م. لايچاك ورتالىق ازياعا وڭىرلىك تۋردىڭ بولىگى رەتىندە ساپارمەن قازاقستانعا كەلىپ, ساپار اياسىندا قازاقستان رەسپۋبليكاسى پرەزيدەنتى قاسىم-جومارت توقاەۆپەن جانە سەنات توراعاسى داريعا نازارباەۆامەن كەزدەسۋلەر وتكىزدى.
مينيسترلەر كەلىسسوزدەر بارىسىندا ەقىۇ-نىڭ كۇن تارتىبىندەگى وزەكتى ماسەلەلەر, ەكىجاقتى ىنتىماقتاستىقتىڭ جاي-كۇيى مەن پەرسپەكتيۆالارى, حالىقارالىق ماسەلەلەر بويىنشا پىكىر الماسۋلار بولدى.
ب. اتامقۇلوۆ سلوۆاكيانىڭ ەقىۇ ءىس باسىنداعى توراعاسى لاۋازىمىنداعى قىزمەتىنە جوعارى باعا بەردى, ونىڭ باستى ماقساتى - سەنىم مەن قاۋىپسىزدىكتى نىعايتۋ, قاقتىعىستاردى بولدىرماۋ, ترانسۇلتتىق قاۋىپ-قاتەرلەرگە قارسى تۇرۋ, پروفيلاكتيكالىق ديپلوماتيا مەن مەدياتسيانى قولدانۋ بولىپ انىقتالعان باسىمدىقتاردىڭ وزەكتىلىگى مەن قاجەتتىلىگىن اتاپ كورسەتتى.
«ءسىزدىڭ توراعالىعىڭىزدىڭ باسىمدىقتارى ەۋرازيالىق قاۋىپسىزدىك پلاتفورماسىن قۇرۋ قاجەتتىگى تۋرالى تۇڭعىش پرەزيدەنتىمىز - ەلباسى نۇرسۇلتان نازارباەۆتىڭ حالىقارالىق باستاماسىمەن ۇيلەسەدى. اتاپ ايتقاندا, ءبىز 1975 جىلعى حەلسينكي قورىتىندى اكتىسىنىڭ 45 جىلدىعىنا وراي 2020 جىلى قاۋىپسىزدىك جانە ىنتىماقتاستىق جونىندەگى حالىقارالىق كونفەرەنتسيانى وتكىزۋ بويىنشا, سونداي-اق ەقىۇ, اوسشك جانە اسەان فورۋمى اراسىندا كونسۋلتاتيۆتىك-كەڭەس كەزدەسۋىن ۇيىمداستىرۋ بويىنشا جۇمىس جۇرگىزىپ جاتىرمىز», - دەپ اتاپ ءوتتى ءسىم باسشىسى.
م. لايچاك قازاقستان ورتالىق ازيا ايماعىندا سونداي-اق ەاەو كەڭىستىگىندە ماڭىزدى ءرول اتقاراتىنىن مالەمدەدى.
ەقىۇ-نىڭ ءىس باسىنداعى توراعاسى قازىرگى جاعدايدا پرەۆەنتيۆتىك ديپلوماتيا مەن مەدياتسيا جانجالداردى الدىن-الۋ مەن شەشۋدىڭ تانىمال قۇرالدارى بولىپ تابىلاتىنىن بەلگىلەپ, قازاق تاراپىنا سلوۆاكيا توراعالىعىنىڭ جۇمىسىن جانە انىقتالعان باسىمدىقتارىن وڭ باعالاعانى ءۇشىن العىس ءبىلدىردى.
م. لايچاك قازاقستاننىڭ ەقىۇ قىزمەتىندەگى سىندارلى ءرولىن وڭ باعالادى. سلوۆاكيالىق ديپلوماتتىڭ ايتۋىنشا, «قازاقستان تەڭدەستىرىلگەن جانە پراگماتيكالىق ىشكى جانە سىرتقى ساياساتىنىڭ ارقاسىندا ۇيىمنىڭ بەرىك ءارى سەنىمدى سەرىكتەسى بولىپ تابىلادى. بۇعان سلوۆاكيا توراعالىعىمەن ەقىۇ-نىڭ ەكونوميكالىق جانە ەكولوگيالىق كوميتەتىندەگى قازاقستان وكىلىنىڭ توراعالىق مەرزىمىن ۇزاتۋى اڭىق ايعاعى بولدى».
ءوزارا ارەكەتتەسۋدىڭ وزەكتى ماسەلەلەرىنىڭ ءبىرى رەتىندە تاراپتار جاۋاپكەرشىلىك ايماعى بويىنشا ەقىۇ قۇرىلىمدارىن بىركەلكى نەگىزدە ورنالاستىرۋ پەرسپەكتيۆالارىن تالقىلادى. سونىمەن بىرگە, وسى سالاداعى ۇيىم قىزمەتىنىڭ تيىمدىلىگىن ارتتىراتىن دالالىق ميسسيالاردىڭ جاڭا فورماتقا كوشۋ ماڭىزى ەرەكشە اتالىپ ءوتتى. وسىنداي بولاشاق فورماتتاردىڭ ءبىرى رەتىندە, قازاقستان تاراپى ۇيىمنىڭ ەكونوميكالىق جانە ەكولوگيالىق ولشەمدەرىنىڭ ماقساتتارى مەن مىندەتتەرىن جۇزەگە اسىرۋ باستى ماقساتى بولاتىن ەقىۇ-نىڭ ورنىقتى ءوزارا بايلانىسى جونىندەگى تاقىرىپتىق ورتالىعىن قۇرۋدى ۇسىندى.
سۇحباتتاستار اعىمداعى جىلى نۇر-سۇلتاندا جوسپارلانعان اۋعانستان جونىندەگى ەقىۇ-نىڭ جوعارى دەڭگەيدەگى ءىس-شاراسىن دايىنداۋ ماسەلەسىن قاراستىردى. بۇل ءىس-شارا ۇيىمنىڭ وسى ەلدەگى جاعدايىنا قايتادان نازار اۋدارىلۋىنا مۇمكىندىك بەرە وتىرىپ, بارلىق ءۇش ولشەمدە ىنتىماقتاستىقتى نىعايتۋعا تولىقتاي ۇلەس قوساتىنىن اتاپ ءوتتى. ب. اتامقۇلوۆ اۋعانستاننىڭ كەلەشەكتەگى دامۋى سول ەلدىڭ قايتا قۇرۋ ۇدەرىسىنە, ەقىۇ-ىمەن بىرگە مۇددەلى سىرتقى اكتەرلەردىڭ قاتىسۋ دارەجەسىنە بايلانىستى بولادى دەگەن سەنىمىن ءبىلدىردى.
تاراپتار قازاقستاننىڭ سىرتقى ساياساتىنداعى ەكونوميكالىق بولىگىنىڭ ماڭىزىن ەسكەرە وتىرىپ, سلوۆاكيامەن ەكى جاقتى ىنتىماقتاستىقتى كەڭەيتۋگە ەرەكشە نازار اۋداردى. نۇر-سۇلتان مەن براتيسلاۆا ءوزارا مۇددەلى ءتۇرلى سالالارداعى ىنتىماقتاستىعىمەن قۋاتتالعان ۇزاق جىلدار بويى جالعاسىپ كەلە جاتقان دوستىق قارىم-قاتىناستارى بار ەكەنىن ەرەكشە اتاپ ءوتتى. وتكەن جىل ەكى ەل اراسىنداعى قارىم-قاتىناستار ەرەكشە بولدى, اسىرەسە قازاقستانعا سلوۆاكيانىڭ پرەمەر-ءمينيسترى پەتەر پەللەگرينىڭ العاشقى رەسمي ساپارى ءوتتى, ساۋدا-ەكونوميكالىق ىنتىماقتاستىق جانە ساياسي كونسۋلتاتسيالار بويىنشا ۇكىمەتارالىق كوميسسياسىنىڭ كەزەكتى وتىرىستارى وتكىزىلدى.
كەزدەسۋ بارىسىندا مينيسترلەر ەكى ەل اراسىنداعى بىرلەسكەن جانە كوپ جاقتى ىنتىماقتاستىقتى دامىتۋ, سونداي-اق ەقىۇ مەن سلوۆاكيا رەسپۋبليكاسىمەن ەكىجاقتى ىنتىماقتاستىقتى كەڭەيتۋ ماسەلەلەرى تالقىلاندى.
