جازىقسىزدار جاپا شەكپەيتىنىنە كۇمان جوق
جۇما, 27 قاڭتار 2012 7:16
مەنىڭ ەڭبەك جانە ءومىر جولىم جاڭاوزەن قالاسىمەن تىعىز بايلانىستى. سوندىقتان بولار, وسى قالانىڭ ءوسىپ-وركەندەۋىنىڭ ءبارى دە كوز الدىمدا. ايتارى جوق, حالقى كوبەيىپ, ءساندى قۇرىلىستار ساپ تۇزەپ كەلەدى. اتتەڭ, وتكەن جىلعى جەلتوقسانداعى وقيعا كوڭىلىمىزگە قاياۋ ءتۇسىردى. قيىن جاعدايلار قالىپتاستى. وسىنداي ساتتە ءتاۋەلسىز قازاقستاننىڭ تۇڭعىش پرەزيدەنتى نۇرسۇلتان نازارباەۆتىڭ قالامىزعا كەلىپ, ءمان-جايدى كوزىمەن كورۋى, قاراپايىم ادامدارمەن اڭگىمەلەسۋى ۇلكەن قولداۋ مەن ەرەكشە كومەك بولدى. ەلباسى تاپسىرماسىنا وراي قالاداعى ءبۇلىنگەن نىساندار دا قالپىنا كەلتىرىلۋدە, تۇرعىنداردى ازىق-ءتۇلىكپەن, وتىن-سۋمەن, جىلۋمەن قامتۋدا كەمشىلىكتەر كەزدەسكەن جوق.
جۇما, 27 قاڭتار 2012 7:16
مەنىڭ ەڭبەك جانە ءومىر جولىم جاڭاوزەن قالاسىمەن تىعىز بايلانىستى. سوندىقتان بولار, وسى قالانىڭ ءوسىپ-وركەندەۋىنىڭ ءبارى دە كوز الدىمدا. ايتارى جوق, حالقى كوبەيىپ, ءساندى قۇرىلىستار ساپ تۇزەپ كەلەدى. اتتەڭ, وتكەن جىلعى جەلتوقسانداعى وقيعا كوڭىلىمىزگە قاياۋ ءتۇسىردى. قيىن جاعدايلار قالىپتاستى. وسىنداي ساتتە ءتاۋەلسىز قازاقستاننىڭ تۇڭعىش پرەزيدەنتى نۇرسۇلتان نازارباەۆتىڭ قالامىزعا كەلىپ, ءمان-جايدى كوزىمەن كورۋى, قاراپايىم ادامدارمەن اڭگىمەلەسۋى ۇلكەن قولداۋ مەن ەرەكشە كومەك بولدى. ەلباسى تاپسىرماسىنا وراي قالاداعى ءبۇلىنگەن نىساندار دا قالپىنا كەلتىرىلۋدە, تۇرعىنداردى ازىق-ءتۇلىكپەن, وتىن-سۋمەن, جىلۋمەن قامتۋدا كەمشىلىكتەر كەزدەسكەن جوق. جاعدايدى زەردەلەۋ ءۇشىن ۇكىمەتتىك كوميسسيا, ءىىم جەدەل تەرگەۋ توبى تىنىمسىز جۇمىس ىستەدى. سونداي-اق ەلباسى تاپسىرماسىنا وراي قوعامدىق كوميسسيا قۇرىلدى. مەن ونىڭ جاڭاوزەندەگى قابىلداۋ ورتالىعىن باسقاردىم. ايماققا بەلگىلى, ابىرويلى ازاماتتارىمىز دا ەل تىنىشتىعى, ازاماتتاردىڭ امانشىلىعى ءۇشىن بىرلەسە جۇمىس جاسادىق. قابىلداۋعا كەلگەندەردىڭ تالاپ-تىلەگى اياقسىز قالمادى. سوعان وراي ءتيىستى شەشىمدەر قابىلدادىق. ال كەشە رەسپۋبليكامىزدىڭ باس پروكۋرورىنىڭ مالىمدەمەسىن تىڭدادىق. ءبىراز ادامداردىڭ ۇستىنەن قىلمىستىق ءىس قوزعالىپتى. تەكسەرۋ ءالى دە ءجۇرىپ جاتىر. بارشامىزدىڭ دا تىلەگىمىز, حالىققا كەرەگى ءادىل شەشىم. ويتكەنى ءومىر تولقىنى جالعاسىپ جاتىر. ەلباسى تاپسىرماسىنا وراي جاڭا كاسىپورىندار اشىلدى. قالانى وركەندەتۋدىڭ جوسپارى قابىلدانۋدا. ياعني, جاڭاوزەن حالقىنىڭ الداعى كۇندەرى نۇرلى, شۋاقتى, تىنىش بولادى – دەگەن ءسوز. اتا زاڭىمىزدىڭ تالابىنىڭ ءوزى تىنىشتىق, ازاماتتار قۇقىعىن قورعاۋدى قامتاماسىز ەتۋ. سوندىقتان دا زاڭ ورىندارىنىڭ شەشىمدەرىن قالا تۇرعىندارى تۇسىنىستىكپەن قابىلداپ بايسالدىلىق پەن پاراساتتىلىق تانىتا بىلەدى. سونداي-اق بۇل قيىن دا, كۇردەلى ءىستىڭ ءبىراز ادامعا اششى ساباق ەكەندىگىن دە ەستەن شىعارماعاندىعىمىز ءجون. ەڭ نەگىزگىسى جان-جاقتى, تەرەڭ زەرتتەلۋدەگى وقيعاعا ءادىل باعا بەرىلەدى. كىناسى بارلار عانا ءوز جازاسىن الىپ, جازىعى جوق ادامدار جاپا شەكپەيدى دەپ ويلايمىز. جانە دە سولاي بولىپ تا جاتىر. كۇنى بۇگىن جازىقسىز دەپ تابىلعان ازامات ۋاقىتشا قاماۋدان بوساتىلدى.
اسىلبەك ايداروۆ, جاڭاوزەن قالالىق ارداگەرلەر كەڭەسىنىڭ توراعاسى, وبلىستىق قوعامدىق كوميسسيانىڭ قالاداعى قابىلداۋ ورتالىعىنىڭ توراعاسى.
جاڭاوزەن.
