ءمينيستردىڭ ايتۋىنشا, بۇل باعدارلاما پاتسيەنتكە ديناميكالىق باقىلانۋدا بولىپ, ءوز اۋرۋىن بەلسەندى باسقارۋعا, ەمحانا مەن پاتسيەنت اراسىندا الەۋمەتتىك كەلىسىم جاساۋعا جانە موبيلدىك قوسىمشالاردى قولدانۋعا مۇمكىندىك بەرەدى.
قازاقستاندا اۋرۋلاردى باسقارۋ باعدارلاماسى 2013 جىلدان باستاپ ءۇش نوزولوگيا بويىنشا: ارتەريالىق گيپەرتەنزيا, قانت ديابەتى, جۇرەكتىڭ سوزىلمالى جەتىسپەۋشىلىگى بويىنشا ەنگىزىلدى.
«2018 جىلدىڭ قورىتىندىسى بويىنشا باعدارلاماعا 220 مىڭنان استام پاتسيەنت قوسىلدى. بۇل ديسپانسەرلىك ەسەپتە تۇرعان پاتسيەنتتەردىڭ 17%-ىن قۇرايدى. 2020 جىلدىڭ سوڭىنا قاراي پاتسيەنتتەردىڭ 50% پايىزىن باعدارلامامەن قامتۋ جوسپارلانعان», دەدى ە. ءبىرتانوۆ.
ەلباسىنىڭ تاپسىرماسى بويىنشا, اۋرۋلاردى باسقارۋ باعدارلاماسىن ەنگىزگەن مامانداردى ىنتالاندىرۋ ماقساتىندا 2019 جىلدىڭ باسىنان 36 000 ۋچاسكەلىك مەديتسينا قىزمەتكەرلەرىنىڭ جالاقىسىن كەزەڭ-كەزەڭمەن 20% ۇلعايتۋ جوسپارلانىپ, 5,3 ميلليارد تەڭگە كوزدەلدى.
وسىعان وراي, باعدارلاماعا مەديتسينا قىزمەتكەرلەرىن وقىتۋ جوسپارى قۇرىلىپ, 12 648 مامان وقىتىلدى.
الايدا, كەيبىر وڭىرلەردە باعدارلامانى وقىتۋ بويىنشا تومەن بەلسەندىلىك بايقالادى. مىسالى, جامبىل (23%), سولتۇستىك قازاقستان (25%), قىزىلوردا (26%) وبلىستارىندا جوسپاردان 30% تومەن مامان وقىتىلدى.
«قۇرمەتتى اكىمدەر, بۇل باعدارلامانى ساپالى ەنگىزۋگە اسا كوڭىل ءبولۋ قاجەت. ول ينفاركت, ينسۋلت سانىن تومەندەتۋگە, ستاتسيونارلىق ەمدەۋگە شىعىنداردى ازايتۋعا جانە وڭىرلەردە جالپى ءولىم كورسەتكىشىن تومەندەتۋگە مۇمكىندىك بەرەدى», دەيدى مينيستر ە. ءبىرتانوۆ بايانداماسىندا.
