اتقارىلىپ جاتقان جۇمىستار تۋرالى قر ەڭبەك جانە حالىقتى الەۋمەتتىك قورعاۋ ءمينيسترى ب. ساپارباەۆ باياندادى. بۇدان وزگە, ىسكە قوسىلعان الەۋمەتتىك جوبالار تۋرالى «سامۇرىق-قازىنا» ۇلتتىق ءال-اۋقات قورى» اق باسقارما توراعاسى ا. ەسىموۆ, قىزىلوردا وبلىسىنىڭ اكىمى ق. كوشەرباەۆ, «اتامەكەن» ۇكپ باسقارما توراعاسى ا. مىرزاحمەتوۆ, سونداي-اق, ەلباسىنىڭ «الەۋمەتتىك قامقورلىق» يدەياسىن بەلسەندى قولداعان كاسىپكەرلەر – جوبالاردىڭ اۆتورلارى ايتىپ بەردى.
«كوپتەگەن كاسىپكەرلەر ەلباسىنىڭ «الەۋمەتتىك قامقورلىق» يدەياسىن بەلسەنە قولدادى», — دەدى پرەمەر-مينيستر, ءىرى بيزنەسمەندەردىڭ الەۋمەتتىك جوبالارعا ءوز قاراجاتى ەسەبىنەن قاتۋىسىن اتاپ ءوتىپ.
ۇكىمەت باسشىسى بيزنەس-باستامالاردى دامىتۋ, ءوزىنىڭ جەكە ءىسىن اشۋ تاجىريبەسىن كوپشىلىككە تاراتۋ كەرەك ەكەنىن ايتتى. كوپتەگەن كاسىپكەرلەر تابىسى از ازاماتتاردى ءوز كاسىپورىندارىنا جۇمىسقا ورنالاستىرىپ, بيزنەس نەگىزدەرىنە ۇيرەتە باستادى.
«ازاماتتار مۇقتاج جاندارعا كومەك تەك مەملەكەتتەن عانا ەمەس, بيزنەس قوعامداستىعىنان دا كەلىپ جاتقانىن ءبىلۋى كەرەك. ءبىزدىڭ ورتاق مىندەتىمىز – ازاماتتارعا ومىردە وزدەرى تاپ بولعان قيىن جاعدايدان شىعۋعا كومەك كورسەتۋ», — دەدى قر پرەمەر-ءمينيسترى.
الەۋمەتتىك ماسەلەلەر بويىنشا بيزنەستىڭ قىزىقتى يدەيالارى مەن ۇسىنىستارى بار, ولار ۇكىمەتپەن بىرىگىپ ىسكە اسىرىلۋى قاجەت. سوندىقتان, وڭىرلەردىڭ اكىمدەرىنە وسىنداي باستامالاردى بەلسەندى تۇردە قولداۋ تاپسىرىلدى.
بۇدان وزگە, مينيسترلەر كابينەتىنىڭ باسشىسى كاسىپورىنداردىڭ باسشىلارىن ءوز جۇمىسكەرلەرىنىڭ پروبلەمالارىنا, سونىڭ ىشىندە تۇرعىن ءۇي پروبلەمالارىنا نازار اۋدارۋعا شاقىردى.
ەڭبەك جانە حالىقتى الەۋمەتتىك قورعاۋ مينيسترلىگىنە اتاۋلى الەۋمەتتىك كومەك الاتىن ەڭبەك جاسىنداعى ادامداردى جۇمىسقا ورنالاستىرۋ, وقىتۋ جانە قايتا وقىتۋ ماسەلەسىن ەرەكشە باقىلاۋعا الۋ تاپسىرىلدى.
«ولاردى بارىنشا جۇمىسپەن قامتۋ قاجەت», — دەپ پرەمەر-مينيستر, بۇل جۇمىسقا «اتامەكەن» ۇلتتىق كاسىپكەرلەر پالاتاسى دا اتسالىسۋى قاجەت ەكەنىن ايتتى.
