ايماقتار • 03 ءساۋىر، 2019

پاۆلودار وبلىسىندا كادرلىق ءىس جۇرگىزۋ تولىعىمەن اۆتوماتتاندىرىلادى

370 رەت كورسەتىلدى

وبلىستىق اكىمدىكتە ەكونوميكالىق ىنتىماقتاستىق جانە دامۋ ۇيىمى ۇلگىسى بويىنشا كادرلىق ءىس جۇرگىزۋ ءىسىن اۆتوماتتاندىرۋدىڭ پيلوتتىق جوباسىنىڭ تۇساۋكەسەرى ءوتتى. بۇل تۋرالى pavlodar.gov.kz حابارلادى.

بۇكىل الەمدە «ورتاق قىزمەت كورسەتۋ ورتالىعى» دەگەن اتقا يە اۆتوماتتاندىرىلعان جۇيە قازىرگى كەزدە ەلىمىزدە اتىراۋ، ماڭعىستاۋ جانە شىعىس قازاقستان وبلىسىندا پيلوتتىق رەجيمدە جۇزەگە اسىرىلۋدا. وتىرىس بارىسىندا انىق بولعانداي، بۇل جوباعا پاۆلودار وبلىسى دا قوسىلعالى تۇر. وسىعان وراي، وبلىس اكىمى اپپاراتىنىڭ باسشىسى اعىباي ءاميرين ءمالىم ەتكەندەي، 2019 جىلدىڭ 1 شىلدەسىنەن باستاپ وڭىرىمىزدەگى كادرلىق ءىس جۇرگىزۋ تولىعىمەن تسيفرلىق فورماتقا كوشىرىلمەك. 

  – اكىمشىلىك رەفورمانى ءارى قاراي جۇرگىزۋ اياسىندا كادرلىق ءىس جۇرگىزۋدى اۆتوماتتاندىرۋ بويىنشا جۇمىستار اتقارىلۋدا، – دەيدى اعىباي ءاميرين. – بۇكىل الەمدە «ورتاق قىزمەت كورسەتۋ ورتالىعى» دەگەن اتقا يە اۆتوماتتاندىرىلعان جۇيە قازىرگى كەزدە ەلىمىزدە اتىراۋ، ماڭعىستاۋ جانە شىعىس قازاقستان وبلىسىندا پيلوتتىق رەجيمدە جۇزەگە اسىرىلۋدا. ءبىزدىڭ ۇسىنىسىمىز بويىنشا بۇل جوباعا پاۆلودار وبلىسى دا قوسىلدى.

اعىباي ءاميريننىڭ ايتۋىنشا، اتالعان كۇننەن باستاپ قاعاز جۇزىندە بولعان بارلىق بۇيرىقتار، وتىنىشتەر مەن قىزمەتتىك جازبالاردىڭ بارلىعى تەك ەلەكتروندىق نۇسقادا تولتىرىلادى.  وسىعان بايلانىستى «مەملەكەتتىك قىزمەتتىڭ پەرسونالىن باسقارۋ ۇلتتىق ورتالىعى» اق باس ديرەكتورى ءبانۋ نۇرعازيەۆا باستاعان جۇمىس توبى وڭىرىمىزگە ارنايى كەلىپ ءتۇسىندىرۋ جۇمىستارىن جۇرگىزۋگە كىرىستى.


توپ مۇشەسى باۋىرجان ءداۋىتوۆ اقپارات بەرگەندەي، «ورتاق قىزمەت كورسەتۋ ورتالىعىن» ەنگىزۋ ارقىلى قاراجاتتى ۇنەمدەۋگە جانە مەملەكەتتىك قىزمەتشىلەردىڭ جالاقىسىن وسىرۋگە جول اشادى. – مۇنداي جۇيەنى ەنگىزگەن نيدەرلاندتا 400 قىزمەتكەر 12 مينيسترلىكتىڭ جۇمىسىن جۇرگىزەدى، – دەيدى باۋىرجان ءداۋىتوۆ. – قازاقستاندا بولسا 97 988 مەملەكەتتىك قىزمەتشىنىڭ ىشىندە 4500 كادرلىق قىزمەتكەر بار. ورتاشا ەسەپپەن ءبىر كادرلىق قىزمەتشى 22-30 ادامعا قىزمەت كورسەتەدى. جاڭا جۇيەنى ەنگىزۋ ارقىلى ءبىر مامان 1000 ادامعا قىزمەت كورسەتە الاتىن بولادى.



سوڭعى جاڭالىقتار

ۇقساس جاڭالىقتار