ەستەرىڭىزدە بولسا, ەۋرازيالىق ەكونوميكالىق وداققا مۇشە مەملەكەتتەر مەن يران يسلام رەسپۋبليكاسى اراسىنداعى ەركىن ساۋدا ايماعىن قۇرۋعا الىپ كەلەتىن ۋاقىتشا كەلىسىمگە 2018 جىلدىڭ 17 مامىرىندا استانا قالاسىندا قول قويىلدى.
بۇل رەتتە يرانمەن ەركىن ساۋدا ايماعىن قۇرۋ باستاماسىن مەملەكەت باسشىسى 2014 جىلى كاسپي ماڭى مەملەكەتتەرى باسشىلارىنىڭ سامميتىندە ۇسىندى. بۇل كەلىسىمدى ىسكە اسىرۋ وتاندىق تاۋارلاردى 80 ملن-نان استام حالقى بار يراننىڭ پەرسپەكتيۆالى نارىعىنا شىعارۋ ارقىلى ولاردىڭ ەكسپورتىن ۇلعايتۋعا مۇمكىندىك بەرەدى.
ونىڭ دەرەگىنە سۇيەنسەك, قازاقستان مەن يراننىڭ ء وزارا ساۋدا كولەمى 2018 جىلى 516,3 ملن اقش دوللارىنا جەتتى. ونىڭ ىشىندە يرانعا ەكسپورت 426,7 ملن, يمپورت 89,5 ملن دوللاردى قۇرادى. قازاقستاننىڭ نەگىزگى تاۋارلارىنىڭ ىشىندە ارپا 272 ملن, بولات يلەك 87 ملن, راپس تۇقىمى 17 ملن جانە قوي ەتى 11,6 ملن دوللارعا جەتكىزىلدى.
ال,
سەنات قاراۋىنا تۇسكەن بۇل كەلىسىمگە سايكەس يران تاراپى 864, ونىڭ ىشىندە
262 اۋىل شارۋاشىلىعى, 602 ونەركاسىپتىك تاۋارعا قاتىستى يمپورتتىق باج
ستاۆكالارىن تومەندەتەدى. يران نارىعىنا سيىر جانە قوي ەتتى جەتكىزۋ ستاۆكاسى
26-دان 5-10, بۇرشاق داقىلدارى 55-تەن 5-10, وسىمدىك مايىن 20-دان 10, ماكارون
جانە كونديتەرلىك ونىمدەردى 55-تەن 14-20, بولات يلەك 20-دان 15, رەلستەر 5-تەن 4
پايىزعا دەيىن تومەندەتۋ جەڭىلدەتىلگەن تاريفتەرمەن جەتكىزۋگە مۇمكىندىك تۋادى.
«بۇل تاۋارلار بۇگىنگى كۇنى قازاقستاننىڭ يرانعا ەكسپورتىنىڭ 292 ملن دوللارىن
نەمەسە 54 پايىزدان استامىن الىپ وتىر. ەاەو-عا مۇشە ەلدەر 502, ونىڭ ىشىندە 126
اۋىل شارۋاشىلىعى, 376 ونەركاسىپتىك تاۋار بويىنشا يمپورتتىق باج ستاۆكالارىن
تومەندەتتى», دەدى سەرىك جۇمانعارين.
