بۇگىنگى تاڭدا وبلىستا 249,8 مىڭ گەكتار سۋارمالى جەر بار. ونىڭ 171,7 مىڭ گەكتارى ەگىستىك, 58 مىڭ گەكتارى تىڭايما جەر, 17,4 مىڭ گەكتارى باقشالىق, قالعان 2,7 مىڭ گەكتارى وزگە دە اۋىلشارۋاشىلىق القاپتارىنا جاتادى. سۋارمالى ەگىستىك كولەمىن 300 مىڭ گەكتارعا جەتكىزۋ تاپسىرماسىنا سايكەس جۇمىسشى توپ بارلىق اۋدان بويىنشا زەرتتەۋ, تالداۋ جۇمىستارىن جۇرگىزدى. ونىڭ بارىسىندا اۋدان, قالا اكىمدىكتەرى بۇعان دەيىن ۇسىنعان ۋچاسكەلەردىڭ كولەمدەرى مەن ورنالاسۋى ناقتىلانىپ, سونىمەن قاتار قوسىمشا جەرلەردى قوسۋ مۇمكىندىكتەرى تالقىلانعان.
وبلىس باسشىسى بۇل جۇمىستىڭ وتە ماڭىزدى ەكەندىگىنە كوڭىل اۋداردى.
– سۋارمالى جەر كولەمى ارتۋىمەن ەگىن شارۋاشىلىعىن ءارتاراپتاندىرۋ جۇزەگە اسىرىلىپ, ونىمدىلىگى جوعارى, سۋدى از قاجەت ەتەتىن نارىقتا سۇرانىسقا داقىلدار وسىرىلەتىن بولادى. ول ءوز كەزەگىندە ءوڭىردىڭ ەكسپورتتىق الەۋەتى ارتۋىنا, ازىق-ت ۇلىك قاۋىپسىزدىگىن قامتاماسىز ەتۋگە مۇمكىندىك بەرەدى. بۇل جۇمىستار اۋدانداردا الەۋمەتتىك-ەكونوميكالىق ماسەلەلەردى شەشۋدىڭ, اۋىلدى كوركەيتۋدىڭ, كاسىپكەرلىكتى جانداندىرۋدىڭ, جاڭا جۇمىس ورىندارى اشىلۋىنىڭ بىردەن-ءبىر تەتىگى. سوندىقتان, ەشكىمگە دە سالعىرتتىققا سالىنۋعا بولمايدى. ماماندار جاڭادان ىسكە قوسىلاتىن القاپتارعا سۋ جەتكىزۋ جولدارى مەن قانداي داقىلدار ەگۋدىڭ تيىمدىلىگىن انىقتاۋى ءتيىس. جەرگىلىكتى جەرلەردە اكىمدەر وسى جۇمىستاردى اتقارۋعا قىزىعۋشىلىق تانىتقان ينۆەستورلاردى تارتىپ, ءتيىستى ۇسىنىستارىن بەرۋى قاجەت, – دەدى ول.
قىزىلوردا وبلىسى
