كۋبوكتىك دودانىڭ جەرەبەسى تارتىلىپ, قازاقستاندىق كيريلل گەراسيمەنكونىڭ قارسىلاستارى انىقتالدى. ول ا توبىندا الەمنىڭ ءتورت دۇركىن چەمپيونى ءارى ءبىرىنشى راكەتاسى سانالاتىن قىتايلىق فان جەندونگ, كوماندالىق ەسەپتەگى الەم چەمپيوناتىنىڭ قولا جۇلدەگەرى يانگ ۆۋدجين (كورەيا) جانە ارالاس رازريادتاعى الەمنىڭ ەكى دۇركىن قولا جۇلدەگەرى ۆون چۋن تينگە (گونكونگ) قارسى وينايدى.
«كيريلل قىتايلىق فان جەندونگقا قارسى جاقسى ويىن كورسەتىپ ءجۇر. الايدا, ول 7 سەتكە سوزىلاتىن تۋرنيرلەر. ازيا كۋبوگىندە بار بولعانى 5 سەت, سوندىقتان, مەيىلىنشە جيناقى ويناۋى ءتيىس. باسقا تەننيسشىلەرمەن بۇرىن-سوڭدى كەزدەسكەن ەمەسپىز. ءۇش كەزدەسۋ دە ءبىر كۇندە وتەدى. ازىرگە ۋاقىت ايىرماشىلىعىنا بەيىمدەلۋگە تىرىسىپ جاتىرمىز. كيريلل ماتچ باستالعانشا بابىنا كەلەدى دەپ ويلايمىن», - دەيدى ۇلتتىق قۇرامانىڭ كەڭەسشى باپكەرى دميتري لەۆەنكو.
