ايماقتار • 04 ءساۋىر، 2019

تۇركىستاندا رۋحاني جاڭعىرۋ بويىنشا سەمينار باستالدى

419 رەت كورسەتىلدى

قازاقستان ورتالىق كوممۋنيكاتسيالار قىزمەتى مەن تۇركىستان وبلىستىق ىشكى ساياسات باسقارماسى بىرلەسە ۇيىمداستىرعان وقۋ سەمينارى ءۇش كۇنگە جالعاسادى. بۇل تۋرالى تۇركىستان وبلىسى اكىمىنىڭ ءباسپاسوز قىزمەتى حابارلادى.

وسى ۋاقىت ارالىعىندا تىڭداۋشىلارعا اقپارات جۇمىسىنىڭ جاڭا ادىستەرى، ءتيىمدى ءوزارا ارەكەتتەسۋ تەحنولوگيالارى، جىلدام جانە جوعارى ساپالى اقپاراتتىق جاۋاپ بەرۋ قۇرالدارى ۇسىنىلاتىن بولادى.

بۇل ترەنينگكە جەرگىلىكتى جانە شىمكەنت پەن قىزىلوردادان مەملەكەتتىك ورگانداردىڭ باسشىلارى، كۆازيمەملەكەتتىك سەكتوردىڭ ماماندارى سونداي-اق ءباسپاسوز حاتشىلارى ارنايى شاقىرتىلعان. ولار مەدياتسيا، كوممۋنيكاتسيا جانە مودەراتورلىق تاقىرىپتارى بويىنشا تاجىريبە ارتتىراتىن بولادى. العاش كۇندە ءتىزىم بويىنشا 125 ادام تىركەلگەن. جالپى ءۇش كۇننىڭ ىشىندە 300 دەي قاتىسۋشى كەلەدى دەپ كۇتىلۋدە. سەميناردىڭ ماقساتىنا ساي، قاتىسۋشىلار ءوز ءبىلىمىن كەڭەيتىپ، مەملەكەتتىك باعدارلامالارمەن جۇمىس ىستەۋ، سىرتقى ورتادا جانە الەۋمەتتىك جەلىلەردە بايلانىس سالاسىنداعى جاڭا تەحنولوگيالاردى مەڭگەرۋ ءۇشىن قاجەتتى داعدىلاردى دامىتادى.

وقۋ باعدارلاماسى زاماناۋي تالاپتارعا جاۋاپ بەرەدى جانە ستراتەگيالىق مودەراتسياعا، سىرتقى جانە ىشكى كوممۋنيكاتسيالاردى قۇرۋدىڭ ءتيىمدى قۇرالدارىنا ارنالعان. ترەنينگ قورىتىندىسى بويىنشا قاتىسۋشىلار اشىق سويلەۋ داعدىلارىن دامىتادى، قوعامداعى الەۋمەتتىك جانە مادەني قۇندىلىقتاردى مودەلدەۋ تۋرالى بىلەدى جانە سىرتقى ورتامەن قارىم-قاتىناس جاساۋدىڭ ءتيىمدى جولدارىن ۇيرەنەدى. ياعني ءبىلىمنىڭ سالتانات قۇرۋى مەن سانانىڭ اشىقتىعى بارلىق جەردە بولۋعا ءتيىس.

«رۋحاني جاڭعىرۋ» قوعامدىق ساناسىن جاڭعىرتۋ باعدارلاماسىن ىسكە اسىرۋعا تارتىلعان كادرلاردى قارقىندى قايتا دايارلاۋ بويىنشا وقۋ سەمينارلارى 27 ناۋرىزدا باستالعان. جالپى ترەنينگتىك سەمينارلار تالدىقورعان، پاۆلودار، تۇركىستان، قاراعاندى، پەتروپاۆل جانە ورال قالالارىندا 26 ساۋىرگە دەيىن جالعاسادى.

 



سوڭعى جاڭالىقتار

پەتر يان ۇزدىكتەر قاتارىنا ەندى

جەكپە-جەك • بۇگىن، 16:05

ۇقساس جاڭالىقتار