اۋىل شارۋاشىلىعى ۆيتسە-ءمينيسترىنىڭ ايتۋىنشا, قازاقستان نەگىزگى ازىق-ت ۇلىك ونىمدەرى بويىنشا ىشكى قاجەتتىلىكتەرىن تولىق وتەيدى. ەندى ءوندىرىستى ۇلعايتۋ جانە شەتەلدىك وتكىزۋ نارىقتارىنا شىعۋ مىندەتى تۇر.
«ءبىز ءوزىمىز ءۇشىن جەتكىلىكتى ءونىم شىعارامىز, ال ءوندىرىس كولەمىن ۇلعايتۋ ءۇشىن بىزگە باسقا ەلدەردىڭ نارىقتارىنا شىعۋ كەرەك», — دەدى ول.
الايدا, يمپورتقا تاۋەلدىلىك ماسەلەسى بىرنەشە ءونىم ءتۇرى بويىنشا وزەكتى بولىپ وتىر. اتاپ ايتقاندا, ول قۇس ەتى, كەيبىر جەمىس تۇرلەرى, بالىق جانە ت. ب.
«قازىر ءبىز برويلەرلىك باعىتتاعى قۇس فابريكالارىن بەلسەنە نەسيەلەندىرىپ, سالىپ جاتىرمىز, بۇل قۇس ەتى ءوندىرىسىنىڭ كولەمىن ارتتىرۋ ءۇشىن جاسالۋدا. سونىمەن قاتار جەمىستەر, ناقتى ايتقاندا, المالار مەن المۇرتتار ءوندىرىسىن دامىتۋ, تەڭىز, مۇحيت بالىعى يمپورتى باعدارلاماسى بار, سەبەبى قازاقستان تەك وزەن بالىعى مەن اكۆاكۋلتۋرانى شىعارادى», — دەدى گ. يساەۆا.
قازىرگى كەزدە ۆەدومستۆو وتاندىق ءوندىرىستىڭ دامۋىنا ىقپال ەتەتىن ەكى جول كارتاسىن ازىرلەدى.
«بۇل ورگانيكالىق ونىمدەردى دامىتۋدىڭ جول كارتاسى, وندا ءبىز باسقا مەملەكەتتىك ورگاندارمەن بىرلەسىپ شەشىلۋى ءتيىس ماسەلەلەردى قويامىز. مىسالى, يندۋستريا جانە ينفراقۇرىلىمدىق دامۋ مينيسترلىگىمەن بىرلەسىپ ءبىز ورگانيكالىق ءونىم ماسەلەلەرى بويىنشا اككرەديتتەۋ جانە سەرتيفيكاتتاۋ ماسەلەلەرىن شەشۋگە ءتيىسپىز, اقپارات جانە قوعامدىق دامۋ مينيسترلىگىمەن بىرلەسىپ حالال ونىمدەرى ماسەلەسىن شەشەتىن بولامىز. مىسالى, ءبىز مۇسىلمان ەلدەرىنە ەكسپورت كولەمىن ارتتىرۋ مىندەتىن قويىپ وتىرمىز», — دەدى اۋىل شارۋاشىلىعى ۆيتسە-ءمينيسترى.
بۇل ورايدا گ. يساەۆا اتاپ وتكەندەي, مۇسىلمان نارىقتارىنا ەكسپورت ونىمدەردىڭ ءار پارتياسىن «حالال» تالاپتارىنا سايكەستىگىنە سەرتيفيكاتتاۋ جۇرگىزىلگەن جاعدايدا عانا مۇمكىن بولادى. بۇل نارىقتىڭ ەرەكشەلىكتەرىن ەسكەرۋ قاجەت, ويتكەنى قازاقستاندىق كاسىپورىنداردىڭ باسىم بولىگى مالايزيالىق «حالال» ستاندارتىنىڭ سەرتيفيكاتتارىنا يە. بۇگىنگى تاڭدا ءتۇرلى ەلدەردە ستاندارتتاردىڭ ءتۇرلى تالاپتارى بار, وسى جول كارتاسى بارلىق سايكەسسىزدىكتەردى ەسكەرۋگە مۇمكىندىك بەرەدى.
«ءباا نارىعىندا وزدەرىنىڭ ستاندارت تالاپتارى بار ەكەنىن بىلەمىز, سوندىقتان دا جول كارتاسى بارلىق جاعدايدى كورسەتىپ تۇرادى. ونى ىسكە اسىرۋ جانە كارتا اياسىندا فەرمەرلەرگە جوسپارلانعان كومەك بىزگە ەكسپورت كولەمىن ۇلعايتىپ, ەڭ باستىسى, فەرمەرلەرگە ءوز ونىمدەرىن پرەميۋم ساناتىنىڭ ءونىمى رەتىندە جوعارى باعاعا ساتۋعا جول اشادى دەپ ويلايمىن», — دەپ تۇيىندەدى گ. يساەۆا.
