اتىراۋدا اتاۋلى الەۋمەتتىك كومەكتىڭ جاڭا فورماتىنا تۇرعىنداردان قۇجاتتار قابىلداۋ باستالدى.
قالالىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار ءبولىمىنىڭ باسشىسى نۇرلى حابيەۆانىڭ ايتۋىنشا, 1 ساۋىردە 500-گە جۋىق ادام ااك-كە ءوتىنىش ءبىلدىردى.
- اتىراۋ قالاسىنداعى ااك-ءى جاڭا فورماتتا الۋ ءۇشىن قۇجاتتاردى قابىلداۋ ءتورت نۇكتەدە - قالالىق جۇمىسپەن قامتۋ ورتالىعى مەن حالىققا قىزمەت كورسەتۋدىڭ ءۇش ورتالىعىندا جۇرگىزىلەدى. وندا تۇرعىندار قاجەتتى قۇجاتتار ءتىزىمى مەن كومەك الۋ ءۇشىن قاجەتتى جاعدايلار تۋرالى مامانداردىڭ بارلىق كەڭەستەرىن الادى. سول جەردە قۇجاتتار قابىلدانادى. تۇتاستاي العاندا, قالاداعى قۇجاتتاردى قابىلداۋ قالىپتى رەجيمدە,- دەيدى قالالىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار ءبولىمىنىڭ باسشىسى نۇرلى حابيەۆا.
قۇجاتتاردى قابىلداۋدىڭ العاشقى كۇنى ااك-ءتى الۋ ءۇشىن ءتيىستى ورگاندارعا 474 ادام ءوتىنىش ءبىلدىرىپ, ولاردىڭ 50-ءى قاراۋعا قابىلداندى.
ايتا كەتەيىك, قازاقستان رەسپۋبليكاسى پرەزيدەنتىنىڭ 1 ساۋىردەگى توراعالىعىنداعى بەكىتىلگەن ااك مولشەرى 50% -دان 70% -عا دەيىن ۇلعايتىلدى, بۇل كەم دەگەندە 20 789 تەڭگەنى قۇرايدى. ناتيجەسىندە, تولەنگەن جاردەماقىلاردىڭ سانى 571,6 مىڭ ادامنان 830 مىڭ ادامعا دەيىن ەسەپتى قۇرايدى.
سونىمەن قاتار, ەگەر ءاربىر وتباسى مۇشەسىنىڭ ورتاشا مولشەرى بۇرىن 4 834 تەڭگەنى قۇراسا, وندا ساۋىردەن باستاپ ءاربىر بالاعا 20 789 تەڭگە تولەنەدى.
