«اردا-اقتاۋ» قوعامدىق بىرلەستىگىنىڭ مۇرىندىق بولۋىمەن وتكەن شاراعا جۇزدەن استام وتباسى قاتىستى. بۇل اكتسيا سوڭعى ءۇش جىلدا وبلىس كولەمىندە ءوتىپ كەلەدى. اكتسيا بارىسىندا دەرتكە شالدىققان بالالاردىڭ اتا-اناسىنا قارجىلاي قولداۋ كورسەتىلەدى. بۇگىن دە وسى ءۇردىس جالعاسىن تاۋىپ, ەرەكشە بالالار ونەر كورسەتتى.
بۇكىل الەمدە اۋتيزم سىرقاتىنا شالدىققان 67 000 000 اسا ادام تۇرسا, الەمدەگى ءار 42-ءشى ەر بالا مەن 189-شى قىز بالا ءاۋتيزمنىڭ سپەكترىندە تۇر. ال رەسمي ەمەس دەرەكتەرگە سۇيەنسەك ماڭعىستاۋ وبلىسىندا ءبىر مىڭنان استام بالا ءتۇرلى دەڭگەيدەگى اۋتيزم دەرتىنە شالدىققان.
-بۇگىنگى شارا قوعامدىق بىرلەستىك پەن اتا-انالار مەن بالالاردىڭ بىرىگىپ جاساعان جۇمىسىنىڭ ناتيجەسى بولىپ تابىلادى. «اۋتيزم» دياگنوزى بار ادامداردىڭ تاعدىرى بىزگە بەي-جاي ەمەس! دامۋ ەرەكشەلىكتەرى, يا بولماسا باسقا فاكتورلارعا قاراماستان, ءبىز ءۇشىن بارلىعى ماڭىزدى. قوعامدىق بىرلەستىك بيىل مىنە ءۇشىنشى جىل ءوزىنىڭ جۇمىسىن جالعاستىرىپ كەلەدى. ماڭعىستاۋ وبلىسى بويىنشا مۇنداي بالا تاربيەلەپ وتىرعاندار وتە كوپ. بۇگىن سولاردىڭ تەك قانا جۇزدەن استامى جينالدى. كەلەشەكتە وسىنداي بالالاردى وڭالتۋعا ارنالعان ءبىر ورتالىق اشىلادى دەپ كۇتىپ وتىرمىز, دەيدى ۇيىمداستىرۋشىلار.
شارانى ۇيىمداستىرۋشىلار كوپشىلىكتى اۋتيزم دەرتىنە شالدىققان جانداردان تەرىس اينالماي, ولاردى قوعامعا بەيىمدەۋدىڭ ماڭىزدىلىعىن ءتۇسىندىردى. اتا-انالارمەن پىكىر الماسىپ, پەرزەنتىمەن بىرگە ويىندار ويناۋعا شاقىردى. ەرىكتى جاستار ازىرلەگەن كوڭىلدى باعدارلاما بالالاردىڭ كوڭىلىن كوتەردى. ءداستۇرلى اكتسيا سوڭى فلەشموبقا ۇلاستى.
ماڭعىستاۋ وبلىسى
