ءىرى كاسىپورىندار اقتوبەدەگى جوو تۇلەكتەرىن جۇمىسقا ورنالاستىرۋ تۋرالى مەموراندۋمدارعا قول قويدى

«ءبىز وتىرىستى زاۋىتتا بەكەر وتكىزىپ وتىرعان جوقپىز، ويتكەنى ءبىزدىڭ بۇگىن قاراستىرعالى وتىرعان سۇراعىمىز – تەحنيكالىق ماماندىعى بار تۇلەكتەردى جۇمىسقا ورنالاستىرۋ. ستۋدەنتتەر وقۋ بىتىرگەن سوڭ قايدا جانە نەمەن جۇمىس ىستەيتىندەرىن ءتۇسىنۋ ءۇشىن وسىنداي ءوندىرىس ورىندارىندا ءجيى بولۋلارى كەرەك. ستاتيستيكاعا سايكەس، ورتاشا العاندا ءبىزدىڭ وبلىستا جوعارى ءبىلىمى بار تۇلەكتەر شامامەن 70 %-ى جۇمىسقا ورنالاسقان. ءبىز پروبلەمانىڭ نەدە ەكەنىن، نەگە تولىق جۇمىسقا ورنالاسپاعانىن ءتۇسىنۋىمىز كەرەك. سوندىقتان بۇگىنگى وتىرىسقا جاستارمەن قاتار وسى سۇراققا تىكەلەي قاتىسى بار وقۋ ورىندارى مەن كاسىپورىن باسشىلارى قاتىسىپ وتىر. ناقتى شەشۋ جولدارىن انىقتايتىن قۇرىلىمدى سۇحبات بولادى دەپ سەنەمىن»،- دەدى شارانى اشقان وڭداسىن ورازالين.

وتىرىستا ءبىلىم ءيميدجىن كوتەرۋ، وقۋ ورىندارىندا باسەكەگە قابىلەتتى مامانداردى دايارلاۋ ماسەلەلەرى قارالدى. "قازحروم» تۇك» اق پرەزيدەنتى ارمان ەسەنجولوۆ، «سنپس اقتوبەمۇنايگاز» اق باس ديرەكتورى ۆەي يۋيسيان، «اربز» جشس باس ديرەكتورى ۆالەري وبيلەتس ستۋدەنتتەرگە جاس مامانداردىڭ جۇمىسقا ورنالاسۋى مەن ولاردىڭ قىزمەتتىك ءوسۋى جايىندا ايتىپ بەردى. ايتا كەتەيىك، وڭىردەگى ءىرى كاسىپورىنداردىڭ باسشىلارى مەن جاستار قوس تاراپتى وقىتۋدى دامىتۋ قاجەتتىگى تۋرالى ورتاق پىكىرگە كەلدى.

وبلىس اكىمى: «قوسارلى كاسىبي وقىتۋ جۇيەسى جوعارى بىلىكتى مامانداردى دايارلاۋدىڭ نەعۇرلىم ءتيىمدى فورماسى رەتىندە بۇكىل الەمگە تانىلدى. ونى ەنگىزۋ جۇمىستارى بىزدە جوعارى وقۋ ورىندارىمەن قاتار كوللەدجدەردە جۇيەلى تۇردە جۇرگىزىلۋى ءتيىس»،- دەپ اتاپ ءوتتى.

«مۇندا ماسەلە ساپالى ءبىلىم بەرۋ جايىندا. ءبىز وعان باسا نازار اۋدارامىز، سوندىقتان ءبىز جوعارى وقۋ ورىندارىندا وقىپ جاتقانداردىڭ وندىرىستە تاجىريدەن وتكەندەرىن تولىق قولدايمىز. مىسالعا، جىل سايىن ءبىزدىڭ اقتوبەلىك كاسىپورىنداردا 160-تان استام ستۋدەنت تاجىريبەدەن وتەدى. تەك وتكەن جىلدىڭ وزىندە ءبىزدىڭ وندىرىستەرگە ەلۋدەن اسا ستۋدەنت جۇمىسقا قابىلداندى. سونىمەن قاتار، بىزگە 600-700 جۇمىسشى ماماندارى قاجەت ەكەنىن ايتقىم كەلەدى»،- دەپ اتاپ ءوتتى «قازحروم» تۇك» اق پرەزيدەنتى ارمان ەسەنجولوۆ ءوز كەزەگىندە.

وبلىس اكىمى كاسىپورىنداردىڭ دەنى بارلىق تەحنيكالىق قۇجاتتاملاردى وكىنىشكە قاراي، ورىس نەمەسە شەتەل تىلدەرىندە جۇرگىزەتىندەرىن بايقادى.

«بۇل وكىنىشكە قاراي، ءبىز تۇرعان زاۋىتتا دا بايقالىپ تۇر. بارلىق پاكەتتەر، ستەندتەر نە رەسمي، نە شەت تىلىندە جازىلعان. وسى تۇرعىدا زاۋىتتارمەن قاتار وقۋ ورىندارىندا دا قازاق تىلىندەگى كاسىبي تەرمينولوگيانى دامىتۋ ءۇشىن بىردەڭە قىلۋ كەرەك»،- دەدى وبلىس اكىمى.

ءوڭىر باسشىسى سونداي-اق، «سنپس-اقتوبەمۇنايگاز» اق باس ديرەكتورىنىڭ اۋدارماشىسىنا دا باسشىسىنىڭ ءسوزىن ورىس تىلىنە اۋدارعانى ءۇشىن جۇمساق تىلمەن ەسكەرتۋ جاسادى.

«ءسىز قىتاي ءتىلىن جاقسى مەڭگەرگەنسىز. قازاق ءتىلى قىتاي تىلىنەن قيىن ەمەس دەپ ويلايمىن. وتانداستارىڭىزدىڭ الدىندا قىتاي تىلىنەن انا ءتىلىڭىز - قازاق تىلىنە اۋدارما جاساعانىڭىز دۇرىس بولار ەدى»،- دەدى و.ورازالين.

وتىرىس كەزىندە ءوڭىر باسشىسى اۋىل جاستارىنىڭ جۇمىسقا ورنالاسۋ ماسەلەسىن قوزعادى.

وڭداسىن ورازالين: «اۋىل جاستارىنا، سونىڭ ىشىندە قالاعا كەلگەن جاستاردىڭ جۇمىسقا ورنالاۋى مەن ءبىلىم الۋى ءۇشىن بارىنشا قولداۋ كورسەتۋ قاجەت. بۇگىندە باستىسى نيەت بولۋ كەرەك، سوندا عانا جاستار تەگىن ءبىلىمدى دە الا الادى، لايىقتى ەڭبەكاقىسى بار جۇمىسقا دا تۇرا الادى. باستىسى، ولاردىڭ العا ۇمتىلىسى بولسا، ال جاۋاپتى مەملەكەتتىك ورگاندار، وقۋ ورىندارى مەن جۇمىس بەرۋشىلەر جان جاقتى قولداۋ كورسەتسە»،- دەگەن سەنىمدە.

شامامەن ەكى ساعاتقا سوزىلعان كەزدەسۋدە ستۋدەنتتەر ءتۇرلى سۇراقتاتىن قويىپ، ۇسىنىستارىن ايتتى. جاستار بۋىن وكىلدەرى قوعامنىڭ پروگرەسسيۆتى بولىگى رەتىندە ناعىز تالقىلانىپ جاتقان تاقىرىپ – تۇڭعىش پرەزيدەنت نۇرسۇلتان نازارباەۆتىڭ وتستاۆكاعا كەتۋىن اينالىپ وتپەدى.

«نۇرسۇلتان ءابىش ۇلى تاقتان كەتسە دە، بىزگە ارقاشان حالىقپەن بىرگە بولىپ، ولاردىڭ مۇددەسىن ويلايتىنىن ۇقتىردى. مەن اقتوبە وبلىسى جاستارىنىڭ اتىنان ءبىز دە ۇلت كوشباسشىسىمەن بىرگە ەكەنىمىزدى ايتقىم كەلەدى»،- دەدى وتىرىستا ءسوز سويلەگەن ق.جۇبانوۆ اتىنداعى ءاومۋ ماگيستراتۋراسىنىڭ ەكىنشى كۋرس ستۋدەنتى نارقوزى قارتجان.

وڭداسىن ورازالين: «نۇرسۇلتان ءابىش ۇلى جاستاردىڭ دامۋىنا ارقاشان كوڭىل ءبولىپ كەلدى. سول ءۇشىن ونىڭ باستاماسىمەن كوپتەگەن مەملەكەتتىك باعدارلامالار، جوبالار جاسالدى. ول الەمدىك دەڭگەيدە باسەكەگە قابىلەتتى ۇرپاق ءوسۋ ءۇشىن قاشاندا ەل جاستارىنىڭ الدىنا ۇلكەن مۇمكىندىكتەر مەن پەرسپەكتيۆالار اشۋعا تىرىستى. ءبارىڭىز دە ۇلت كوشباسشىسىنىڭ ءۇمىتىن اقتاپ، ونىڭ قازاقستاننىڭ الەمدەگى دامىعان وتىز ەل قاتارىنا ەنۋ تۋرالى تاپسىرماسىن ورىنداۋعا ءوز ۇلەستەرىڭىزدى قوساسىزدار دەپ سەنەمىن»،- دەپ جاۋاپ قاتتى.

كەزدەسۋ وڭىردەگى جوعارى وقۋ ورىندارى مەن كوللەدجدەر تۇلەكتەرىنىڭ جۇمىسقا ورنالاسۋى تۋرالى مەموراندۋمدارعا قول قويۋىمەن جالعاستى. «سنپس-اقتوبەمۇنايگاز» اق، «اقتوبە رەلس-ارقالىق زاۋىتى» جشس، «اقتوبە مىس كومپانياسى» جشس، «تد فوتون» جشس، «قازاقستان مۇناي جابدىقتارى» جشس، «پو گلوبال-سپەتسوجەجدا» جشس مەن «قازحروم» تۇك» اق كاسىپورىندارى جۇمىسپەن قامتاماسىز ەتۋ مىندەتتەرىن ءوز مويىندارىنا الدى.

وتىرىس سوڭىندا وبلىس اكىمى ەلۋ جاس مامانعا جاڭا «جاستار» باعدارلاماسى بويىنشا پاتەرلەردىڭ كىلتتەرىن تابىس ەتتى. شارتتارى جەڭىلدەتىلگەن باعدارلامانى وبلىس اكىمدىگى مەن «تۇرعىۇيقۇرىلىسجيناقبانكى» فيليالى جۇمىسشى جاستار مەن جاس مامانداردى باسپانامەن قامتامسىز ەتۋ ءۇشىن بىرىگىپ جاساعان. بۇگىن يپوتەكانىڭ 350 مىڭ تەڭگە كولەمىندەگى باستاپقى جارنانى جيناي العان حالىقتىڭ الەۋمەتتىك جاعىنان وسال توپتارىنا جاتاتىن، كوپبالالى وتباسىلاردان شىققان جاستار، مۇعالىمدەر مەن دارىگەرلەر، پوليتسەيلەر مەن قۇتقارۋشىلار، مادەنيەت قىزمەتكەرلەرى باسپاناعا يە بولدى.

«انام، اعام جانە مەن 11 جىل بويى پاتەر جالداپ كەلدىك جانە ءوز ءۇيىمىزدىڭ بولعانىن ارماندادىق. وتباسىمنىڭ ەڭ ۇلكەن ارمانى ورىندالعانىنا قۋانىشتىمىن. ءبىزدىڭ وبلىستا جۇمىسشى جاستار ءۇشىن وسىنداي باستاپقى جارناسى كوپ ەمەس باعدارلامانى ىسكە قوسقاندارى ءۇشىن قۋانىپ تۇرمىن. بىزگە جاساعان وسىنداي قامقورلىعى ءۇشىن مەملەكەتكە راحمەت»،- دەدى قۋانىشىمەن بولىسكەن №60 مەكتەپ قىزمەتكەرى نۇراسىل ۇسەنوۆ.

باقىتتى جاڭا قونىس يەلەرىنىڭ قاتارىندا ع.جۇبانوۆا اتىنداعى فيلورمونيا حورىنىڭ 23 جاسار قىزمەتكەرى سەرىك جۇباتقان دا بار.

«مەن اتا-اناممەن، اعاممەن جانە بالا-شاعاممەن تۇرامىن. ەندى ءوز ءۇيىمنىڭ بارىنا قۋانىشتىمىن»،- دەدى فيلورمونيا ءارتىسى.

ايتا كەتەيىك، «جاستار» باعدارلاماسىنىڭ العاشقى پاتەرلەرى وسى جىلى 14 اقپاندا الەۋمەتتىك سالادا ەڭبەك ەتەتىن جاس وتباسىلارعا بەرىلگەن بولاتىن.