اتالمىش جوباعا قازاقستان, وزبەكستان جانە قىرعىزستان سۋرەتشىلەرى قاتىستى. ولاردىڭ ساپىندا ەركەن جۋراەۆ, ازيزا اۆەزوۆا, ۆيكتوريا تسوي, ۋميت جۋبانىشەۆا, سۆەتلانا تسوي, گاليا ماكاشەۆا, گۋلنار اسكاروۆا ي باحىت كاراشەۆ سىندى تانىمال قىلقالام شەبەرلەرى بار.
كورمەنىڭ اشىلۋ سالتاناتىنا وزبەكستان رەسپۋبليكاسىنىڭ قازاقستانداعى باس كونسۋلىنىڭ ورىنباسارى باحتيور كامالوۆ, قر سۋرەتشىلەر وداعىنىڭ توراعاسى ومىربەك جۇبانيازوۆ, ءا. قاستەەۆ اتىنداعى قر مەملەكەتتىك ونەر مۋزەيى ديرەكتورىنىڭ عىلىم جونىندەگى ورىنباسارى سۆەتلانا كوبجانوۆا, ورتالىق كورمە زالىنىڭ جەتەكشىسى التىنجان حوجامۋراتوۆا, ءا. قاستەەۆ اتىنداعى قر مەملەكەتتىك ونەر مۋزەيىنىڭ ءباسپاسوز قىزمەتىنىڭ جەتەكشىسى كلارا يساباەۆا جانە تاعى باسقا دا ونەر جاناشىرلارى قاتىستى.
«وتكەننەن جاڭعىرىق» كورمەسى بۇحاراداعى پلەنەردەن باستاۋ العان. سۋرەتشىلەر بۇل قالاعا كەلۋ ارقىلى, ونىڭ ەرەكشەلىگىنە, ءالى كۇنگە دەيىن ءومىر سۇرەتىن ەجەلگى رۋحىنا تامسانىپ ءوز تۋىندىلارىندا ىستىق قۇمدى ۇيلەردىڭ بوياۋىن, ساۋدا دۇكەندەرى مەن ۇلتتىق كيىمدەردىڭ جارقىن تۇستەرىن قاعازعا ءتۇسىرىپ, وزدەرىنىڭ بوياۋلار مەن كوڭىل-كۇيلەرىنىڭ ەرەكشە الەمىن جازدى. كونە كەزەڭنىڭ ساۋلەت ونەرى تاريحقا ەندىرىپ جىبەرەتىندەي كۇي كەشتىرەدى.
«اتالمىش كورمە – ءاربىر سۋرەتشى بۇحارانى ءوز كورۋ دەڭگەيىندە تاماشالاپ, وعان دەگەن تاڭدانىسى مەن العىسىن ءبىلدىرۋ ءۇشىن بۇحارانى شىنايى قالپىندا كورسەتۋگە تالپىنۋ. بۇحارا... كونە جانە عاجاپ, ميلليونداعان ادامداردىڭ نازارىن وزىنە ماگنيتشە تارتادى. ادامزات تاريحىنىڭ ۇلكەن بولىگى وسى ەرتەگى, اڭىزدار مەن پوەزيانىڭ قالاسىمەن بايلانىستى.
جوبا ءبىر توپ دارىندى سۋرەتشىلەرمەن ازىرلەندى, جانە بۇگىن ءبىز ولارمەن بىرگە بۇحارانى ءبىزدىڭ قالامىزعا اشىپ وتىرمىز», - دەيدى ونەر مۋزەيىنىڭ ءباسپاسوز قىزمەتىنىڭ جەتەكشىسى كلارا يساباەۆا.
