ء يا, ءدال سولاي.
3 ءساۋىر كۇنى شاھارداعى №15 مەكتەپتىڭ 6 سىنىپ وقۋشىسى دوسجان دۋلات ۇلىنىڭ ءوز اۋلاسىنان تۇسىرگەن ۆيدەوسى الەۋمەتتىك جەلى ارقىلى جەدەل تاراعان ەدى. 3 مينۋتتىق ۆيدەودا ول ءوزى تۇراتىن ءۇيدىڭ اۋلاسىنداعى ابدەن ەسكىرىپ, توزعان, سىنعان ورىندىقتار مەن سپورتتىق قۇرىلعىلاردى, جارامسىز بولىپ, اۋلانىڭ ءبىر بۇرىشىندا جاتقان اتكەنشەكتى كورسەتىپ: ««دۆور وسىنداي جامان. بالالار ويناعىسى كەلەدى. وينايتىن تۇك تە جوق. ...جاقسىلاپ دۆور ىستەۋ كەرەك وسى جەرگە. ماياكوۆسكي 20 كوشەسىندە وسىنداي جامان دۆور. نەگە جوندەمەيدى؟ مەن سونى ايتقىم كەلەدى. ... بالالار وينايىن دەسە ويناي المايدى. ۇيدە وتىرادى قامالىپ» ء(سوزىن سول قالپىندا بەرىپ وتىرمىز – ا.ق) دەپ جانايقايىن جەتكىزگەن-ءدى.
قورشاعان ورتاسىنا بەي-جاي قارامايتىن باتىل وقۋشىنىڭ بۇل ارەكەتى وبلىس ورتالىعىنىڭ باسشىلىعىنىڭ دا نازارىنان تىس قالماپتى. ۆيدەو جاريالانعان كۇننىڭ ەرتەڭىندە, ياعني 4 ءساۋىر كۇنى وسكەمەن اكىمى جاقسىلىق ومار قول استىنداعى قىزمەتكەرلەرىمەن بىرگە ماياكوۆسكي كوشەسىندەگى 20 ۇيگە ارنايى كەلىپ, دوسجاننىڭ ارقاسىنان قاعىپ, العىسىن ءبىلدىرىپ, اۋلانى قالا بيۋدجەتىنەن ۇنەمدەلگەن قاراجات ەسەبىنەن جوندەتۋگە ۋادە بەرگەن-ءدى. اۋلانى بيۋجەت ەسەبىنەن دە جوندەۋگە بولادى ەكەن. الايدا اۋلاعا تيەسىلى ءۇيدىڭ پيك-ءى وتكەن جىلى ءوتىنىشتى دۇرىس بەرمەي, اۋلا جوندەلەتىن اۋلالاردىڭ تىزىمىنە كىرمەي قالعان كورىنەدى.
بۇگىن ءبىز ءوز اۋلاسىنان رەپورتاج جاساعان وقۋشىنىڭ اتا-اناسىنا تەلەفون شالىپ, اكەسى دۋلاتپەن جانە دوسجاننىڭ وزىمەن از-كەم اڭگىمەلەستىك.
-ۆيدەونى ۇلىڭىز ءوزى تۇسىرگەن بە؟ الدە بىرەۋلەر «ءتۇسىر» دەپ ايتتى ما ەكەن؟
- جوق. ءۇيدىڭ ماڭىندا ويناپ ءجۇرىپ ءتۇسىرىپ, ينتەرنەتكە جىبەرگەن عوي. ءححى عاسىردىڭ بالالارى ەمەس پە؟ ءبارىن بىلەدى.
- ايتەۋىر مەكتەپتە ەشكىم ۇرىسپاپ پا؟
-|جوق, ەشكىم ۇرىسپاپتى. مەن دە ويلاعام, «مۇنىڭ نە؟» دەپ ۇرساتىن شىعار دەپ. بىراق ەندى ۇرساتىنداي ەشتەڭە ىستەگەن جوق قوي. تۇسىرگەنىنىڭ ءبارى راس. ءوزى اۋەلدە كىشكەنە قورىقتى. «قورىقپا, ەشتەڭە بۇلدىرگەن جوقسىڭ» دەدىك. ۇلىم مەكتەپتە ۇزدىك وقيدى. رەگبيگە قاتىسادى. قارىنداسى بار, دوستارى بار, ءبارى ەسىك الدىنا ويناۋعا شىعادى. بىراق اۋلادا وينامايدى, باسقا اۋلاعا كەتىپ قالادى. ىزدەيمىز. «وسى دۆور شارشاتتى. تۇك جوق» دەپ ايتىپ جۇرەتىن ۇنەمى.
-سوندا بۇل اۋلا مۇلدە جوندەلمەگەن بە؟
- مۇلدە جوندەلمەگەن عوي. ءبارى سىنىپ جاتىر. ءبىز بۇل جەرگە 2011 جىلى كوشىپ كەلگەنبىز. سول ۋاقىتتان بەرى وسىلاي. بالالار وسى اۋلادا ويناۋعا ءماجبۇر. ءبىزدىڭ پيك «اۋلانى جوندەتۋگە ءوتىنىش بەرگەنبىز» دەيدى. جالپى بۇل جەردىڭ پيك-ءى دۇرىس جۇمىس ىستەمەيدى. ولاردىڭ جۇمىسى بولسا دا, 1 قاباتتاعى پودەزدى ءوزىم جاساپ, ءوزىم سىرلاعانمىن.
وقۋشىنىڭ اكەسى دۋلات ۋانوۆتىڭ ايتۋىنشا, بۇل اۋلادا ءبىر ەمەس, 4 ءۇي بار ەكەن. دۋلات اسكەري قىزمەت اتقارسا, اناسى مەدبيكە بولىپ جۇمىس ىستەيدى ەكەن. وقۋشىنىڭ وزىمەن دە سويلەسىپ, پىكىرىن تىڭدادىق.
-دوسجان باتىر, تۇسىرگەن ۆيدەوڭدى كوردىك. دايىن تۇرعان جۋرناليست ەكەنسىڭ. ۆيدەونى ءوزىڭ ءتۇسىردىڭ عوي.
- ءۇش-ءتورت كۇن بۇرىن تۇسىرگەم. ينتەرنەتكە, ۆك مەن فەيسبۋككە جىبەردىك.
- مۇنى قالا اكىمى كورسىن دەپ ءتۇسىردىڭ بە؟ الدە جاي تۇسىرە سالدىڭ با؟
- ۇستىدەگى ادامدارعا, باسشىلارعا جىبەرگەم. ينتەرنەتكە سالعام. وزدەرى كوردى. كەشە قالا اكىمى كەلدى. «ىستەيمىز. جارايسىڭ!» دەدى.
-مەكتەپتە ەشكىم ۇرىسقان جوق پا؟
- جوق.
-سوندا سەن بۇعان دەيىن باسقا اۋلالارعا بارىپ ويناپ ءجۇردىڭ بە؟
- ءيا, ەكىنشى ءۇيدىڭ اۋلاسىنا بارىپ ءجۇرمىز. ول جاقتا فۋتبول الاڭى بار.
