مەيىرجان العامجانوۆ جەرگىلىكتى اباي اتىنداعى №2 ليتسەيدىڭ 7-سىنىبىندا وقيدى. جاس زەرتتەۋشىنىڭ عىلىمي جەتەكشىسى – اتالعان ليتسەيدىڭ قازاق ءتىلى مەن ادەبيەتى ءپانىنىڭ مۇعالىمى اقەركە بالتاباي. بۇدان بۇرىن دارىندى وقۋشى استانادا ۇيىمداستىرىلعان «قازاقستاننىڭ بولاشاعى – جاستاردىڭ قولىندا» اتتى رەسپۋبليكالىق عىلىمي-پراكتيكالىق كونفەرەنتسيادا توپ جارعان بولاتىن. ەندى مەيىرجان پولشادا كۇز ايلارىندا وتەتىن ءىى حالىقارالىق عىلىمي سايىسقا قاتىسادى.
– بۇل تاقىرىپتى وتكەن جىلدىڭ جەلتوقسان ايىنان بەرى زەرتتەي باستادىم. سول كەزدە ءبىزدىڭ مەكتەپتە جەڭىس قاشقىنوۆتىڭ 75 جىلدىعىنا ارنالعان «جىر توكسە كولگە اققۋ, قاز قوناتىن...» اتتى ادەبي-سازدى كەش وتكەن بولاتىن. سول شارادان ۇلكەن اسەر الدىم. استاناداعى رەسپۋبليكالىق بايقاۋ الدىندا جەڭىس قاشقىنوۆتىڭ بالالارعا ارنالعان جىرلارىن جان-جاقتى زەرتتەسەم, ماسكەۋ كونكۋرسىنا اقىن اتامىزدىڭ حالىقتار دوستىعىن وزەك ەتكەن ەرتەگىلەرى مەن باللادالارىنا ارنالعان جوبامەن قاتىستىم. الداعى ۋاقىتتا وسى تاقىرىپتى تەرەڭدەتە زەرتتەپ, قازاق بالالار ادەبيەتىنىڭ الەم پوەزياسىنان ويىپ ورىن الاتىندىعىن دالەلدەۋدى الدىما ماقسات ەتىپ قويامىن, – دەيدى ارمانى اسقاق مەيىرجان.
