جالپى, قازاقستان $3,2 ملرد سوماسىنا اوك ونىمدەرىن ەكسپورتتاعان, بۇل 2018 جىلعا ارنالعان اوك مەملەكەتتىك باعدارلاماسىنىڭ ماقساتتى ينديكاتورىنان 23%-عا ارتىق جانە 2017 جىلعى كورسەتكىشتەن 26%-عا جوعارى.
اوك ونىمدەرىنىڭ ەكسپورتى بويىنشا مەملەكەتتىك باعدارلامانىڭ جوسپارلى كورسەتكىشتەرى اتىراۋ, شىعىس قازاقستان, سولتۇستىك قازاقستان, باتىس قازاقستان, اقتوبە وبلىستارى جانە نۇر-سۇلتان قالاسىنىڭ ەكسپورتى كولەمى ەسەبىنەن اسىرا ورىندالدى.
وڭدەلگەن اۋىل شارۋاشىلىعى ءونىمىنىڭ ەكسپورتى
وڭدەلگەن ءونىم ەكسپورتىنىڭ ۇلەسى 37% ($1,1 ملرد) قۇرادى.
«اۋىل شارۋاشىلىعى مينيسترلىگىنىڭ جوبالىق كەڭسەسى اياسىندا مۇنداي جۇمىس العاش رەت وتكىزىلدى جانە ءبىز العاش رەت اوك ونىمدەرى ەكسپورتىنىڭ قورىتىندىسىن تولىققاندى تالقىلاپ وتىرمىز, ءاربىر پوزيتسيا بويىنشا ءار ءوڭىردىڭ ۇلەسىن دە بىلەمىز, قانداي ءوڭىر قاي ەلگە قانداي ءونىمدى ەكسپورتتايتىنىن دا ءدال ايتا الامىز. مەن بۇل وتە ماڭىزدى دەپ سانايمىن, سەبەبى بۇل جەرگىلىكتى اتقارۋشى ورگاندار ءۇشىن جالپى اوك ونىمدەرىنىڭ ەكسپورتىن ارتتىرۋ ماسەلەلەرىندە دە, اۋىل شارۋاشىلىعى ونىمدەرىن وڭدەۋ كولەمىن ارتتىرۋدا دا ءوز جۇمىستارىن جانداندىرۋدا باعدار بولادى جانە وسىلايشا ولار قر تۇڭعىش پرەزيدەنتى – ەلباسى وڭدەلگەن ءونىم ەكسپورتىن ارتتىرۋ بويىنشا قويعان مىندەتتى ورىنداي الادى», — دەدى گ. يساەۆا.
وڭدەلگەن اۋىل شارۋاشىلىعى ءونىمىنىڭ ەكسپورتى بويىنشا كوش باسىندا (اقشالىق مانىندە) قوستاناي, تۇركىستان وبلىستارى جانە شىمكەنت پەن الماتى قالالارى تۇر.
«بۇل ءۇش وبلىستىڭ ۇلەسى وڭدەلگەن ءونىم ەكسپورتى كولەمىنەن 64% قۇرادى. ارينە, باسقا وبلىستارعا دا وڭدەلگەن ءونىم ەكسپورتىندا ءوز ۇلەستەرى مەن ناقتى مانىندە دە, اقشالاي مانىندە دە ناقتى سانداردى ۇلعايتۋ ءۇشىن وڭدەۋ سالاسىن بەلسەنە دامىتۋ قاجەت», — دەدى ۆيتسە-مينيستر.
ەت ەكسپورتى
ۆيتسە-مينيستر گ. يساەۆا ەت ەكسپورتىنا جەكە توقتالدى. ماسەلەن, 2018 جىلدىڭ قورىتىندىسى بويىنشا قازاقستان الەمنىڭ 11 ەلىنە 33 مىڭ توننا ەت ەكسپورتتادى.
سيىر ەتى ەكسپورتىنىڭ كولەمى بەرىلگەن ۆەتەرينارلىق سەرتيفيكاتتار نەگىزىندە 19,95 مىڭ توننانى قۇرادى (سالىستىرۋ ءۇشىن 2017 جىلى – 5,5 مىڭ توننا). سيىر ەتى ەكسپورتى بويىنشا كوشباسشى وڭىرلەر — تۇركىستان (5000 ت), اقتوبە جانە الماتى وبلىسى (4000 توننادان). سيىر ەتىن نەگىزگى ەكسپورتتاۋشىلار — 20 قازاقستاندىق كاسىپورىن. ەكسپورتتاۋشى كاسىپورىنداردىڭ وڭىردەگى ۇساق جانە ورتاشا فەرمەرلىك شارۋاشىلىقتارمەن بىرگە زاكىرلى كووپەراتسيادا جۇمىس ىستەۋى ماڭىزدى. ەتتى مال شارۋاشىلىعىنا بارلىعى 19 مىڭنان اسا فەرمەرلىك شارۋاشىلىق تارتىلعان.
سونىمەن قاتار , گ. يساەۆا اوك سالاسىنداعى قازاقستاندىق كاسىپورىنداردىڭ شەت ەلدەردىڭ تىزىلىمىنە ەنۋى تۋرالى ايتىپ بەردى.
دسۇ حالىقارالىق ساۋدا, يمپورتتاۋشى ەلدەر ەرەجەلەرىنە سايكەس, مال شارۋاشىلىعى ونىمدەرى مەن ازىعىنىڭ ەكسپورتىن ۆەتەرينارلىق قىزمەت كەپىلدىگى مەن ينسپەكتسياسى قورىتىندىسى بويىنشا تىزىلىمگە ەنگەن كاسىپورىندار عانا جۇرگىزە الادى.
بيىلعى 1 ساۋىردەگى جاعداي بويىنشا ءۇشىنشى ەلدەر مەن ەاەو تىزىلىمىندە مال شارۋاشىلىعى ونىمدەرىن ءوندىرۋ جانە قايتا وڭدەۋ بويىنشا قازاقستاندىق 2018 كاسىپورىن ەنگىزىلگەن. سونىمەن قاتار جەكەلەگەن ەلدەر (مىسالى قحر) وسىمدىك شارۋاشىلىعى ونىمدەرىنىڭ يمپورتىندا ەكسپورتتاۋشى ەلدىڭ كارانتيندىك قىزمەتىنىڭ كەپىلدىگىن نەمەسە ينسپەكتسيا جۇرگىزۋدى تالاپ ەتەدى.
وسىمدىك شارۋاشىلىعى ونىمدەرىنىڭ ەكسپورتى
2019 جىلدىڭ 3 ايىنداعى جۇمىس قورىتىندىلارىن شىعارا وتىرىپ, گ. يساەۆا 7,7 مىڭ توننا ەت, 3,4 ملن توننا وسىمدىك شارۋاشىلىعى ونىمدەرى ەكسپورتتالعانىن حابارلادى.
وسىمدىك شارۋاشىلىعى ونىمدەرىن وندىرەتىن جانە وڭدەيتىن 539 قازاقستاندىق كاسىپورىن قحر مەن ەاەو تىزىلىمىنە ەنگەن.
