«تۇركىستان تەك قازاق حالقىنىڭ عانا ەمەس, كۇللى تۇركى جۇرتىنىڭ قاسيەتتى مەكەنى. تۇركىستان – سان عاسىرلىق ادامزات شەجىرەسىنىڭ كۋاگەرى جانە وركەنيەت جاۋھارى», دەدى پرەزيدەنت.
سونداي-اق تۇگەل تۇركىنىڭ تەمىرقازىعى سانالاتىن تۇركىستانعا ءتاۋ ەتۋ اتا-بابالارىمىزدان كەلە جاتقان ءداستۇر ەكەنىن ايتتى.
«قاراپ وتىرساڭىز, حالقىمىزدىڭ ارعى-بەرگى تاريحىندا ەل باستاعان, قول باستاعان تۇلعالارىمىز دا اسا جاۋاپتى ساتتەردە, كۇردەلى ساياسي شەشىمدەر قابىلدايتىن ۋاقىتتاردا تۇركىستانعا تاعزىم ەتە بارعان. تۇڭعىش پرەزيدەنتىمىز – ەلباسى نۇرسۇلتان ءابىش ۇلى نازارباەۆ تا وسى كيەلى توپىراققا ءجيى ات باسىن بۇراتىنىن بىلەسىزدەر», دەدى ق.توقاەۆ.
