ءىس-شارانىڭ ماقساتى تۇرعىنداردىڭ قۇقىقتىق مادەنيەتىنىڭ دەڭگەيىن كوتەرۋ, ازاماتتارمەن زاڭدى تۇلعالاردىڭ وكىلدەرىنە تەگىن زاڭ كەڭەستەرىنۇسىنۋ جانە تۋىنداعان پروبلەمالىق ماسەلەلەردىڭ شەشىمىن تابۋعا قۇقىقتىقكومەك كورسەتۋ بولىپ تابىلادى.
«Nur Otan» پارتياسى ماڭعىستاۋ وبلىستىق فيليالىنىڭ قوعامدىق قابىلداۋ بولمەسىنىڭ ساراپشىسى گۇلزيحان تاسقىمباەۆانىڭ ايتۋىنشا, ادىلدىك ىزدەپ ءار كابينەتتىڭ ەسىگىن توزدىرىپ جۇرگەن جاندار از ەمەس جانە ولاردىڭ سۇراقتارى كوبىنە جاۋاپسىز قالىپ جاتادى.
وڭىردە قۇقىقتىق ماسەلەلەر جونىندە كەڭەس بەرۋشى مەكەمەلەر كوپ, الايدا ولار قىزمەت تۇرلەرىن اقىلى تۇردە كورسەتەدى, ياعني ەكىنىڭ ءبىرىنىڭ قالتاسى كوتەرە بەرمەيدى. سول سەبەپتى «ادىلەت كەڭەس بەرەدى» اتتى شارالاردى وتكىزۋ ماڭىزدى, سەبەبى قۇقىقتىق كومەكتەر تەگىن كورسەتىلەدى. ونىڭ ۇستىنە وسىنداي اكتسيالار كوبىنە «Nur Otan» پارتياسىمەن بىرلەسىپ وتىزىلەدى, سەبەبى بۇل حالىقتىڭ پارتياعا دەگەن سەنىمىنىڭ ارتىپ كەلەتىندىگىن كورسەتىپ وتىر.
-كومەك سۇراپ كەلگەن تۇرعىنداردى مۇقيات تىڭداپ شىقتىق. تاجىريبەلى ماماندار كوتەرىلگەن بارلىق سۇراقتار بويىنشا تەگىن كەڭەس بەردى. جالپى ايتىلعان بارلىق ماسەلەلەر وڭ شەشىمىن تابادى دەۋگە بولادى, تەك قۇقىقتىق جاعىنان ساۋاتتىراق بولسا الىنبايتىن قامال جوق. ءبىزدىڭ ويىمىزشا وسىنداي فورماتتا وكىزىلەتىن شارالار ازاماتتارعا تەگىن قۇقىقتىق كومەك بەرۋمەن شەكتەلمەيدى, بۇل ءوز كەزەگىندە ازاماتتىق قوعام تاراپىنان مەملەكەتتىك ورگانداردىڭ قىزمەتىنە قوعامدىق باقىلاۋ جۇرگىزۋىنە سەپتىگىن تيگىزەدى. بۇگىندە بۇل وتە ماڭىزدى. تاجىريبە كورسەتىپ وتىرعانداي, زاڭگەرلەر كومەگىنە جۇگىنەتىندەر كوپ جانە كوتەرىلگەن پروبلەمالاردىڭ باسىم بولىگى ءوزىنىڭ شەشىمدەرىن تابۋدا», دەدى ول.
تەگىن قۇقىقتىق كومەك الۋ بويىنشا پارتيانىڭ قوعامدىق قابىلداۋ بولىمىنە الدىن-الا 5 ادام جازىلعان. ال كەڭەس العاندار سانى 20 ادامنان اسىپ جىعىلدى. سۇراقتاردىڭ دەنى اليمەنت تولەۋدەن باس تارتۋ, مەملەكەتتىك باعدارلاما بويىنشا باسپانالى بولۋ, ەكىنشى دەڭگەيلى بانكتەرمەن زاڭسىز نەسيە بەرۋ, سوت شەشىمىنە سايكەس اقشا ءوندىرۋ بويىنشا سوت ورىنداۋشىلارىنىڭ كومەگىنە جۇگىنۋ جانە ت.ب.
كەيبىر وتىنىشتەردى تاجىريبەلى زاڭگەرلەر وزدەرىنىڭ جەكە باقىلاۋىنا الاتىندارىن ايتىپ سەندىردى جانە الداعى ۋاقىتتا وڭ شەشىمىن تابۋعا ىقپال ەتەتىندىگىن ايتسا, ال ارىز-شاعىمداردىڭ جاۋاپسىز قالماۋىن «Nur Otan» پارتياسى ءوزىنىڭ باقىلاۋىندا ۇستايتىن بولادى.
ماڭعىستاۋ وبلىسى
