وعان اۋقىمدى عىلىمي-ءبىلىم بەرۋ جانە مادەني-اعارتۋشىلىق ءىس-شارا, سونداي-اق, قىزىلوردا وبلىسى بويىنشا كوشپەلى ەكسكۋرسيالار كىرەدى. جوبا اياسىندا حالىقارالىق عىلىمي كونفەرەنتسيا, ايماقتىق كاسىبي سەسسيا, سەمينار-ترەنينگتەر, تاقىرىپتىق ەكسكۋرسيالار, قىزىلوردا وبلىسى بويىنشا كوشپەلى كورمەلەر مەن ەكسكۋرسيالار وتەدى دەپ جوسپارلانىپ وتىر.
كورمە جوباسى قىزىلوردا قالاسىنداعى «رۋحاني جاڭعىرۋ» ورتالىعىندا 5 ساۋىردە جۇمىسىن باستايدى.
سول كۇنى شيەلى اۋدانى, شيەلى كەنتىندەگى مادەنيەت ۇيىندە, 6 ساۋىردە قىزىلوردا وبلىسى قارماقشى اۋدانى, جوسالى كەنتىندەگى مادەنيەت ۇيىندە «تۇڭعىش» ەكسكۋرسيالىق كونتسەپتسياسى اياسىندا كوشپەلى ەكسكۋرسيالار مەن كورمەلەر وتەدى.
كورمە جوباسىنىڭ باستى ءىس-شاراسى 8 ساۋىردە قىزىلوردا وبلىستىق تاريحي-ولكەتانۋ مۇراجايىندا وتەتىن «ن. نازارباەۆ: ءداۋىر, تۇلعا, قوعام» اتتى كورمە قورىنىڭ سالتاناتتى تۇردە اشىلۋى بولماق.
كورمەنىڭ اشىلۋ سالتاناتىنا قىزىلوردا وبلىسىنىڭ اكىمى ق. كوشەرباەۆ پەنقازاقستان رەسپۋبليكاسىنىڭ تۇڭعىش پرەزيدەنتى - ەلباسى كىتاپحاناسىنىڭ ديرەكتورى ا. راحىمجانوۆ قاتىسادى دەپ كۇتىلۋدە.
