ساياسات • 02 ءساۋىر، 2019

2019 جىلى ۆەتەريناريالىق ءىس-شارالاردى قارجىلاندىرۋ كولەمى 45،2 ملرد تەڭگەنى قۇرادى - س.وماروۆ

211 رەت كورسەتىلدى

2019 جىلعا ارنالعان ۆەتەريناريالىق ءىس-شارالاردى قارجىلاندىرۋ كولەمى 45،2 ملرد تەڭگەنى قۇرادى. بۇل تۋرالى اۋىل شارۋاشىلىعى ءمينيسترى ۇكىمەت وتىرىسىندا مالىمدەدى.

مينيسترلىك اقپاراتىنا سۇيەنسەك، بۇل وتكەن جىلمەن سالىستىرعاندا 2،9 ملرد تەڭگەگە ارتىق. كورسەتىلگەن قاراجات ەسەبىنەن 2019 جىلى جانۋارلار مەن قۇستاردىڭ اسا قاۋىپتى 17 اۋرۋىنا قارسى ۆاكتسيناتسيالاۋ بويىنشا 137،2 ملن مانيپۋلياتسيا جۇرگىزۋ جوسپارلانعان، بۇل ليستەريوز بويىنشا سالاماتتىلىققا قول جەتكىزۋگە بايلانىستى 2 ملن مانيپۋلياتسياعا ازايتىلعان. سونىمەن قاتار 13،9 ملن باس اۋىل شارۋاشىلىعى جانۋارلارىنىڭ ءتولىن بىردەيلەندىرۋ، جانۋارلاردىڭ 28 اسا قاۋىپتى اۋرۋى بويىنشا 72،4 ملن زەرتتەۋ (وتكەن جىلعا ۇقساس) جۇرگىزۋ، زەرتحانالىق زەرتتەۋلەر ءۇشىن 34،8 ملن قان سىناماسىن الۋ جوسپارلانعان.

حەب ۇسىنىمدارىنا سايكەس برۋتسەللەزگە قارسى كۇرەس ستراتەگياسى قايتا قارالادى. سونىمەن، ۆەتەريناريالىق ءىس-شارالار برۋتسەللەزگە زەرتتەۋ كەزىندە وڭ ناتيجە بەرگەن جانۋارعا عانا ەمەس، بۇكىل تابىنعا جۇرگىزىلەدى.

«جوعارى پاتوگەندى قۇس تۇماۋىنا قارسى كۇرەس ستراتەگياسىنا جۇمىس ىستەپ تۇرعان قۇس فابريكالارىنان 20 شاقىرىم راديۋستاعى حالىق شارۋاشىلىعىنىڭ تاۋەكەل ايماعىن انىقتاۋ بولىگىندە وزگەرىستەر ەنگىزىلدى، ەندى جابايى قۇستاردىڭ قونىس اۋدارۋ جولىندا جانە سۋ قويمالارىنىڭ جانىندا ورنالاسقان شارۋاشىلىقتارمەن قاتار قۇس فابريكالارىنداعى قۇستاردىڭ دا اتا-ەنەلىك تابىنىنا وسى اۋرۋعا قارسى ۆاكتسينا ەگىلەتىن بولادى.
ءسىبىر جاراسى بويىنشا جىل سايىن 100% قامتي وتىرىپ، سەزىمتال جانۋارلارعا الدىن الا ۆاكتسيناتسيالاۋ جۇرگىزىلەدى، حالىقارالىق زەرتحانالاردا ولاردىڭ ساپاسىن تەكسەرە وتىرىپ، قولدانىلاتىن ۆاكتسينالاردىڭ ساپاسىن باقىلاۋ كۇشەيتىلدى. 2017-2018 جىلدارى كاداسترمەن بەلگىلەنگەن ءسىبىر جاراسىنىڭ 2180 كومىندىسى قورشالدى جانە تانۋ بەلگىلەرىمەن بەلگىلەندى.

قازاقستان نودۋليارلىق دەرماتيتكە قارسى كۇرەس جونىندەگى حالىقارالىق ساراپشىلاردىڭ وڭ قورىتىندىسىن الدى» دەدى س. وماروۆ.  

بيىل اقپان ايىندا قىتايدىڭ باس كەدەن باسقارماسى قازاقستان رەسپۋبليكاسىن نودۋليارلىق دەرماتيت بويىنشا سالاماتتى دەپ تانىپ، اۋسىل بويىنشا شەكتەۋلەر الىپ تاستالدى، ءىرى قارا جانە ۇساق مال ەتى بويىنشا ۆەتەريناريالىق تالاپتار كەلىسىلدى، ەت كومبيناتتارىندا ينسپەكتسيا جۇرگىزىلدى، قوي ەتىن قايتا وڭدەيتىن 5 كاسىپورىن قىتايعا ەكسپورت جاسايتىن كاسىپورىندار تىزىلىمگە ەنگىزىلدى جانە سيىر ەتىن قايتا وڭدەيتىن 4 كاسىپورىن ەنگىزىلەدى دەپ كۇتىلۋدە. بۇل ءوز كەزەگىندە قازاقستاندىق ەت ونىمدەرىنىڭ قىتاي نارىعىنا شىعۋىنا جول اشقان. حالىقارالىق ەپيزووتيالىق بيۋرودا ۆاكتسينا سالىنبايتىن ايماقتاعى (قر 9 وبلىسى) جانە ۆاكتسينا سالىناتىن 5 ايماقتاعى قازاقستاننىڭ اۋسىل بويىنشا سالاماتتىلىعى، جىلقىنىڭ افريكالىق وباسى بويىنشا سالاماتتىلىعى قايتا راستالعان.

سوڭعى جاڭالىقتار

ەنەرگەتيكا – ەكونوميكا درايۆەرى

ەكونوميكا • بۇگىن، 21:25

تورعاي تاريحىن تولعاعان

تاريح • بۇگىن، 20:50

جىل ءسوزى

الەم • بۇگىن، 20:36

قۇلدىرامايتىن قۇندىلىق

تانىم • بۇگىن، 20:20

اۋعانستاندا جارىلىس بولدى

الەم • بۇگىن، 12:21

ۇقساس جاڭالىقتار