قوعام • 03 ءساۋىر، 2019

كوكتەمگى ۇبت قورىتىندىسى جاريالاندى

355 رەت كورسەتىلدى

ەلىمىز بويىنشا 27-29 ناۋرىز ارالىعىندا «كوكتەمگى» ۇبت وتكەنى بەلگىلى. تەستىلەۋگە قاتىسقان 78 133 تالاپكەردىڭ 61 367 (78،5 پايىز) قازاق تىلىندە، 16 515 (21،1 پايىز) ورىس تىلىندە جانە 251 اعىلشىن تىلىندە تاپسىردى. شەكتىك دەڭگەيدەن وتكەندەر  – 58 317 (74،6 پايىز)، شەكتىك دەڭگەيدەن وتە الماعاندار - 19 816 (25،4 پايىز). «كوكتەمگى» ۇبت-نىڭ ەڭ جوعارى بالى – 138. ۇبت ناتيجەلەرىنە سايكەس بەس ءپان بويىنشا ورتاشا بالل 70،5 بالدى قۇرادى. قر ءبىلىم جانە عىلىم مينيسترلىگىنىڭ مالىمەتتەرى بويىنشا، تالاپكەرلەر ۇبت-نى قاڭتار، ناۋرىز، تامىز ايلارىندا تاپسىرۋ مۇمكىندىگى بار. جوعارى وقۋ ورىندارىنىڭ اقىلى بولىمىنە باراتىن تالاپكەرگە جىلىنا 4 رەت وتكىزىلەتىن ۇبت-دان شەكتى بالل جيناۋ جەتكىلىكتى. ال، مەملەكەتتىك ءبىلىم بەرۋ گرانتتارىن تاعايىنداۋ بويىنشا وتەتىن كونكۋرسقا قاتىسۋ ءۇشىن مىندەتتى تۇردە ماۋسىم ايىندا وتەتىن ۇلتتىق بىرىڭعاي تەستىلەۋگە قاتىسۋ قاجەت.

تەستىلەۋگە قاتىسقان 14 مۇمكىندىگى شەكتەۋلى جاندار ءۇشىن مەملەكەتتىك كوميسسيا شەشىمىمەن جەكە اۋديتوريالار جانە ارنايى كومەكشىلەر ءبولىندى.

ۇبت قاتىسۋشىلارىنىڭ 30،3 پايىزى، ياعني 23 691 تالاپكەر «ماتەماتيكا-فيزيكا» بەيىندىك پاندەر باعىتىن تاڭداسا، 15 596-ءى (20،0 پايىزى) «حيميا-بيولوگيانى» تاڭداعان. ال، ەڭ از تاڭدالعان پاندەر قاتارىندا «حيميا-فيزيكا» - 225.

ۇبت قورىتىندىسى بويىنشا رەسپۋبليكالىق اپەللياتسيالىق كوميسسياعا تەستىلەۋدىڭ مازمۇنى بويىنشا كەلىپ تۇسكەن وتىنىشتەردىڭ بىردە-ءبىرى قاناعاتتاندىرىلعان جوق.

2019 جىلعى ۇبت فورماتى ەش وزگەرىسسىز قالادى. وقۋعا ءتۇسۋشى تالاپكەرلەر ءداستۇرلى تۇردە 3 مىندەتتى ءپان (قازاقستان تاريحى، ماتەماتيكالىق ساۋاتتىلىق، وقۋ ساۋاتتىلىعى) جانە 2 بەيىندىك ءپان بويىنشا تەستىلەۋدەن وتەدى.


الماتى

 

سوڭعى جاڭالىقتار

تاعى 1650 قازاقستاندىق ىندەت جۇقتىردى

كوروناۆيرۋس • بۇگىن، 09:00

ۇقساس جاڭالىقتار