇستاۋعا لايىق جان دەپ بىلەمىز. ەلباسى نۇرسۇلتان نازارباەۆ قاسىم-جومارت توقاەۆتى ءوز ورنىنا تاعايىنداعاندا ونىڭ وسى تالاپتار ۇدەسىنەن شىعا الاتىن قايراتكەر ەكەنىن ايتقان بولاتىن. وسىنى ەسكەرە كەلە جانە وزىندىك سالماعى بار سارابدال ساياساتكەر رەتىندە توقاەۆتى وسى ورىنعا لايىق دەپ ەسەپتەۋگە بولادى. ول كىسىنىڭ ايتقان ەكى ءسوزى كوڭىلىمە قوندى. العاشقىسى تۇركىستانعا بارعان ساپارىندا: «ادىلەت جوق جەردە, مەملەكەت دامىمايدى» دەگەنى, ال ەكىنشىسى, بىرەر كۇن بۇرىن مەرزىمىنەن تىس وتەتىن پرەزيدەنت سايلاۋى تۋرالى مالىمدەگەنىندە: «مەن سايلاۋدىڭ ءادىل, تازا, زاڭعا ساي وتۋىنە كەپىلدىك بەرەمىن» دەپ ايتقانى. بۇل ناعىز ازاماتتىق ۇستانىم دەپ باعا بەرۋىمىزگە بولادى, – دەيدى مەملەكەتتىك سىيلىقتىڭ لاۋرەاتى, جازۋشى بەكسۇلتان نۇرجەكەەۆ.
م. اۋەزوۆ اتىنداعى ادەبيەت جانە ونەر ينستيتۋتىنىڭ باس عىلىمي قىزمەتكەرى, جازۋشى نۇرداۋلەت اقىش, مەملەكەت باسىنا كەلگەن جاڭا پرەزيدەنت, ەلباسىمىزدىڭ بولاشاعىمىزدى باعدارلاي وتىرىپ, ۇلتتىق بولمىسىمىزدى ساقتاۋعا باعىتتالعان «بولاشاققا باعدار: رۋحاني جاڭعىرۋ», « ۇلى دالانىڭ جەتى قىرى» اتتى باعدارلامالىق ماقالالارىنىڭ زاڭدى جالعاسىن تاۋىپ, ارى قاراي ورىستەۋىنە كۇش سالسا دەيدى. جازۋشىنىڭ پىكىرىنشە, ۇلت مۇراتىنا نەگىزدەلگەن يگى ماقساتتار جۇيەلى تۇردە جۇزەگە اسار بولسا تاۋەلسىزدىگىمىزدى نىعايتاتىن بەرىك تۇتقامىز بەكي تۇسپەك.
باستىسى ءدۇيىم جۇرتتى ەلەڭدەتىپ وتىرعان تاعدىرشەشتى تاڭداۋ جاقسىلىقتارعا جول اشىپ, حالقىمىز كولدەنەڭ كەساپاتتان امان بولسا يگى. وسىلاي دەگەن قالامگەرلەر الداعى كۇندەرى ۇلت رۋحانياتىنىڭ قارا شاڭىراعى سانالاتىن قازاقستان جازۋشىلار وداعىنىڭ اتىنان ارنايى قارار قابىلداپ, باسىلىم بەتتەرىنە جاريالايتىندارىن ايتىپ تارقاستى.
