ۇكىمەت • 02 ءساۋىر، 2019

سەنات كوميتەتى اتقارۋشى ورگانداردىڭ قىزمەتىن باسەكەلەس ورتاعا بەرۋ تۋرالى زاڭ جوباسىن قارادى

325 رەتكورسەتىلدى

سەناتتىڭ ەكونوميكالىق ساياسات، يننوۆاتسيالىق دامۋ جانە كاسىپكەرلىك كوميتەتىنىڭ كەڭەيتىلگەن وتىرىسىندا ورتالىق جانە جەرگىلىكتى اتقارۋشى ورگاندارىنىڭ فۋنكتسيالارىن باسەكەلەس ورتاعا بەرۋ ماسەلەلەرى قارالدى.

پارلامەنت سەناتى ەكونوميكالىق ساياسات، يننوۆاتسيالىق دامۋ جانە كاسىپكەرلىك كوميتەتىنىڭ كەڭەيتىلگەن وتىرىسىندا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە قازاقستان رەسپۋبليكاسى ورتالىق جانە (نەمەسە) جەرگىلىكتى اتقارۋشى ورگاندارىنىڭ فۋنكتسيالارىن باسەكەلەس ورتاعا بەرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى قارالدى. بۇل تۋرالى سەناتتىڭ ءباسپاسوز قىزمەتى حابارلادى.

زاڭ جوباسى 100 ناقتى قادام –  ۇلت جوسپارىنىڭ ءوزىن-ءوزى رەتتەۋ مەن جەرگىلىكتى ءوزىن-ءوزى باسقارۋدى دامىتۋ ارقىلى ازاماتتاردىڭ شەشىم قابىلداۋ ۇردىسىنە قاتىسۋ مۇمكىندىگىن كەڭەيتۋگە، مەملەكەتكە ءتان ەمەس قىزمەتتەردى باسەكەلەستىك ورتاعا جانە ءوزىن-ءوزى رەتتەۋشى ۇيىمدارعا بەرۋگە باعىتتالعان 97-قادامىن ىسكە اسىرۋ ماقساتىندا ازىرلەندى.

زاڭ جوباسىمەن بىرقاتار زاڭنامالىق اكتىلەرگە وزگەرتۋلەر مەن تولىقتىرۋلار ەنگىزىلەدى.

زاڭ جوباسىندا ورتالىق جانە (نەمەسە) جەرگىلىكتى اتقارۋشى ورگاندارىنىڭ فۋنكتسيالارىن باسەكەلەس ورتاعا بەرۋدىڭ نەگىزگى ماقساتتارى، قاعيداتتارى مەن تاسىلدەرى رەتتەلەدى. فۋنكتسيالاردى ىرىكتەۋ مەن باسەكەلەس ورتاعا بەرۋدىڭ نەگىزگى ولشەم شارتتارى، سونداي-اق ءتارتىبى بەلگىلەنگەن.

زاڭ جوباسىمەن مەملەكەتتىك ورگانداردىڭ فۋنكتسيالارىن باسەكەلەس ورتاعا بەرۋدىڭ بەس ءتاسىلى ۇسىنىلادى: اۋتسورسينگ ارقىلى (مەملەكەتتىك ساتىپ الۋ تۋرالى زاڭىنا سايكەس); مەملەكەتتىك تاپسىرما اياسىندا (بيۋدجەت زاڭناماسىنا سايكەس); مەملەكەتتىك الەۋمەتتىك تاپسىرىس ارقىلى (مەملەكەتتىك الەۋمەتتىك تاپسىرىس، ۇكىمەتتىك ەمەس ۇيىمدارعا ارنالعان گرانتتار مەن سىيلىقاقىلار تۋرالى زاڭناماعا سايكەس); فۋنكتسيالاردى پايدالانۋشىلار ەسەبىنەن بەرۋ; مىندەتتى مۇشەلىككە (قاتىسۋعا) نەگىزدەلگەن ءوزىن-ءوزى رەتتەۋدى ەنگىزۋ ارقىلى.

زاڭ جوباسىندا باسەكەلەس ورتاعا بەرىلگەن فۋنكتسيالاردىڭ مونيتورينگى كوزدەلەدى، ونى ورتالىق جانە (نەمەسە) جەرگىلىكتى اتقارۋشى ورگاندار مەن مۇددەلى تۇلعالار جۇرگىزەدى. مونيتورينگ ناتيجەلەرى بويىنشا باسەكەلەس ورتاعا بەرىلگەن فۋنكتسيالاردىڭ ساپاسىز جۇزەگە اسىرىلعانى انىقتالعان جاعدايدا، فۋنكتسيا قايتارىلۋعا جاتادى.

ودان باسقا، قازاقستان رەسپۋبليكاسىنىڭ تۇڭعىش پرەزيدەنتى – ەلباسىنىڭ «قازاقستاندىقتاردىڭ ءال-اۋقاتىنىڭ ءوسۋى: تابىس پەن ءومىر ساپاسىنىڭ ارتۋى» جولداۋىندا جاريالانعان تاپسىرمالارىن ىسكە اسىرۋ ماقساتىندا زاڭ جوباسىندا مەملەكەتتىك ورتا ءبىلىم بەرۋ ۇيىمدارىنىڭ دەنە شىنىقتىرۋ-ساۋىقتىرۋ جانە سپورت قۇرىلىسجايلارىن م ۇلىكتىك جالداۋعا (جالعا) بەرۋدى جانە كىرىستەردى ءوزى دەربەس پايدالانۋ قۇقىعى كوزدەلگەن.

كوميتەت سونداي-اق «ءبىر تاراپتان ەەو پەن وعان مۇشە مەملەكەتتەر جانە ەكىنشى تاراپتان يران يسلام رەسپۋبليكاسى اراسىنداعى ەركىن ساۋدا ايماعىن قۇرۋعا الىپ كەلەتىن ۋاقىتشا كەلىسىمدى راتيفيكاتسيالاۋ تۋرالى» زاڭ جوباسىن دا قارادى.

زاڭ جوباسى 2018 جىلعى 17 مامىردا استانا قالاسىندا جاسالعان كەلىسىمدى راتيفيكاتسيالاۋعا ارنالعان.

كەلىسىمدە ەۋرازيالىق ەكونوميكالىق وداققا مۇشە مەملەكەتتەر مەن يران يسلام رەسپۋبليكاسى اراسىندا بىرقاتار بەكىتىلگەن تاۋارلارعا قاتىستى 3 جىل مەرزىمگە پرەفەرەنتسيالىق ساۋدا رەجيمىن بەلگىلەۋدى جانە ءوزارا ساۋداداعى يمپورتتىق كەدەن باجدارىن تومەندەتۋ كوزدەلگەن.

زاڭ جوبالارى پالاتا قاراۋىنا جىبەرىلدى.

سوڭعى جاڭالىقتار

ەرلىكتى دارىپتەيتىن قوماقتى قور

رۋحانيات • 05 ماۋسىم، 2020

ەكى قىلمىستىق توپ ۇستالدى

ايماقتار • 05 ماۋسىم، 2020

ۇقساس جاڭالىقتار