– ۇقك شەكارا قىزمەتىنە 7 مىڭنان اسا, قارۋلى كۇشتەر ساپىنا 13 مىڭداي, مەملەكەتتىك كۇزەت قىزمەتىنە شامامەن 600-دەي, ۇلتتىق گۆاردياعا 13 مىڭنان اسا جاس سارباز قابىلدانادى, – دەدى ا.كۋكاتوۆ.
كوكتەمگى شاقىرۋ ناۋقانى قارساڭىندا قورعانىس ءمينيسترىنىڭ قاتىسۋىمەن قورعانىس ىستەرى جونىندەگى دەپارتامەنتتەر جانە باسقارمالاردىڭ باستىقتارىمەن سەمينار وتكىزىلىپ, وزەكتى ماسەلەلەر تالقىلانعان.
–
تىڭ وزگەرىستەردى ەسكەرە وتىرىپ, شاقىرۋ بارىسىندا زاڭنامالىق دەڭگەيدە مەرزىمدى اسكەري قىزمەتتى وتكەرۋدەن جالتارۋعا تىرىساتىن ادامدار ەرەكشە باقىلاۋعا الىنادى. سونداي-اق ولاردىڭ تاراپىنان شاعىمدى بولدىرماي شاقىرىلۋشىلار جانە ولاردىڭ اتا-انالارىمەن ساپالى ۇيىمداستىرىلعان جۇمىستى وتكىزۋگە نازار اۋدارىلدى, – دەپ مالىمدەدى ۇيىمداستىرۋ-جۇمىلدىرۋ جۇمىستارى دەپارتامەنتىنىڭ باستىعى.
قارۋلى كۇشتەر وكىلى شاقىرتۋ العانىمەن, اسكەري-مەديتسينالىق تەكسەرۋگە كەلمەگەندەرگە 5 ايلىق ەسەپتىك كورسەتكىش كولەمىندە ايىپپۇل سالىناتىندىعىن دا اتاپ ءوتتى. سونداي-اق اسكەردەن جالتارۋعا ارەكەتتەنگەندەردى قىلمىستىق جاۋاپكەرشىلىككە تارتۋ ماسەلەسى دە جۇرگىزىلۋدە.
سونىمەن قاتار مەرزىمدى ءاسكەري قىزمەتكە ازاماتتاردى شاقىرۋ كەزىندە سىبايلاس جەمقورلىق زاڭناماسى مەن مىنەز-ق ۇلىق ادەبىن مىندەتتى ءتۇردە ساقتاۋ جونىندە شارالار قاراستىرىلعان.
سەرىك ابدىبەك,
«Egemen Qazaqstan»
