اكتسيا بارىسىندا ءتارتىپ ساقشىلارى ءتيىستى باننەرلەرمەن جابدىقتالعان ارنايى بولىنگەن اۆتوبۋستاردا حالىقتى جەكە قابىلداۋ وتكىزدى, سونداي-اق ازاماتتاردى قابىلداۋعا ىڭعايلى بولۋ ءۇشىن ورىندىقتارى بار ۇستەلدەر ورناتىلعان بولاتىن.
«Nur Otan» پارتياسى ماڭعىستاۋ وبلىستىق فيليالى پارتيالىق باقىلاۋ ينسپەكتورى راحىمجان شالباەۆتىڭ ايتۋىنشا, اتالمىش اكتسيا حالىق اراسىندا قۇقىقتىق ءتۇسىندىرۋ جۇمىستارىن جۇرگىزۋ, ازاماتتاردىڭ ىشكى ىستەر ورگاندارىنا دەگەن سەنىمىن ارتتىرۋ ماقساتىندا وتكىزىلگەن بولاتىن.
-مۇنداي شارالارعا تۇرعىنداردىڭ بەلسەندى قاتىسۋىنىڭ ءوزى حالىققا پايدالى ەكەندىگىن كورسەتەدى. سەبەبى ۋاقىت ۇنەمدەپ, كوكەيدەگى سۇراققا جاۋاپ الۋعا بولادى جانە ءوزىڭىزدىڭ ۇسىنىسىڭىز بولسا ايتا الادى. جالپى ايتايىن دەگەنىم, شاراعا قاتىسۋشىلار وتە بەلسەندى ەكەندىكتەرىن تانىتا ءبىلدى. نەگىزىنەن بۇل شارا العاش رەت وتكىزىلىپ وتىرعان جوق, بۇعان دەيىن دە بىرنەشە رەت وتكەن بولاتىن. الداعى ۋاقىتتا بىرلەسكەن شارا مىندەتتى تۇردە جالعاسىن تابادى», دەدى ول.
مەملەكەتتىك قىزمەتتەردى الۋ كەزىندە قابىلدانىپ جاتقان شارالار, ونىڭ ىشىندە ەلەكتروندىق ۇكىمەت پورتالى ارقىلى مەملەكەتتىك قىزمەتتەردى الۋ مۇمكىندىگى تۋرالى اقپاراتتى جەتكىزۋ, سونداي-اق ون-لاين رەجيمىندە ايىپپۇلدى قاراۋ جانە تولەۋ, پوليتسەيلەردىڭ زاڭسىز ارەكەتتەرى مەن شەشىمدەرىنە شاعىمدانۋ, «سەنىم تەلەفوندارىنىڭ» جۇمىس ىستەۋ ءتارتىبى تۋرالى تۇسىنىك بەرىلدى. تەلەفون قوڭىراۋلارى, سونداي-اق الەۋمەتتىك جەلىلەردەگى پوليتسيا دەپارتامەنتىنىڭ اككاۋنتتارىندا ونلاين-قاتىناس ارقىلى «جەدەل جەلى» وتكىزۋ قوسىمشا ۇيىمداستىرىلدى.
وبلىس بويىنشا بارلىق وتكىزىلگەن اكتسيالار – 16, ونىڭ ىشىندە اقتاۋ قالاسىندا – 6, قالا جانە اۋدان ورتالىقتارىندا – 10. اكتسيانى وتكىزۋگە قاتىسقان ءتارتىپ ساقشىلار سانى – 151, ال قاتىسقان ازاماتتار سانى – 1238, ولاردان كەلىپ تۇسكەن وتىنىشتەر بارلىعى 1273 بولدى.
سۇراقتاردىڭ دەنى اۆتوكولىكتەردى تىركەۋ, جۇرگىزۋشىلىك كۋالىكتەر الۋ ءتارتىبى, جول ءجۇرىسىن ۇيىمداستىرۋ, كولىك قۇرالىن قايتا جابدىقتاۋ, ايىپپۇلدارمەن سالىقتاردى تولەۋ, كوشى-قون قىزمەتى جانە ت.ب. سۇراقتار ءتۇستى.
«Nur Otan» پارتياسى ماڭعىستاۋ وبلىستىق فيليالى جانە اكىمشىلىك پوليتسيا باسقارماسىنىڭ قىزمەتكەرلەرى قويىلعان بارلىق سۇراقتارعا جاۋاپتار قايتارىپ, تۇرعىنداردىڭ ۇسىنىستارىن جاۋاپتى مەكەمەلەرگە جەتكىزەتىندىكتەرىن ايتتى. «Nur Otan» پارتياسى ماڭعىستاۋ وبلىستىق فيليالىنىڭ ءباسپاسوز قىزمەتىنىڭ حابارلاۋىنشا, اكتسيا قورىتىندىسى بويىنشا بارلىق 1273 ءوتىنىش قاناعاتتاندىرىلعان.
