شاراعا «Nur Otan» پارتياسى ماڭعىستاۋ وبلىستىق فيليالى, دەپۋتاتتار, ءبىلىم باسقارماسى, دەمەۋشىلەر, مەتسەناتتار, اتا-انالار جانە باق وكىلدەرى قاتىستى.
«Nur Otan» پارتياسى ماڭعىستاۋ وبلىستىق فيليالى ءباسپاسوز قىزمەتىنىڭ حابارالۋىنشا, «Nur Otan» پارتياسى ءۇشىن ءبىلىمدى بولۋعا نيەتتى وقۋشىلاردىڭ جولىن اشۋ, دەنساۋلىعى تومەن بالالارعا الەۋمەتتىك كومەك پەن قولداۋ كورسەتۋ, قوعامنىڭ نازارىن اۋدارۋ ماقساتىنداعى باستامالارعا قولداۋ كورسەتۋ داستۇرگە اينالعان. ياعني, بالالاردىڭ قاتىسۋىمەن وتەتىن بارلىق شارالارعا قاتىسىپ ولارمەن بىرگە قۋانىشتى ساتتەردى بىرگە وتكىزۋگە ءاردايىم ۋاقىت تاۋىپ كەلەدى.
سونداي-اق, جاعدايى تومەن وتباسىلارعا كومەك قولىن سوزۋ نازاردان تىس قالعان ەمەس. ارنايى بالالاقشا تاريبەلەنۋشىلەرىنىڭ الدىندا ءسوز سويلەگەن «Nur Otan» پارتياسى ماڭعىستاۋ وبلىستىق فيليالىنىڭ يدەولوگيالىق جانە قوعامدىق-ساياسي جۇمىسار ءبولىمىنىڭ مەڭگەرۋشىسى دينارا قايمولدينا, ەلىمىزدە «Nur Otan» پارتياسىنىڭ باستاماسىمەن بىرقاتار جوبالار جۇزەگە اسىپ جاتقاندىعىن, سونىڭ ءبىرى – «كەدەرگىسىز كەلەشەك» الەۋمەتتىك جوباسى ەكەندىگىن ايتتى. ونىڭ اياسىندا مۇمكىندىگى شەكتەۋلى جاندارعا بارىنشا قولداۋ كورسەتىلۋدە ەكەندىگىن العا تارتتى. سونداي-اق, الدا جاڭا وقۋ جىلى كەلە جاتقاندىعىن جانە مەكتەپ تابالدىرىعىنان اتتاعالى وتىرعاندارعا وقۋدا وزات بولۋعا تىلەكتەستىگىن ءبىلدىرىپ, مەتسەناتتار ەسەبىنەن الىنعان مەكتەپكە قاجەتتى وقۋ قۇرىلدارىن تابىستادى.
-ءاربىر ادام جاقسىلىق جاساۋعا ۇمتىلسا دەگەن تىلەگىمىز بار. وسىنداي بالالارعا ءاردايىم قامقورلىق جاسالسا نۇر ۇستىنە نۇر بولارى ءسوزسىز. ولارعا ەڭ بولماعاندا كۇلكى سىيلاپ, جانىنان تابىلساق جەتىپ جاتىر. سوندا عانا ولار كەز-كەلگەن ورتادا وزدەرىن ەركىن سەزىنەدى, العا جىلجۋعا دەگەن ۇمتىلىسى بولادى. اينالامىزدا مۇمكىندىگى شەكتەۋلى جانداردىڭ كوپ ەكەندىگىن ۇمىتپاعانىمىز ابزال, ولاردىڭ ءبىردىڭ قوعامنىڭ تولىققاندى مۇشەلەرى بولىپ تابىلادى, دەيدى د.قايمولدينا.
مەكەمە باسشىلىعى مەن بالاباقشا تاربيەلەنۋشىلەرى مەيماندارعا وزدەرىنىڭ العىستارىن تەك سوزبەن جەتكىزىپ قانا قويعان جوق. ءان سالىپ, بي بيلەپ, تانىمال اقىنداردىڭ ولەڭدەرىن وقىپ بەردى. وسىلايشا كوزدەرى ناشار كورسە دە, ولاردىڭ ومىرگە دەگەن قۇشتارلىعى باسىم ەكەندىگى بايقالىپ تۇردى. ەڭ باستىسى قوعامدىق ومىرگە تەز ارالسىپ كەتە الاتىندىعىن كورسەتتى, ءتىپتى قاراڭعى جەردە جارىق سىيلاي الاتىنداي اسەر قالدىردى.
شارا اياقتالعان سوڭ, نۇروتاندىقتار جاڭا وقۋ جىلى قارساڭىندا تاعى ءبىر جولىعاتىنىنا سەنىم ءبىلدىردى. ايتا كەتۋ كەرەك, اتالمىش ارنايى بالاباقشانىڭ 42 تاربيەلەنۋشىسى بيىل مەكتەپ تابالدىرىعىنان اتتاماق.
سونداي-اق, بۇل كۇنى «نۇرلى اقتاۋ» قوعامدىق بىرلەستىگىنىڭ وكىلى 9 بۇلدىرشىنگە "جارقىرا" كوز قورعاۋ كابينەتىنەن تەگىن ەم الۋعا سەرتيفيكات تابىستادى.
ماڭعىستاۋ وبلىسى
