ايماقتار • 04 ءساۋىر، 2019

ەلوردادا سىبايلاس جەمقورلىققا قارسى ءىس-قيمىل ماسەلەلەرى تالقىلاندى

450 رەتكورسەتىلدى

نۇر-سۇلتاندا ««استانا – ادالدىق الاڭى» جانە ازاماتتىق سەكتور. سەنىم.ارىپتەستىك.دامۋ» تاقىرىبىندا دوڭگەلەك ۇستەل ءوتتى دەپ حابارلايدى ەلوردا اكىمدىگىنىڭ رەسمي سايتى.

دوڭگەلەك ۇستەل جۇمىسىنا قالانىڭ جاستار جانە ەتنومادەني بىرلەستىكتەرىنىڭ باسشىلارى مەن قاتىسۋشىلارى، قحا وكىلدەرى، قوعامدىق كەڭەس مۇشەلەرى جانە ت.ب قاتىستى. دوڭگەلەك ۇستەلدىڭ ماقساتى – «استانا – ادالدىق الاڭى» جوباسى جانە مەملەكەتتىك قىزمەتتەردىڭ قولجەتىمدىلىگى تۋرالى اقپاراتتاندىرۋ، ەلوردادا سىبايلاس جەمقورلىققا قارسى مادەنيەتتى قالىپتاستىرۋ ۇدەرىسىنە ازاماتتاردى تارتۋ. 

دوڭگەلەك ۇستەل اياسىندا «استانا – ادالدىق الاڭى» جوبالىق كەڭسەسىنىڭ باسشىسى ميراس شەكەنوۆ پەن مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ دەپارتامەنت باسشىسى جازيرا جىلقىشيەۆا ەلوردادا مەكتەپتەردە، بالاباقشالاردا، مەديتسينالىق مەكەمەلەردە جانە قالالىق مەملەكەتتىك ورگانداردا حالىقپەن جۇمىس ىستەۋدىڭ جاڭا فورماتىنىڭ ەنگىزىلگەنىن ايتتى. سونىڭ ارقاسىندا تۇرمىستىق سىبايلاس جەمقورلىقتىڭ دەڭگەيى ەداۋىر قىسقارتىلدى. 

«ءبىز ۇنەمى مونيتورينگ جۇرگىزىپ، قولىمىزدى پۋلستە ۇستاپ تۇرامىز. سارىارقا، الماتى اۋداندىق اكىمدىكتەرىنىڭ قالاي وزگەرگەندىگىن قاراڭىزشى، ەندى كەزەكتە – بايقوڭىر مەن ەسىل اۋداندارىنىڭ اكىمدىكتەرى تۇر. وندا بارلىعى تۇبەگەيلى وزگەردى»، – دەدى ميراس شەكەنوۆ.

ءىس-شارانى «قىرعىزستان-استانا» قب، «نۇر-سۇلتان قالاسىنىڭ ازاماتتىق اليانسى» زتب، ەلوردالىق قحا قولداۋىمەن «قارسى» قب ۇيىمداستىردى.

سوڭعى جاڭالىقتار

جۇزدەگەن تۇرعىنعا جۇمىس تابىلدى

ايماقتار • بۇگىن، 12:44

اۋىلدا سپورت كەشەنى سالىنۋدا

ايماقتار • بۇگىن، 09:28

قحل قىركۇيەكتە باستالادى

سپورت • بۇگىن، 08:09

ۇقساس جاڭالىقتار