وعان تيىسپەي, بالتانىڭ ءجۇزى ەمەس, ايالىق الاقان جايىلا بىلسە, بۇل تالدار مەن تەرەكتەر ءالى دە تالايدى تامساندىرارى تالاسسىز. ايتسە دە بيىل سۋ تاسقىنىنىڭ الدىن الۋ جانە ودان قورعانۋ جۇمىستارىن ۇيىمداستىرۋ دەەن جەلەۋمەن ەلەك پەن قارعالى وزەندەرىنىڭ جاعالاۋىنداعى تالداردى جاپپاي كەسۋ كورىنىستەرى ورىن الدى. بۇعان قالايشا قىنجىلماسقا؟ بۇل جاعىمسىز جايت تۇرعىنداردىڭ ورىندى وكپە-رەنىشتەرى مەن نارازىلىعىن تۋعىزدى. ويتكەنى تالى قىرقىلعان وزەن اينالاسى ايانىشتى كۇيگە تۇسپەي مە؟ ارينە بۇل ءۇشىن بار كىنانى وزەندەردىڭ تابانىن تازارتۋ جۇمىستارىن جۇرگىزگەن «سپەتسستروي» جشس مەن «پاۆلودار وزەن پورتى» اق-نىڭ جەتەكشىلەرى مەن ماماندارىنا ارتۋعا دا بولماس. سەبەبى ولارعا و باستا بەرىلگەن تاپسىرما اياسىندا تالداردى كەسۋگە دە نۇسقاۋ بەرىلگەن سىڭايلى. ايتالىق اقتوبە وبلىسى اكىمىنىڭ ورىنباسارى ماۆر ءابدۋلليننىڭ ايتۋىنشا وزەننىڭ ورتاسى مەن ودان بەرگى تۇستارىندا سۋدىڭ اعىسىنا كەدەرگى كەلتىرەتىن قامىس, شي, بۇتا سەكىلدى وسىمدىكتەردى تازارتۋعا بولادى. ياعني كوكتەمگى كەزەڭدە وزەن ورتاسىندا ەشتەڭە بولماۋعا ءتيىس. ال جاعالاۋداعى اعاشتار وزەن سۋىنا پايداسىن تيگىزبەسە, كەدەرگىسىن كەلتىرمەيدى. بۇل –تابيعاتتىڭ باعا جەتپەس شەكسىز سىيى. اتالعان كومپانيالار ماسەلەنىڭ وسى جاعىن ەسكەرمەگەن. ونىڭ بۇل ويلى وي-پىكىرىن قۇپتاۋعا دا, قولداۋعا دا لايىقتى دەپ بىلەمىز.
سونداي-اق «مەدالدىڭ ەكى جاعى بار» دەگەندەي وزەندەردىڭ جاعالاۋىن كەڭەيتۋ كەزىندە تالداردى ەرىكسىز كەسۋگە تۋرا كەلەتىن جاعدايلار دا ۇشىراسىپ تۇراتىنى –تابيعي ءجايت. مىسالى قازىرگى كەزدە وڭىردە ۇلكەندى-كىشىلى 8 وزەننىڭ جاعاسىن كەڭەيتۋ كوزدەلگەن. بۇل ءتىزىمنىڭ ۇشار باسىندا قارعالى وزەنى تۇر. ونىڭ كەڭەيتۋ اۋماعى 100 مەتردى قۇرايدى. اتالعان جوبانى الماتىلىق «ANTARES PLATINUM» كومپانياسى قولعا الىپتى. اتالعان كومپانيانىڭ وڭىردەگى وكىلى دميتري پەتراكوۆتىڭ ايتۋىنشا جوبا بويىنشا 600 تەكشە مەتر تال كەسۋ جوسپارلانىپتى. الايدا ءوزارا اڭگىمە اراسىندا ونىڭ قازىرگى كۇنى قانشا تال كەسىلگەنىن انىق بىلمەيتىنى دە اڭعارىلىپ قالدى. مۇنداي جاعدايدا ورمان قورى اۋماعىنا قارايتىن تال-تەرەكتەرگە ورىنسىز نۇقسان كەلۋى دە ابدەن مۇمكىن. «توقال ەشكى ساقال سۇرايمىن دەپ, مۇيىزىنەن ايىرىلىپتى» وسىندايدا ايتسا كەرەك.
البەتتە بۇگىنگى اڭگىمەمىزدىڭ باستى ارقاۋى جوعارىدا ايتىلعانداي سۋ تاسقىنىنان قورعاۋ دەگەن ساقتىق شارالارىن العا تارتىپ, ەلەك پەن قارعالى وزەندەرىنىڭ جاعالاۋىنداعى تال-تەرەكتەردىڭ ورىنسىز قىرقىلۋىنان تۋىنداعانى بەلگىلى. ءسوز سوڭىندا بۇل كەلەڭسىز كورىنىسكە اقتوبە وبلىسىنىڭ اكىمى وڭداسىن ءورازاليننىڭ نۇسقاۋىنا سايكەس تيىم سالىنعانىن ايتقىمىز كەلەدى. وسىلايشا قازىرگى كۇنى ەلەك پەن قارعالى وزەندەرى جاعاسىنداعى تالداردى كەسۋ توقتاتىلدى. ارينە بۇل دۇرىس, وڭ شەشىم ەكەنى انىق. ايتسە دە مۇنداي ارەكەتكە و باستا جول بەرىلمەگەن جاعدايدا پايدامىز بەن ۇپايىمىز بۇدان دا جوعارى بولار ەدى اۋ دەگەن وي قالدى كوكەيدە.
اقتوبە
