ايماقتار • 03 ءساۋىر، 2019

وبلىس اكىمى اقتوبەلىكتەردى كوكتەمگى تازالىق جۇمىستارىنا بەلسەندى اتسالىسۋعا شاقىردى

406 رەت كورسەتىلدى

اقتوبە وبلىسىنىڭ اكىمى وڭداسىن ورازالين جاۋاپتى مەملەكەتتىك مەكەمەلەردىڭ جانە قالا، اۋدان باسشىلارىمەن سەلەكتورلىق رەجيمدە كوكتەم مەزگىلىندە جۇرگىزىلەتىن كوگالداندىرۋ، اباتتاندىرۋ، تازالىق جۇمىستارىنىڭ جۇرگىزىلۋ بارىسى جايلى جيىن وتكىزدى. بۇل تۋرالى اقتوبە وبلىسى اكىمدىگىنىڭ ءباسپاسوز قىزمەتى.

جيىن بارىسىندا تابيعي رەسۋرتار جانە تابيعاتتى  پايدالانۋ  رەتتەۋ باسقارماسىنىڭ باسشىسى نۇرجان اققۇل بايانداما جاساپ،جىل سايىن  تال-تەرەكتەر وتىرعىزىلعانمەن ونى كۇتىپ-باپتاۋ ۇمىتىلىپ كەتەتىنىن  اتاپ ءوتتى. سوندىقتان اۋدان اكىمدەرىنە كوشەتتەردى ارنايى  كۇتىپ-باپتاۋ  ءۇشىن  قاراجات ءبولۋ كەرەكتىگى  ۇسىنىلدى.

جىل سايىن ءداستۇرلى تۇردە جۇرەتىن  كوگالداندىرۋ، تازالىق  جۇمىسى بيىل دا ءوز جالعاسىن تابادى. وتكەن جىلدىڭ كۇزىندە اقتوبە ايماعىندا 56 مىڭنان استام ءتۇپ كوشەت وتىرعىزىلسا، اعىمداعى جىلى وبلىس اۋماعىنا اعاش جانە بۇتا كوشەتتەرى تۇرلەرىنىڭ ء68511تۇبىن وتىرعىزىلۋ جوسپارلانىپ وتىر. سونداي-اق، القالى جيىندا كوكتەمگى تازالىق جۇمىستارى كەزىندە رەتسىز  قالدىقتاردان ارىلۋ  جۇمىستارىن كۇشەيتۋ ماسەلەسى دە قارالدى. اقتوبەدەگى استانا جانە الماتى  اۋداندارىندا رەتسىز قالدىقتار جينالعان 375 ورىن بار. اۋدانداردا دا وسىنداي كەمشىلىكتەر كەزدەسەدى.

وبلىس اكىمى  وڭداسىن ورازالين  قالا جانە اۋدان اكىمدەرىنە  تۇرعىندار اراسىندا كۇل-قوقىستى شاشپاۋ جايلى تۇسىندىرمە جۇمىستارىن ءجيى جۇرگىزۋدى، قوعامدىق پىكىر قالىپتاستىرۋ بويىنشا جۇمىستار اتقارۋدى تاپسىردى. سونىمەن قاتار، زاڭ اياسىندا ايىپپۇل سالۋ ارقىلى دا تىيۋ جولداردىن  قاراۋدى ۇسىندى. سونداي-اق، وبلىس  اكىمى سانيتارلىق تازالىققا قاتىستى الەۋمەتتىك جەلىلەردە پايدا بولعان ۆيدەولاردى جۇكتەگەن تۇرعىندارعا العىسىن ءبىلدىردى. سەبەبى، مۇنداي ۆيدەولار ماسەلەنىڭ تەز شەشىلۋىنە  كومەكتەسەدى.

ايماق باسشىسى  حالىقتى  ىنتالاندىرۋ  ماقساتىنداعى  «ۇزدىك اۋلا»، «ۇزدىك  كوشە»  اكتسيالارىن ۇيىمداستىرۋدى  تاپسىردى.

سوڭعى جاڭالىقتار

ۇقساس جاڭالىقتار