قوعام • 03 ءساۋىر، 2019

پاۆلودارداعى «حالىققا الەۋمەتتىك قىزمەت كورسەتۋ ورتالىعىندا» ماماندار جەتىسپەيدى

327 رەت كورسەتىلدى

قالالىق «حالىققا الەۋمەتتىك قىزمەت كورسەتۋ ورتالىعىنىڭ» قارتتار جانە مۇگەدەكتەرمەن جۇمىس ىستەۋ ءبولىمىنىڭ مالىمەتىنشە، وبلىس ورتالىعىندا تۇراتىن كومەككە مۇقتاج 279 ادامعا الەۋمەتتىك قىزمەتكەرلەر قاجەت.

ءبولىم جالپى 820 ادامعا قىزمەت كورسەتەدى. ولاردىڭ 570-ءى جالعىز باستى قاريالار، ال، 168-ءى مۇمكىندىگى شەكتەۋلى بالالار.

سونداي-اق، ءتۇرلى پسيحولوگيالىق اۋىتقۋعا شالدىققان 84 ادام تىركەلگەن.

الەۋمەتتىك قىزمەتكەرلەر ولارعا پسيحولوگيالىق، ەكونوميكالىق، قۇقىقتىق، مەديتسينالىق، پەداگوگيكالىق جانە ەڭبەكپەن قامتۋ، باسقا دا سەگىز باعىت بويىنشا قىزمەت كورسەتەدى.

الەۋمەتتىك قىزمەتكەرلەر ءوزىنىڭ قاراۋىنداعى ادامنىڭ ۇيىنە اپتاسىنا ەكى رەت بارىپ، بارلىق جاعدايىن جاساپ قايتادى. ءبىر قىزمەتشى  6-8 كومەككە مۇقتاج ادامعا قىزمەت ەتەدى.

ورتالىقتا بارلىعى 113 الەۋمەتتىك قىزمەتكەر بار. ولار بەس جىل سايىن اتتەستاتسيا تاپسىرىپ، ءبىلىم جەتىلدىرۋ كۋرستارىنا قاتىسىپ تۇرادى.

سوڭعى جاڭالىقتار

قازاقستاندا قانشا ادام ۆاكتسينا الدى

كوروناۆيرۋس • بۇگىن، 10:42

ۇقساس جاڭالىقتار