جالعان كەلىسىم, نەگىزسىز تولەنگەن قارجى
بەيسەنبى, 2 اقپان 2012 7:25
“باتىس ەۋروپا – باتىس قىتاي” اۆتوماگيسترالى قازاقستان ءۇشىن وراسان پايداسى بار عاسىرلىق جوبا بولعانىمەن, كەيبىر پىسىقايلاردىڭ ەكى جەپ بيگە شىعۋىنا جارايتىن مايلى سۇبە بولىپ تۇر. تالايلار جول شەتىندەگى يتارقاسىن التىن كىرپىشتەن سالعانداي بۇلداپ, ءبيتىن ءبىر توگىپ قالدى. ونىسى ءجون-اۋ, بىراق, جول شەتىنەن قيىس جاتسا دا اقشانىڭ يىسىنە شىداي الماي جالعان كەلىسىم-شارت ءتۇزىپ, اياق استىنان ولجالى بولىپ جاتقاندار دا بار. وبلىس پروكۋراتۋراسى اۆتوماگيسترالعا قاتىستى جەرلەردى ساتىپ الۋ مەن ءبولۋ زاڭدىلىعىنا تەكسەرۋ جۇرگىزىپ كەلەدى. سونىڭ ناتيجەسىندە قيسىنعا كەلمەيتىن كەلىسىمدەر, قولدى بولعان مەملەكەت قارجىلارى سۋ بەتىنە قالقىپ شىعا باستادى.
بەيسەنبى, 2 اقپان 2012 7:25
“باتىس ەۋروپا – باتىس قىتاي” اۆتوماگيسترالى قازاقستان ءۇشىن وراسان پايداسى بار عاسىرلىق جوبا بولعانىمەن, كەيبىر پىسىقايلاردىڭ ەكى جەپ بيگە شىعۋىنا جارايتىن مايلى سۇبە بولىپ تۇر. تالايلار جول شەتىندەگى يتارقاسىن التىن كىرپىشتەن سالعانداي بۇلداپ, ءبيتىن ءبىر توگىپ قالدى. ونىسى ءجون-اۋ, بىراق, جول شەتىنەن قيىس جاتسا دا اقشانىڭ يىسىنە شىداي الماي جالعان كەلىسىم-شارت ءتۇزىپ, اياق استىنان ولجالى بولىپ جاتقاندار دا بار. وبلىس پروكۋراتۋراسى اۆتوماگيسترالعا قاتىستى جەرلەردى ساتىپ الۋ مەن ءبولۋ زاڭدىلىعىنا تەكسەرۋ جۇرگىزىپ كەلەدى. سونىڭ ناتيجەسىندە قيسىنعا كەلمەيتىن كەلىسىمدەر, قولدى بولعان مەملەكەت قارجىلارى سۋ بەتىنە قالقىپ شىعا باستادى.
تەكسەرۋ بارىسىندا «مۇناي ينۆەستمەنت گرۋپپ» اق-تىڭ مەنشىگىندەگى 0,10 گا جەر تەلىمى اۆتوموبيل جول قۇرىلىسىنىڭ ءۇستىنە تۇسپەيتىن بولسا دا نەگىزسىز قر اۆتوموبيل جولدارى كوميتەتىنىڭ وقو دەپارتامەنتىمەن كەلىسىم-شارت ءتۇزىلىپ, 12 622 000 تەڭگە تولەنگەنى انىقتالعان.
سونىمەن قاتار, تەكسەرۋ بارىسىندا ازامات و.اۋەلبەكوۆكە دە «باتىس ەۋروپا – باتىس قىتاي» حالىقارالىق ترانزيتتىك ءدالىزىنىڭ اۆتوموبيل جول قۇرىلىسىنىڭ ۇستىنەن تۇسپەگەن جەر ۋچاسكەسى ءۇشىن 1 172 000 تەڭگە كەلىسىم-شارت ءتۇزىلىپ, وتەماقى اۋدارىلىپ بەرىلگەنى كورىنىپ قالدى. انىقتالعان زاڭ بۇزۋشىلىقتار بويىنشا مەملەكەت قارجىسىن قايتارۋ ماقساتىندا تۇركىستان قالالىق سوتى مەن وقو اۋدانارالىق مامانداندىرىلعان ەكونوميكالىق سوتىنا تالاپ-ارىزدار بەرىلگەن بولاتىن. تۇركىستان قالالىق سوتىنىڭ شەشىمىمەن قالا پروكۋراتۋراسىنىڭ ازامات و.اۋەلبەكوۆتەن مەملەكەت پايداسىنا 1 172 000 تەڭگەنى ءوندىرۋ تۋرالى تالاپ-ارىزى تولىعىمەن قاناعاتتاندىرىلدى.
ال وقو اۋدانارالىق مامانداندىرىلعان ەكونوميكالىق سوتىنىڭ شەشىمىمەن تۇركىستان قالاسى پروكۋرورىنىڭ تالاپ- ارىزى ءىشىنارا قاناعاتتاندىرىلىپ, قازاقستان رەسپۋبليكاسى كولىك جانە كوممۋنيكاتسيا مينيسترلىگى اۆتوموبيل جولدارى كوميتەتىنىڭ وقو دەپارتامەنتى مەن «مۇناي ينۆەستمەنت گرۋپپ» اق اراسىنداعى 14.10.2009ج. №1 ساندى 0,10 گا جەر ۋچاسكەسى مەن جانار-جاعارماي قۇيۋ عيماراتى ءۇشىن وتەماقى تولەۋ تۋرالى ءتۇزىلگەن كەلىسىم-شارت جارامسىز دەپ بۇزىلدى. «مۇناي ينۆەستمەنت گرۋپپ» اق-تان مەملەكەت پايداسىنا 12 622 000 تەڭگە ءوندىرىلىپ, تالاپ-ارىزدىڭ «تابىس-وتسەنكا» جشس-ءنىڭ «مۇناي ينۆەستمەنت گرۋپپ» اق-تىڭ مەنشىگىندە بولعان جانار-جاعار- ماي قۇيۋ بەكەتىنىڭ قۇنىن باعالاۋ تۋرالى ەسەبى جارامسىز دەپ تانىلدى. ارينە, بارماق باستى, كوز قىستىمەن قىرتىستى سۇبەدەن مولىراق اساعان “مۇناي ينۆەستمەنت گرۋپپ” اق سوت شەشىمىنە نارازى بولىپ, اپەللياتسيالىق شاعىم تۇسىرگەن. دەگەندەرى بولمادى. وبلىستىق سوتتىڭ اپەللياتسيالىق سوت القاسى سوت شەشىمىن وزگەرىسسىز قالدىرىپ, ول كۇشىنە ەندى.
وسىلايشا, مەملەكەت قارجىسىن قارىنبايدىڭ مالىنداي كورىپ, وڭايدان ولجا تاپپاق بولعانداردىڭ ويلاعانى جۇزەگە اسپاي قالدى.
باقتيار تايجان.
وڭتۇستىك قازاقستان وبلىسى.
