سەبەبى ءار نارسەگە ايقىندىق كەرەك. مەملەكەتتە بيلىك الماسقان كەزدە ۋاقىتشا باسقارۋ دا تاريحي قاجەتتىلىكتەن تۋعان. ال ەندى بۇكىلحالىقتىق زاڭدى سايلاۋ وتكىزۋدىڭ, زاڭدى پرەزيدەنت سايلاپ الۋدىڭ ءدال وسى جەردە تاريحي ءمانى بار. ءبىزدىڭ قازاقستان وسى جىلدار ىشىندە ەكونوميكا, ساياسي, مادەني, وركەنيەت جاعىنان ۇلكەن جەتىستىكتەرگە جەتكەن بولسا, ونى ءارى قاراي دامىتۋ, بەلگىلەنگەن مەجەلەرگە جەتكىزۋ دە الدا تۇرعان مىندەت. سوعان ەگەمەن ەلىمىزدىڭ دامۋىن ۇشتاستىرىپ ءارى قاراي ۇلكەن بيىكتەرگە قول جەتكىزۋگە كوزدەلگەن ماقسات-مۇراتتار بار. وسى ورايدا سايلاۋ ۇلكەن ءرول اتقاراتىنىن, قازاقستان ىشكى تۇراقتىلىعى ارقىلى كورشىلەردىڭ, بۇكىل الەمنىڭ تاڭدانىسىن تۋعىزىپ وتىرعانىن بايقايمىز. سىرتقى ساياساتتا دا قازاقستاننىڭ بەدەلى جىلدان-جىلعا ءوسىپ كەلەدى. وزىق ەلدەرمەن تەرەزەسى تەڭ جاعدايعا جەتتىك.
بۇل سايلاۋدىڭ دەموكراتيالىق, ءادىل, تازا وتۋىنە مەن ءوزىم كەپىل بولامىن دەگەن پرەزيدەنت ءسوزى كوكەيىمە قوندى. بۇل – «التاۋ الا بولسا, اۋىزداعى كەتەدى, تورتەۋ تۇگەل بولسا, توبەدەگى كەلەدى» دەگەن قازاقتىڭ ماقالىن كەلتىرە وتىرىپ ايتقاندا, حالىقتىڭ جاعدايىن ويلاپ وتىرعانى دا كورىنىپ تۇر. ەل بىرلىگى, ىنتىماعى بۇزىلماسىن دەگەن ويلارعا قوسىلمايتىن ادام جوق. قالامگەرلەر – قاشاندا حالىقتىڭ, ەلدىڭ تۇتاستىعىن ويلايتىن حالىق. ساياسي پارتيالاردىڭ دا تايانىشى, تىرەگى – حالىق. پارتيالاردىڭ ءوزى ءبىر جەڭنەن قول, ءبىر جاعادان باس شىعارىپ, اۋىزبىرشىلىكتە بولعانىن قالايمىز, ارينە.
وسى سايلاۋ ءبىزدىڭ ەلىمىزدەگى دەموكراتيانىڭ قانداي دەڭگەيدە ەكەنىن جالپاق الەمگە تانىتادى عوي دەگەن ويدامىز. قالاي بولعاندا دا ءبىزدىڭ ەل, حالىق, مەملەكەت ءوزىنىڭ وركەنيەتتى جولداعى ەل ەكەنىن وسى سايلاۋدا ءبىر كورسەتەتىن بولادى.
قازاقستان جازۋشىلار وداعىنىڭ باسقارما توراعاسى
