جالعان “شوپاندار”, جاسىرىلعان تاۋارلار
سارسەنبى, 22 اقپان 2012 7:54
قازىر شەكارانى شىنداماي جايباراقاتتىققا سالىناتىن زامان ەمەس. “قازاننىڭ قاقپاعى اشىق بولسا, يتتەن ۇيات كەتەدى” دەگەندەي, دەربەس, تاۋەلسىز مەملەكەتتەردىڭ شەكاراسىنان سىنا تاۋىپ, زاڭسىز كونتراباندالىق تاۋار وتكىزۋشىلەر كوبەيىپ تۇر.
ال ءبىر قۋانارلىعى, قازاقستان شەكاراشىلارى زاماناۋي قوندىرعىلارمەن جابدىقتالعاندىقتان دا, بەينە باقىلاۋ ارقىلى شەكارا ماڭىندا جورعالاعان تىشقانعا دەيىن كورىپ وتىرادى. بىراق, “ەت تاتتىلىگىن قويسا, مەن ۇرلىعىمدى قويار ەدىم” دەگەندەي, بۇرىن كونتراباندامەن پايدا تاۋىپ جۇرگەندەر ۇيرەنشىكتى ادەتتەرىن قويار ەمەس.
سارسەنبى, 22 اقپان 2012 7:54
قازىر شەكارانى شىنداماي جايباراقاتتىققا سالىناتىن زامان ەمەس. “قازاننىڭ قاقپاعى اشىق بولسا, يتتەن ۇيات كەتەدى” دەگەندەي, دەربەس, تاۋەلسىز مەملەكەتتەردىڭ شەكاراسىنان سىنا تاۋىپ, زاڭسىز كونتراباندالىق تاۋار وتكىزۋشىلەر كوبەيىپ تۇر.
ال ءبىر قۋانارلىعى, قازاقستان شەكاراشىلارى زاماناۋي قوندىرعىلارمەن جابدىقتالعاندىقتان دا, بەينە باقىلاۋ ارقىلى شەكارا ماڭىندا جورعالاعان تىشقانعا دەيىن كورىپ وتىرادى. بىراق, “ەت تاتتىلىگىن قويسا, مەن ۇرلىعىمدى قويار ەدىم” دەگەندەي, بۇرىن كونتراباندامەن پايدا تاۋىپ جۇرگەندەر ۇيرەنشىكتى ادەتتەرىن قويار ەمەس.
جاقىندا ۇقك شەكارا قىزمەتى “وڭتۇستىك” وڭىرلىك باسقارماسىنا قاراستى جەتىساي شەكارا جاساعى ءىرى كونتراباندالىق تاۋارلاردى مەملەكەتتىك شەكارادان وتكىزۋ دەرەگىن انىقتاپ, قىلمىسكەرلەردىڭ ادىمىن اشتىرمادى.
“ورىنباي” شەكارا زاستاۆاسىنىڭ جاساعى شەكارادان التى شاقىرىم القاپتى ءسۇزۋ بارىسىندا وزبەكستاندىق 10 ازامات پەن قازاقستاندىق 8 ازاماتتى قىلمىس بارىسىندا قولعا ءتۇسىردى.
شەكارا ماڭىنا كيىز ءۇي تىگىپ, وعان كونتراباندالىق تاۋار جاسىرعان قىلمىستىق توپ كاماز, زيل جانە ۋرال جۇك ءماشينەلەرىمەن وزبەكستان شەكاراسىنا وتپەك بولعان. كونتراباندالىق ازىق-ت ۇلىكتەردىڭ جالپى سالماعى 27 توننا تارتادى. سول ماڭنان, بۇل ايتىلعانداردان بولەك, 2420 قوراپتارعا سالىنعان ازىق-ت ۇلىك پەن حالىق تۇتىناتىن تاۋارلار تاركىلەنگەن.
بۇل تاۋارلاردىڭ جالپى سالماعى 19 توننا قۇرادى. ودان ءبولەك 2620 بوتەلكە اراق جاسىرىلعان قويما تابىلدى. شەكارا جاساقتارى “نايمان بۇحارباي” زاستاۆاسىنىڭ تەلىمىندە كۇدىكتى ازاماتتى قولعا ءتۇسىردى. ول سول ماڭداعى قۇرىلىس قويماسىندا 1,5 ليترلىك ىدىستارمەن 270 قاپقا جاسىرىلعان 10 توننا ءسپيرتتى تىعىپ جۇرگەنگە ۇقسايدى.
سودان سوڭ شەكارا ايماعىنان ءبىر شاقىرىم قاشىقتىقتا تاعى ءبىر ازامات ۇستالعان. ەشقانداي قۇجات كورسەتە الماعان الگى ازامات وسى ماڭدا مال باعاتىن قويشىمىن دەيدى. “قويشى” يەلىك ەتىپ جۇرگەن قىستاۋدى تەكسەرگەندە 600 قوراپقا سالىنعان كونديتەرلىك ونىمدەر مەن 5 توننا ءتۇستى مەتالل انىقتالعان.
ال “بيمىرزا” شەكارا زاستاۆاسىنىڭ تەلىمىندە تاعى ءبىر قۇجاتسىز جۇرگەن ازامات ۇستالعان. ءوزىنىڭ ايتۋىنشا, بۇل دا “شوپان” ەكەن.
بىراق, ول مال ەمەس قوراپتارعا سالىنعان تاۋارلاردى باعىپ ءجۇر. قىستاۋدى ءتىنتۋ بارىسىندا 200 قوراپقا سالىنعان كونديتەرلىك ونىمدەر تابىلدى.
بۇگىندە وسى دەرەكتەر بويىنشا كونتراباندالىق قىلمىسقا قاتىسى بار باسقا دا ازاماتتاردىڭ ءىسى ناقتىلانۋدا. ويتكەنى, ۇلكەن كولەمدەگى تاۋارلاردى جالعىز-جارىم ادامداردىڭ شەكارادان وتكىزۋگە تالاپتانۋى ءمۇمكىن ەمەس. كونتراباندالىق جۇكتەردىڭ باعاسى شىعارىلعاننان كەيىن وسى ىسكە قاتىسى بار ازاماتتارعا قىلمىستىق ءىس قوزعالماق.
بۇدان بولەك, ۇقك شەكارا قىزمەتى «وڭتۇستىك» وڭىرلىك باسقارماسى «لەڭگىر» جەكە شەكارا كومەنداتۋراسىنا قاراستى «تۇربات» شەكارا زاستاۆاسىنىڭ شەكارا جاساعى وزبەكستان رەسپۋبليكاسىنان قازاقستانعا قاراي بىرەۋدىڭ وتكەنىن انىقتاپ, ىزىنە تۇسەدى.
ىزدەستىرۋ شارالارى كەزىندە شەكارادان زاڭسىز وتپەك بولعان وزبەكستان ازاماتى قولعا ءتۇستى.
شەكارا بۇزۋشىنى تەكسەرۋ بارىسىندا ودان 12 500 وزبەك سومى جانە 1,5 ليترلىك بوتەلكەدە ۇنتاقتالعان گەروين تاركىلەندى. ونىڭ سالماعى 9 كەلىگە دەيىن تارتادى.
قازىرگى ۋاقىتتا وڭتۇستىك قازاقستان وبلىسى, تولەبي اۋداندىق پروكۋراتۋراسى وزبەكستان رەسپۋبليكاسىنىڭ ازاماتىنا قاتىستى قازاقستان رەسپۋبليكاسى قىلمىستىق كودەكسىنىڭ 250-بابى 4-ءشى ءبولىمى بويىنشا قىلمىستىق ءىس قوزعادى.
باقتيار تايجان,
وڭتۇستىك قازاقستان وبلىسى.
