– سەمەيگە ارنايى كەلىپ سىنعا تۇسكەن «شىعىس», «باتىس» جانە «وڭتۇستىك» وڭىرلىك قولباسشىلىقتارىنان 120-دان استام اسكەري قىزمەتشى, ياعني 5 مينومەت باتارەيالارى جارىستىڭ ءۇش كەزەڭىندە وزدەرىنىڭ تەوريالىق بىلىمدەرى مەن تاجىريبەلىك داعدىلارىن كورسەتۋ ءۇشىن ىرىكتەلدى, – دەدى «شىعىس» وڭىرلىك قولباسشىلىعى ءباسپاسوز قىزمەتىنىڭ جەتەكشىسى, اعا لەيتەنانت يسلامبەك قالدىبەكوۆ, – ءبىرىنشى كەزەڭ – «اتىس» بويىنشا, باتارەيالار جالپى كوماندالىق ءناتيجەمەن ەڭ كوپ بالل جينايتىن باتارەيانى انىقتاۋ ءۇشىن اك-74-تەن 4 باقىلاۋ اتۋ جاتتىعۋلارىن ورىندادى. ەكىنشى كەزەڭ «ارنايى» دەپ اتالدى. اسكەري قىزمەتشىلەر ارنايى دايىندىق بويىنشا وزدەرىنىڭ بىلىمدەرىن كورسەتتى. بولىمشە قۇرامىندا جانە جەكە ءوز ماماندىقتارى بويىنشا سىناقتار مەن نورماتيۆتەردى تاپسىردى. ءۇشىنشى كەزەڭ «باتارەيانىڭ اتۋى» دەپ اتالدى. جارىستىڭ بۇل كەزەڭىندە جەكە قۇرامنىڭ ارەكەتىن سوعىس جاعدايىنا ماكسيمالدى جاقىنداتۋ ءۇشىن جەڭىل بروندالعان كوپ ماقساتتى تارتقىشىندا (متلب) وت پوزيتسياسىن اۋىستىرا وتىرىپ نىسانالاردى ءارتۇرلى قاشىقتىقتان مينومەتتەن كوزدەپ اتۋدان سىنعا ءتۇستى.
جارىس قورىتىندىسى بويىنشا ءبىرىنشى ورىنعا «شىعىس» ءوڭىرلىك قولباسشىلىعىنىڭ 27943 اسكەري ءبولىمىنىڭ مينومەت باتارەياسى, ەكىنشى ورىنعا «وڭتۇستىك» وڭىرلىك قولباسشىلىعىنىڭ 74884 اسكەري ءبولىمىنىڭ مينومەت باتارەياسى, ءۇشىنشى ورىنعا «باتىس» وڭىرلىك قولباسشىلىعىنىڭ 30238 اسكەري ءبولىمىنىڭ مينومەت باتارەياسى لايىقتى بولدى.
راۋشان نۇعمانبەك,
«ەgemen Qazaqstan»
سەمەي
