حاتتاماعا 2016 جىلعى 26 جەلتوقساندا سانكت-پەتەربۋرگ قالاسىندا قول قويىلعان بولاتىن.
بايقوڭىر قالاسىندا جۇمىس ىستەيتىن قازاقستان رەسپۋبليكاسىنىڭ مەملەكەتتىك ورگاندارىنىڭ تىزبەسىنە قازاقستان رەسپۋبليكاسىنىڭ 10 مەملەكەتتىك ورگانىنىڭ بولىمشەلەرىن قوسىمشا ەنگىزۋ وسى حاتتامانىڭ ءمانى بولىپ تابىلادى. وسىلايشا, بايقوڭىر قالاسىندا قازاقستان رەسپۋبليكاسىنىڭ 18 مەملەكەتتىك ورگانى جۇمىس ىستەيتىن بولادى.
اتاپ ايتقاندا, «بايقوڭىر» كەشەنى جالعا بەرىلگەن كەزەڭدە بايقوڭىر قالاسىندا جۇمىس ىستەپ تۇرعان مەملەكەتتىك ورگانداردىڭ تىزبەسى قازاقستان رەسپۋبليكاسىنىڭ قورشاعان ورتانى قورعاۋ سالاسىنداعى ۋاكىلەتتى ورگانىنىڭ, قازاقستان رەسپۋبليكاسى ادىلەت مينيسترلىگىنىڭ, ۇلتتىق قاۋىپسىزدىك كوميتەتىنىڭ, ۇلتتىق قاۋىپسىزدىك كوميتەتى شەكارا قىزمەتىنىڭ, قارجى مينيسترلىگى قازىناشىلىق كوميتەتىنىڭ بولىمشەلەرى سياقتى ورگاندارمەن جانە باسقالارىمەن تولىقتىرىلعان بولاتىن.
حاتتاما كۇشىنە ەنگەندە «بايقوڭىر» كەشەنى بويىنشا ەكى مەملەكەتتىڭ اراسىنداعى ستراتەگيالىق ارىپتەستىكتى جانە ەكىجاقتى ىنتىماقتاستىقتى ودان ءارى نىعايتۋعا ىقپال ەتەتىن بولادى
«حاتتامانى قابىلداۋ ازاماتتاردىڭ كونستيتۋتسيالىق قۇقىقتارى مەن بوستاندىقتارىن جۇزەگە اسىرۋعا وڭ اسەرىن تيگىزەدى, سونداي-اق حالىققا بارلىق قاجەتتى قىزمەتتەر مەن اقپاراتتى ۋاقىتىندا الۋعا مۇمكىندىك بەرەدى», - دەپ اتاپ ءوتتى سەناتور ت.مۇساباەۆ.
زاڭ جوباسى پالاتا قاراۋىنا جىبەرىلدى.
