جيىنعا «حابار» اگەنتتىگى» اق باسقارما توراعاسىنىڭ ءبىرىنشى ورىنباسارى رينات كەرتاەۆ, «Central Asia’s Got Talent» شوۋىنىڭ باس پروديۋسەرى سەرىك اكيشەۆ, «Zoʻr TV» تەلەارناسىنىڭ پروديۋسەرى تيمۋر اليەۆ, «كترك» تەلەراديوتاراتۋ كورپوراتسياسىنىڭ پروديۋسەرى قاناتبەك قۇلتاەۆ, «تۆ سافينا» تەلەارناسىنىڭ حالىقارالىق بايلانىس ءبولىمىنىڭ باسشىسى نارگيس كاسىموۆا قاتىستى.
«قازاقستاندىق تەلەۆيزيا سالاسىندا العاش رەت بارلىق تالانتتى ادامداردى ءبىر الاڭعا جيناماقپىز. وتاندىق ارنالاردا بۇعان دەيىن ءان, بي, سپورت جانە تاعى باسقا ونەر بايگەلەرى كورسەتىلگەن بولاتىن. ال بۇل بايقاۋدا كەز كەلگەن دارىندى ادام ءوز مۇمكىندىگىن سىناپ كورەدى. «Central Asia’s Got Talent» - ورتالىق ازيا ەلدەرىنە ورتاق جوبا. باعدارلاماعا قازاقستاندىقتار عانا ەمەس, كورشىلەس وزبەكستان, قىرعىزستان, تاجىكستان ەلدەرىنىڭ ازاماتتارى قاتىسا الادى. ءبىزدىڭ ماقساتىمىز – ونەرلى ادامداردى بۇكىل ورتالىق ازيا مەملەكەتتەرىنە تانىتۋ», دەدى رينات كەرتاەۆ.
اتالعان تالانتتار شوۋى 5 كەزەڭنەن تۇرادى. قاتىسۋشىلار ىرىكتەۋ, اشىق تىڭدالىم, شيرەك فينال, جارتىلاي فينال جانە اقتىق فينال دەگەن سىندى كەزەڭدەردە باق سىنايدى. ءبىرىنشى كەزەڭدە قاتىسۋشىلاردىڭ وتىنىشتەرى قابىلدانىپ, ءتورت ەلدە ىرىكتەۋ كەزەڭى وتەدى. جوبانىڭ باس جەڭىمپازىنان بولەك, ءتورت ەلدەن جەڭىمپاز انىقتالىپ, اقشالاي سىيلىققا يە بولادى. جوبانىڭ باس جەڭىمپازىنا 10 ملن تەڭگە كولەمىندە جۇلدە تاعايىندالعان, ودان بولەك ءتورت ەلدىڭ جەڭىمپازىنا 3 ملن تەڭگەدەن سىياقى بەرىلەدى. تالانتتار شوۋى ءتورت ەلدە «حابار», «Zoʻr TV», «كترك», «تۆ سافينا» تەلەارنالارىنان كورسەتىلەدى.
«Central Asia’s Got Talent» شوۋىنا كەز كەلگەن ونەرلى ادام قاتىسا الادى. ءبىز بۇل رەتتە قاتىسۋشىلاردىڭ قىزمەتى, جاسى, ءبىلىمى دەگەن سىندى ەرەكشەلىكتەرىنە قارامايمىز. ولار بار بولعانى قازىلار القاسىن تاڭقالدىرىپ, كورەرمەن كوزايىمىنا اينالسا بولعانى», دەدى وزبەكستان رەسپۋبليكاسىنىڭ «Zoʻr TV» تەلەارناسىنىڭ پروديۋسەرى تيمۋر اليەۆ.
جيىن سوڭىندا قازاقستان, وزبەكستان, قىرعىزستان جانە تاجىكستان ەلدەرىنىڭ وكىلدەرى ءوزارا ارىپتەستىك بايلانىس ورناتۋ جايلى مەموراندۋمعا قول قويدى. بۇدان سوڭ, ولار ارنايى التىن تەتىكتى باسىپ, جوبانىڭ العاشقى ىرىكتەۋ كەزەڭى باستالعانىن مالىمدەدى. جوبانىڭ تۇساۋكەسەرى قىركۇيەك ايىندا وتەدى. ال گراند فينال 2019 جىلدىڭ جەلتوقسان ايىندا بولادى دەپ كۇتىلۋدە.
