ءۇشىنشى مەگاپوليستەگى اۋتيزم دياگنوزى قويىلعان بالالاردى قولداۋ ماقساتىندا ۇيىمداستىرىلعان قايىرىمدىلىق شاراسى شەرۋمەن باستالدى.
30-عا جۋىق بالعىن ەكى قاباتتى اۆتوبۋسىنا ءمىنىپ, قالانىڭ ورتالىق كوشەلەرىمەن سەرۋەندەدى. ءال-فارابي الاڭىنان باستالىپ, تۇركىستان كوشەسى, قوناەۆ جانە بايدىبەك بي داڭعىلدارىنىڭ بويىمەن ناۋرىز الاڭىنا دەيىن جۇرگەن ەرەكشە شەرۋدى بايكەر كوشى باستاپ ءجۇردى.
بالالار وتىرعان «Red bus» اۆتوبۋسى شىمكەنت كوشەلەرىمەن سالتاناتتى ساپ ءتۇزىپ, بەيبىت كۇن بەلگىسىن پاش ەتتى. اكتسيا «پانوراما» مەيرامحاناسىندا جالعاستى. وندا اۋتيزم دياگنوزى قويىلعان بالعىندار مەن اتا-انالارى اق كوگەرشىندەردى كوككە ۇشىرىپ, كونتسەرتتىك باعدارلامانى تاماشالادى.
